Para conmemorar o DÍA DA POESÍA, achegouse ao noso cole o profesor xubilado e escritor estradense DAVID OTERO para realizar un obradoiro de poesía cos alumnos e alumnas de 3º, 4º, 5º e 6º. Gustounos moito a experiencia. Volveremos a repetila co alumnado de infantil, 1º e 2º.
Eiquí vos deixamos as presentacións que os Xenerais da Ulla fixeron das actuacións do noso alumnado na xornada do pasado venres 9 de febreiro para celebrar o entroido no noso cole. Nin que decir ten que por causa do mal tempo non puidemos facer o desfile ata o centro do pobo como era costume en anos anteriores, porén fixemos unha inauguración forzada da nosa nova aula de usos múltiples. A dicir verdade esa nova dependencia aínda non ten nome, pero para esa xornada foi moi proveitosa.
O pasado 17 de maio, conmemorando o día das letras galegas, unha pequena representación de alumnado do centro coas súas familias, asistiu a unha xuntanza organizada pola ANPA do noso centro e na que recitaron poesías e danzaron arredor do maio elaborado entre membros da ANPA (a estrutura) e o propio alumnado do centro. Nesta parte, aínda que colaborou o profesorado, todo o alumnado do centro participou na xornada do mércores 16 na confección da base de verde da estrutura xa facilitada pola ANPA, e por suposto na colocación dos adornos e no acabado final. Quedou moi lucido e ai vos deixamos unha pequena mostra, tanto do traballo no centro como sobre todo da festa do día das Letras Galegas en Callobre. Bo traballo rapaces e rapazas!
PARA INICIAR O NOVO PROXECTO SOBRE O RÍO ULLA, NADA MELLOR QUE UNHA SAÍDA POR ESTE ENTORNO, COMPROBANDO O ESTADO DA AUGA, AS ESPECIES QUE ALÍ SE ATOPAN, E UNHA MAGNÍFICA EXPLICACIÓN SOBRE A VIDA DE ALGÚNS PEIXES, ASÍ COMO OS DISTINTOS INSTRUMENTOS QUE OS AXENTES USAN PARA PODER FACER UN EXHAUSTIVO SEGUIMENTO POLOS SEUS PERCORRIDOS.
O ALUMNADO DE 5º E 6º QUIXO PARTICIPAR NESTA ANÓMALA CELEBRACIÓN DAS LETRAS, ELABORANDO UN ROSCO CON DIFERENTES AUTORES HOMENAXEADOS E HOMENAXEADAS AO LONGO DO TEMPO.
PRESTADE MOITA ATENCIÓN Á LECTURA, ESCRIBIDE O NOME COMPLETO DO ESCRITOR E ESCRITORA E SEMPRE CON MAIÚSCULAS, NON OLVIDEDES OS ACENTOS.
O 24 de febreiro disfrutamos da lectura de poemas de Rosalía de Castro por parte de Uxía e Sergio, de 5º e 6º respectivamente. A elaboración dovídeo tamén correa pola súa conta.
Comezamos o curso cunha visita importante. O pasado venres 10 de setembro visitáronnos Ángela e Mariña, dúas colaboradoras da ONG Stop Accidentes. Como o seu nome indica traballan na atención a persoas que foron víctimas dun accidente de tráfico pero tamén se esforzan por concienciar á cidadanía en xeral da importancia de acadar bos hábitos de RESPECTO aos demais como usuarios da vía pública.
Mellorar a nosa CONVIVENCIA e coñecer algunha das NORMAS básicas foi o que nos deixaron ese día.
O verán pasou e despois de tantas semanas sen acompañamento a natureza seguiu facendo o seu traballo no noso patio. As malas herbas gañaron moito espazo e sacábanlle protagonismo ás nosas plantacións polo que decidimos entre todos facer unha limpeza xa a comezos de curso e poder adecentar polo menos as xardineiras da fachada principal e os bancais do horto.
Colaborou desta vez o alumnado de 3º, 4º, 5º e 6º de primaria e en pouco tempo fixeron un traballo fantástico.
A NOSA PDI NESTE CURSO " NATUREZA SILVESTRE" DOU LUGAR A QUE OS NOSOS CARNETS DE BIBLIOTECA FOSEN DIFERENTES AO DOS OUTROS ANOS. O EQUIPO DE BIBLIOTECA, AXUDADO POLO EQUIPO DE TICs, CONSEGUÍU UNS CARNETS ILUSTRADOS CON ÁRBORES, ARBUSTOS E HERBAS DA NOSA CONTORNA. AQUÍ VOS DEIXAMOS UNHA MOSTRA DE COMO QUEDOU O TRABALLO.
Como novidade, este ano decidimos celebrar o día do Sorriso. A razón pode parecer absurda pero para nós resultou moi gratificante. A nosa compañeira e mestra de infantil, Thalía Troitiño González, non só ven de aprobar as oposicións ao corpo de mestres neste verán pasado, senón que tamén se estreou na eloxiosa labor de crear un libro para público infantil. "O poder máxico do sorriso" é o título desa obra que presentou o mes pasado no seu concello, en Silleda, e neste día tivemos a boa idea de convidala a que compartise con nós a súa experiencia como xove creadora.
Nesta actividade, colaborou o alumnado da materia de Valores sociais e cívicos de sexto curso de primaria.
Moitas felicitacións a todas (Jamila, Fátima e Danna) e moi en especial á nosa ESCRITORA, Thalía.
Como remate de trimestre, dentro do PLAMBE, e seguindo a proposta que este ano nos fai o equipo de biblioteca do centro, todas as aulas do centro participaron na elaboración deste fermoso calendario centrado nas nosas aves.
Para celebrar o 8 de marzo, día da muller, este ano decidimos que tiñamos que darlle visibilidade a un traballo que sobre mulleres relevantes ao longo da historia fixeron oito grupos de alumnado de primaria. Como acto importante dese día, cada grupo presentoulle ao resto do alumnado a muller que ao seu grupo lle fora encomendada, e que asemade, servirá para darlle nome a cada unha das aulas do noso centro. Este ano xa comezamos por darlle nome á aula de música, agora chámase Aula Andrea Porto, integrante da Banda da Loba e que xa nos visitou no novembro pasado. A idea é darlle continuidade e poder poñerlle ás nosas aulas o nome de Xela Arias, Maruxa Mallo, Marcela e Elisa, María Pita, Ángeles Alvariño, Pepa a Loba ou Emma Ríos, xa que todas elas foron as protagonistas na nosa xornada de celebración do pasado 8 de marzo.
COMO PRODUTO FINAL DO NOSO PDI " AS NOSAS AVES", NESTE SEGUNDO TRIMESTRE, O ALUMNADO DE 3º/4º E 5º/6º, PROFUNDIZARON NO ESTUDO DAS NOSAS AVES E ELABORARON AS PREGUNTAS PARA O TRIVIAL. UNHA BOA FORMA DE APRENDER E DIVERTIRSE, Á VEZ.
O ALUMANDO DE 1º E 2º LEVOU A CABO UNHAS FANTÁSTICAS MANUALIDADES.