1º Ciclo

MANDALAS DE PLASTILINA, LEGUMES E PASTA ----1º CURSO

 

BENVIDOS E BENVIDAS A TINTURARTE!

 

Quedan escasos días para rematar o curso e imos amosarvos as últimas creacións.

Os nenos e as nenas de 1º curso elaboraron unha mandala moi orixinal empregando de base plastilina e como elementos de decoración diversos legumes e pastas.

 

Velaquí o proceso:

1- Facemos unha bola coa plastilina e aplastámola para facer a base.

2- Engadimos (seguindo unha orde) as legumes e pastas facendo unha especie de mosaico.

3- Para rematar, botámoslle unha capa de cola branca para que a plastilina quede brillante e dura.

Resultado:

 

Agardamos que vos encanten!

MOITOS AGARIMOS E A SEGUIR TRABALLANDO CON TANTA ARTE!

 

AS MACETIÑAS RÁS ------------- 1º curso

 

BENVIDOS E BENVIDAS A TINTURARTE!

 

Achégase fin de curso e aínda nos quedan algunhas cousiñas por ensinarvos!

Os nenos e as nenas de 1º curso fixeron estas macetiñas de barro do máis simpáticas.

Foi un pouco loucura porque son 23 nen@s modelando macetiñas con só 50 minutos de clase, pero conseguímolo!

 

Velaquí o proceso:

 

1- Modelamos a pasta de modelar branca coas mans e axudándonos cun pouquiño de auga.

 

 

2- Deixámola secar durante unha semana ao aire.

 

 

3- Pintamos con témperas.

 

 

4º- Decoramos con puntiños empregando un bastonciño de algodón.

 

 

5º Deixamos secar.

 

 

6º- Barnizamos con spray.

 

 

7º- Plantamos unhas semilliñas e listo!!!

 

 

Marcharon contentísimos para a casa!

 

Quedaron simpatiquísimos!!!!

 

MOITOS AGARIMOS 

E A SEGUIR TRABALLANDO CON TANTA ARTE!

 

A despedida de Marta

Despois de tanto tempo con nós no comedor, Marta marchou. Quixemos que na súa despedida levase un recordo de todo o centro e esta foi a nos aportación en imaxes e coas palabras que foron xurdindo ao intentarmos describir o seu traballo con nós e describila a ela.

 

Marta é...

Marta, grazas por...

 

 

Monte e arte. O monte é arte.

Nenas e nenos de 2ºB coas nosas familias quixemos facer uns traballos nos que se salientasen as posibilidades artisticas do monte, dos seus compoñentes e dos materias que del podemos obter.

O resultado foi esta exposición que todo o centro puido ver e coñecer.

Monte e arte. O monte é arte.

O monte e a Música

Con este título os nenos nenas e familias de 2ºA fixemos unha exposición de traballos feitos por nós sobre a relación entre o monte, as árbores, os animais,... e o mundo dos sons, instrumentos e a música.

O resultado foron diferentes e variopintas achegas de información e materiais cos que todo o colexio desfrutou e aprendeu.

SEMANA DAS LETRAS GALEGAS

Este curso fomos as encargadas e encargados de decorar co motivo das Letras Galegas o panel das escaleiras da nosa banda do cole.

Decidimos que fose unha imaxe de Antón Fraguas, o homenaxeado deste ano, e unhas árbores do noso monte sobre un libro aberto cheo de nomes tamén de árbores da nosa contorna.

Botámosnos ao monte galego!

 

Co motivo desta celebración houbo un concurso argallado polo equipo de Dinamización da lingua: un Pasapalabra sobre o autor. Participamos todas e todos e saimos premiados algunha e algúns. 

 

Na biblioteca, como non podía ser menos, a nosa amiga A Meiga Tintureira tivo en conta estas datas especiais para a nosa lingua e preparounos un Recuncho das Letras variado en temas e estilos.

O único que non variaba é que todos estaban escritos na lingua homenaxeada.

Na Nosa língua.

RECUNCHO DO CÓMIC NA BIBLIOTECA

Desta vez, a Meiga Tintureira fíxonos desfrutar co mundo do cómic cunha nova exposición.

O UNIVERSO E OS PLANETAS

APROVEITANDO QUE ESTABAMOS COTEMA DO UNIVERSO, GALAXIAS, PLANETAS E OUTROS ASTROS, ÁS MESTARAS OCURRÍRONSELLE DÚAS ACTIVIDADES MOOOOOI INTERESANTES.

UNHA DELAS FOI A VISITA AO COLE DUN ESPECIALISTA ASTRÓNOMO CO SEU PLANETARIO XIGANTE. UNHA ACTIVIDADE QUE NOS DEIXOU ABRAIADAS E ABRAIADOS A NENAS, NENOS E ADULTOS QUE TIVEMOS A SORTE DE DESFRUTALA.

Co aprendido fixemos o noso Lap Book do Sistema Solar.

 

ROBOTS RECICLADOS de 1º curso

BENVIDOS E BENVIDAS A TINTURARTE!

 

Hoxe, os nenos e as nenas de 1º curso, amosámosvos estes divertidos robots feitos cun cartón de leite, papel de aluminio reciclado dos bocatas do recreo que fomos recolleitando e diversos adornos como vasiños de iogur.

Con esta actividade, intentamos amosarlle @s alumn@s que cos materiais que tiramos tódolos días á basura podemos facer fermosas obras de arte, e concienciámolos na importancia da RECICLAXE.

 

Velaquí o proceso:

Primeiro, debuxamos os ollos, a boca... e diversos elementos que eles quixeran integrar no robot.

O cartón de leite xa estaba forrado co papel de aluminio, pois como era reciclado gran parte del estaba roto e resultáballes moi complicado forralo ben.

Unha vez pintadas tódalas peciñas, pegámolas con pegamento de barra; os vasiños de iogur e os limpapipas con silicona quente.

Ademáis, a mestra fixo pegantinas feitas con Ironfix para completar a obra de arte.

 

E a mestra tamén fixo o seu robot!!! Beso

Agardamos que vos encanten!!!

 

MOITOS AGARIMOS

E A SEGUIR TRABALLANDO CON TANTA ARTE!!

 

PICASSOS --- 2º curso

 

BENVIDOS E BENVIDAS A TINTURARTE!!

 

Estades preparad@s? Porque @s nen@s de 2º curso tráennos unha obra de arte do máis orixinal!

 

Era todo un reto, pois consistía en convertir unha botella de auga nunha personaxe empregando tódolos materiais que temos na aula, e como condición, integrar o seu retrato ou parte del na mesma.

 

Tratábase de facer voar a súa imaxinación, sen instruccións previas e dándolles nada máis que o material, para así fomentar a súa CREATIVIDADE!

Unicornios, guerreiros, Papa Noel, rapazas con bolsiño incluído, robots, pikachus... as súas cabezas botaban fume!

 

Velaquí o proceso:

 

 

 MOITOS AGARIMOS 

E A SEGUIR TRABALLANDO CON TANTA ARTE!

 

Distribuir contido