O 25 de maio celebramos o día da billarda. O alumnado de 2º e 3º ciclo puido aprender este xogo gracias á colaboración do campión nacional de billarda que veu ao noso centro a ensinarnos a historia, a regulamentación e o material co que xogaban os noso avós e avoas e que nesta zona coñeciamos polo nome de “o pateiro”.
Un ano máis celebramos o Maio no noso centro, para recuperar esta festa que foi esmorecendo co paso dos anos.
Os rapaces e as rapazas de 6º e 5º encargáronse do fiúncho, 4º e 3º dos ovos e as flores máis grandeiras e 2º, 1º e Infantil, de facer preciosos colares de pampillos e margaridas.
O venres celebramos a festa cunha cantiga adicada á primavera e un baile arredor do Maio.
O equipo de EDNL pediu colaboración ás familias para que fixeran un traballo de recopilación dos xogos tradicionais aos que eles xogaban cando eran pequenos. Estes traballos están expostos no corredor de primaria para que tod@ poidades ver como eran e como son estes xogos.
Con estes traballos faremos un libro que teremos nas biblioteca e que poderemos consultar para saber máis da nosa cultura popular.