DE VOLTA XA!

 O alumnado de 5º e 6º xa está de volta da viaxe a A Coruña que, coma cada dous anos, é costume realizar no noso colexio. Durante a estancia  visitaron o acuario, a Casa das Ciencias (cunha sesión no Planetario), o DOMUS e o MUNCYP.

Este tempo aproveitárono tamén para pasear pola cidade e para disfrutar convivindo nun ambiente relaxado cos compañeiros e compañeiras de ciclo.

     Se queres ver as fotos, preme na imaxe           

O ximnasio do noso colexio lavou a cara grazas á colabración desinteresada dun grupo de nais e pais que o pintaron deixándoo tan perfecto como se fose de estrea, tal como se pode comprobar nesta reportaxe fotográfica.

Moitísimas grazas e noraboa por este gran traballo!

O mércores 15 de maio celebramos o Día das Letras Galegas cos seguintes actos: 

• Homenaxe a Roberto Vidal Bolaño
• IVº Mercadiño de Libros Usados

As dúas cousas saíron moi ben e todos quedaron contentos coas actuacións e cos libros que levaron para casa.

Ver álbum de fotos

Os cursos 3º e 4º de E. Primaria visitaron Naturnova e disfrutaron das súas exposicións interactivas. Aquí podedes ver unha reportaxe sobre a visita:

Ao longo de varios días desenvolveuse no colexio un concurso sobre Roberto Vidal Bolaño, autor homenaxeado este ano no Día das Letras Galegas.

Desde a clase de 5 anos ata 6º de E. Primaria  contestaron día a día as preguntas coa axuda das pistas que aparecían no mural. Entre os acertantes sorteáronse cada día narices de pallaso que os gañadores luciron con gran dignidade como se pode comprobar na reportaxe fotográfica.

Grazas pola dedicación e ilusión de todos os participantes.

O vindeiro 17 de Maio celébrase o Día Letras Galegas. Este ano adicadas a ROBERTO VIDAL  BOLAÑO, autor, director e actor de teatro. Para saber un pouquiño máis sobre esta celebración e sobre o personaxe homenaxeado, o Equipo de Dinamización Lingüística vos achega unha serie de enlaces para axudarvos nese cometido.

 MERGULLARVOS NELAS E DIVERTIRVOS!!!

O 15 de maio organizamos no colexio o IVº Mercadiño de Libros Usados. Nesta data puidéronse intercambiar libros de 2ª mano en bo estado aportados polas familias.

Cada libro aportado foi canxeado por un tintur€uro ata un máximo de 6. Con esta particular moeda, nenos e nenas puideron adquirir os libros que lles gustaron.

Despois destes trocos, as familias interesadas mercaron a prezos módicos os libros sobrantes. Os cartos recollidos serán donados a Caritas.

Grazas pola vosa colabración e pola vosa presenza.

Os tres cursos de E. Infantil foron o pasado 28 de abril á Granxa Serantellos. Pasaron un día estupendo no que coñeceron animais, fixeron pan, comeron, xogaron, e tamén merendaron.

Tras unha xornada tan intensa moitos volveron durmindo placidamente no autobús.

Ver álbum de fotos

Co gallo da celebración do Día do Libro, apareceron no patio do noso colexio personaxes de varios contos para contar as súas historias. Nenas e nenos agrupáronse rapidamente arredor de cada personaxe e escoitaron os contos con moito interese.

 Os alumnos e alumnas de 2º visitamos a BIBLIOTECA CENTRAL DE VIGO. Nos falaron da súa historia e nos ensinaron a zona adicada aos usuarios ata os 14 anos. Nese espacio dispoñen dunha gran variedade de libros, revistas, películas, música e todo tipo de material adaptado a nosa idade e aos nosos gustos. Para poder disfrutar de todo isto non temos máis que facernos socio e socias.