Estas últimas semanas o alumnado de sexto está a traballar “a enquisa” .

Seguindo as fases de elaboración, primeiro centrándonosen elixir os temas, neste caso, vinculados cos proxectos do cole (a meteoroloxía, a alimentación e a escola de hai 50 anos).

A continuación, elaboramos as enquisas para posteriormente facer o noso traballo de campo no centro da vila.

Foi unha experiencia moi enriquecedora, na que compartimos moitas e divertidas experiencias cos veciños de Bueu.

O pasado día 18 de marzo o alumnado de sexto de primaria acudiu á Sala de Exposicións Amalia Domínguez Búa para visitar a éxposición "Folerpas de papel caen devagar sobre fachos prendidos", contando coa explicación do artista, Ramiro Agulla.

Foi unha experiencia que non só nos achegou á escultura e ao arte, senón a todo un mundo de sensacións.

Nesta celebración do 50 aniversario do cole, estamos a convidar a persoas da nosa comunidade educativa para que compartan as súas experiencias do seu paso por esta escola. Nesta ocasión contamos con Martín Calviño, que nos falou dos cambios que se produciron no ensino nestas últimas décadas e compartiu con nós os seus recordos escolares, mesmo ensinándonos boletíns de notas, libros, diplomas...

Sen dúbida, foi unha visita moi especial!

Chegou o entroido no cole da Pedra.

Gozamos dun día de festa moi especial, onde puidemos xuntarnos todos no patio e ver os desfiles dos diferentes cursos, ben introducidos e guiados no acto polo alumnado de 6ºB,  que preparou uns versos moi simpáticos para amenizar a nosa entroidada.

Rematamos danzando e cantando todos xuntos "O son de Bueu".