Estes días non paramos de recibir visitas importantes no noso colexio.

Nesta ocasión os mismísimos Bolechas achegáronse a Tintureira para explicarlles aos nenos de 1º e 2º a importancia da reciclaxe dos aparellos eléctricos.

Esta visita forma parte dunha campaña de sensibilización da Consellería de Medio Ambiente, nela os personaxes dos Bolechas dan pautas e coñecementos para o correcto reciclaxe destes residuos.

O venres pasado os nenos e nenas de 2º, 3º e 4º tiveron a sorte de desfrutar da presenza dos mismísimos Dinoseto e Dinosetiño!

Un ano máis participamos na campaña de reciclaxe promovida polo Concello que ten por obxectivo ensinar aos máis pequenos a importancia de reciclar e de manter limpa a cidade.

Este ano a novidade foi a reciclaxe no contedor de roupa e o aceite usado.

Ao remate os nenos e nenas foron agasallados cunha mochila cun conto, un parchís magnético e un vaso.

Con motivo da celebración do Día da Muller os alumnos e alumnas participaron en diferentes actividades de centro, unha destas actividades consistiu en facer un retrato sobre unha muller importante nas súas vidas, con estes retratos realizamos unha montaxe utilizando a canción "Matriarcas" de Guadi Galego como elemento motivador. Quedando desta maneira reflectidas as matriarcas do noso día a día, que como di a canción son as nosas Aleitadoras, Conquistadoras, Brillantes, Activistas da vida cotiá.

Durante a mañá do venres día 22 de marzo realizamos unha plantación de árbores no colexio.

Debido a necesaria tala, que semanas atrás nos vimos obrigados a facer no xardín da entrada principal do colexio, decidimos repoñer estas árbores cunha nova plantación contando coa participación de todo o alumnado do colexio.

Cada neno participou simbólicamente nesta plantación, unha árbore para cada ciclo, árbores que a partir de agora os nenos verán medrar con eles.

Unha actividade máis englobada dentro do no noso proxecto anual "Botámonos o monte"

Agradecemos ao Distrito Forestal XVIII Vigo-Baixo Miño a doazón destas árbores e a charla medioambiental "Monte Vivo" impartida ao alumnado de 5º e 6º de Primaria.

 ALBUM DE FOTOS

Benvidos á celebración do Entroido 2019!

Unhas marabillosas árbores de conto emerxeron no patio do colexio, e fabulosos personaxes percorreron este máxico bosque animados pola música e o baile.

Foi unha festa fantástica onde non faltou coma todos os anos a visita das familias, os desfiles, o xuizo e queima do Meco, e a xa nosa tradicional xornada gastronómica.

Agradecer ás familias que nos acompañasen ese día, e en especial á ANPA do colexio toda a súa colaboración, grazas a eles a organización da festa foi perfecta.

PREGÓN DO ENTROIDO 2019

XUIZO E SENTENCIA DO MECO 2019

ALBUM DE FOTOS

Segundo o resultado do sorteo anual de letras de prioridade para resolver os casos de empate no proceso de admisión de alumnado 2019/2020 as letras de prioridade que afectan ao primeiro apelido son as letras "E" e "C", así mesmo, afectan ao segundo apelido as letras "U" e "P".

Con respecto ao noso centro, lembrámoslles que o punto do baremo que fai referencia ao criterio complementario asignado polo centro será otorgado aos fillos de antigos alumnos ou alumnas.

ANEXO II (novo, curso 2019-2020)

MÁIS INFORMACIÓN

Información importante se desexan solicitar praza no noso centro para o curso 2019/2010 

Que debo entregar:

. O anexo II (Cod. ED550B) cuberto e asinado.

  Poden descargalo AQUÍ ou presentalo en liña AQUÍ

. Fotocopia do libro de familia de todos os membros da unidade familiar

Onde:

. Na secretaría do centro solicitado como 1ª opción.

En horario de mañá de 09.15h a 14.15h. Preferiblemente de 09:15 a 10:05. 

Cando:

O prazo abrangue desde día 1 ata 20 de marzo (os días 4,5,6 de marzo o centro permanecerá pechado, xa que son días non lectivos)

Que debo ter en conta:

. Cada alumno/a somentes pode entregar unha única solicitude, esta debe ser entregada no centro en que pretenda ser admitido en primeiro lugar.

. A solicitude deberá ser asinada por ambos proxenitores ou polos representantes legais.

. No caso de separación, no que a patria potestade esté atribuída, con carácter exclusiva, a un deles, e preciso presentar ademais a resolución xudicial correspondente.

. No caso de familia monoparental, esta deberá acreditarse segundo o recollido no artigo 25 da orde de 12 de marzo de 2013.

. Para alumnado con necesidades específicas de apoio educativo (NEAE), achegarase xunto coa solicitude, a documentación que acredite as circunstancias que fundamentan esta petición.

. Para a valoración da renda da unidade familiar, constará a cantidade que resulte da suma das casiñas da base impoñible xeral (392) e da base impoñible do aforro (402) da/as declaración/s do imposto sobre a renda das persoas físicas (exercicio fiscal 2017).

. O punto do baremo que fai referencia ao criterio complementario asignado polo centro será otorgado aos fillos de antigos alumnos ou alumnas.

. Para saber se o noso centro lle pertence por zona prema AQUÍ. O noso centro é a ZONA 11.

Normativa de aplicación:

Decreto 254/2012, do 13 de decembro
Orde do 12 de marzo de 2013 
Orde do 25 de xaneiro de 2017 

Educación Infantil

3 anos: 25 prazas (3 reservadas para alumnado con NEE)

4 anos: 6 prazas

5 anos: 9 prazas

Educación Primaria

1º curso: 4 prazas (3 reservadas para alumnado con NEE)

2º curso: 2 prazas

3º curso: 19 prazas

4º curso: 3 prazas

5º curso: 0 prazas

6º curso: 1 praza