Skip to Content

ALGÚNS RECANTOS DO PRIMEIRO TRIMESTRE

Velaquí unha pequena mostra das actividades que facemos na aula de 5 anos. Os nenos e nenas aprenden a través do xogo os conceptos básicos, palabras novas, os números ou as formas e as cores.

 

 

 

 

Festival de Nadal

Un ano máis, os nenos e nenas de Belesar esforzáronse para ofrecernos o mellor festival de Nadal que se pode ver no Val MIñor. Debaixo queda o vídeo coas actuacións destes pequenos grandes artistas.

Grazas ós alumnos, as familias e os profes polo seu esforzo e colaboración! 

Bo Nadal e feliz Aninovo!

 

VISITA DOS PAIS DE NOEL

O pai de Noel, da aula de 4 anos, é pescador, e viu ao cole para contarnos, coa colaboración da mamá de Noel, como se pescan os polbos, os camaróns, os ourizos, e tamén os percebes, que é o máis perigoso de todo, porque pode levarte unha onda forte. Os nen@s aprenderon moito sobre as artes de pesca e as diferentes técnicas, e tamén o importante que é para estes profesionais traballar en equipo e de forma segura.

"Máscaras" e "Vixiados" triunfan no Concurso de Poesía Visual de Baiona

O bo facer dos alumnos de quinto e sexto tivo un merecido premio no Concurso Interescolar de Poesía Visual de Baiona. O poema "Máscaras", da clase de quinto de primaria, resultou gañador do concurso;  mentres que o poema "Vixiados", da clase de sexto, acadou unha meritoria mención de honra.

Onte, David Fernández, poeta visual e impulsor do concurso, e Óscar Carreño, Concelleiro de Educación, visitaron Belesar para facer entrega dos premios e felicitar ós rapaces e rapazas polo seu esforzo e implicación no proxecto.

En Belesar temos uns auténticos poetas visuais e ben orgullosos que estamos deles! Sorriso

O noso corazón: ese gran descoñecido

Este luns, Diego Fernández, o pai de Tomás, que é un excelente cardiólogo, veu a ensinarnos unha morea de cousas sobre o corazón e o aparello circulatorio. Arterias, aurículas, capilares, válvulas semilunares...canto nos queda por saber do noso querido corpo!

Moitas grazas Diego por vir, por ensinarnos dunha forma tan entretida e por todas as cousas chulas que nos mostraches!

  

  

A volta ó cole contra a leucemia infantil

Outro ano máis,  no colexio de Belesar, quixemos aportar o noso gran de area contra a loita da leucemia infantil, participando na volta ó colexio benéfica. Agradecemos a participación e entusiasmo dos alumnos, familias e profesores que contribuiron a que a actividade fora,  de novo, un éxito!

   

 

 

 

A LECTOESCRITURA NON TEN SEGREDOS PARA ESTES NEN@S

 

Un dos recantos non que máis traballamos este trimestre foi o da lectoescritura, con diferentes materiais e propostas, como estas letras móbiles de madeira.

TRABALLAMOS NOS RECANTOS

Os nenos e nenas de 5 anos comezan o curso aprendendo a traballar nos recantos. Aprendemos xogando!

 

 

 

 

 

 

 

 

 

 

 

 

 

 

 

 

 

Distribuir contenido


by Dr. Radut