Este programa propón un modelo de Educación Ambiental colaborativo e interdisciplinar co obxectivo de desenvolver proxectos e iniciativas que busquen solucións aos problemas xerados polo cambio climático. Para isto ofrece a través do seu espazo web unha serie de recursos que promoven dinámicas baseadas no desenvolvemento de proxectos específicos nas aulas. Este recursos están complementados por actividades formativas e de presentación de resultados das actividades realizadas durante o curso polo profesorado e o alumnado participante.

Alumnado ao que vai dirixido: Primaria, ESO e bacharelato

Temporización: Anual

Número de centros participantes: 19

Entidade responsable: Instituto de Estudos do Territorio

Teléfono: 981541026

Correo electrónico: manuelsb@edu.xunta.es

12 meses 12 paisaxes terá por finalidade un mellor coñecemento da paisaxe próxima ao alumnado. Concienciar sobre a importancia do seu valor natural, cultural, emocional e económico e como ferramenta para conseguir un territorio máis sostible.
Asociaranse os coñecementos curriculares para desenvolver a capacidade de ler e interpretar a paisaxe dende unha mirada interdisciplinar. A partir da formación do profesorado e con obradoiros nos centros, invitarase a desenvolver unha proposta educativa baseada no apadriñamento polo alumnado dunha pequena área na súa comunidade onde poda propor unha mellora paisaxística asumible pola comunidade educativa.
Espérase do alumnado, ademais do vencello dos seus coñecementos curriculares co seu entorno, unha actitude proactiva motivada por valores de respecto do medio ambiente, a convivencia, a identificación cultural, así como o desenvolvemento da súa capacidade para traballar en equipo, aportando iniciativa persoal e aportando propostas positivas para a súa sociedade.

Alumnado ao que vai dirixido: Infantil, primaria, ESO, bacharelato e FP

Temporización: Anual

Número de centros participantes: 40

Criterios de selección:

Terán prioridade os centros:

1. Da Comarca Paisaxística do Deza (concellos de Lalín, Rodeiro, Vila de Cruces, Silleda, Dozón e Agolada)
2. Cun proxecto de traballo que se axuste mellor ao esquema e aos obxectivos marcados nas liñas mestras da Estratexia da paisaxe galega en materia de formación e sensibilización.

Entidade responsable: Instituto de Estudos do Territorio

Teléfono: 981541026

Correo electrónico: manuelsb@edu.xunta.es

O Selo Europeo para as iniciativas innovadoras na ensinanza e a aprendizaxe das linguas é unha iniciativa da Comisión Europea para incentivar a aprendizaxe de linguas como medio para unha auténtica integración europea.

Este premio quere destacar as experiencias innovadoras no eido da ensinanza e a aprendizaxe das linguas (incluída a linguaxe de signos) estranxeiras, nacionais, e as  propias de comunidades emigrantes.

Ven outorgándose no Estado español mediante convocatoria pública desde 1998, e desde 2005 conta con dúas modalidades:

• Modalidade A: Selo Europeo para as mellores actividades innovadoras na ensinanza e a aprendizaxe das linguas.
• Modalidade B: Selo Europeo para o profesor/a de linguas que teña destacado pola súa dedicación e profesionalidade na ensinanza de linguas.

As solicitudes para as dúas modalidades poderán presentarse ata o 8 de setembro de 2012.

Pódese visitar ata o 26 de agosto de 2012 no Museo Guggenheim de Bilbao a exposición que recolle unha selección das obras dos 112 rapaces de 6 a 12 anos que participaron no programa educativo “Aprendiendo a través del arte” no curso escolar 2011-12.

Impartido polos artistas Elssie Ansareo, Naia del Castillo, Ibon Garagarza, Maider López, Manu Muniategiandikoetxea e Jorge Rubio, o programa refoza o currículo escolar de educación primaria mediante a utilización da arte como ferramenta educativa.

A Asociación Mundial de Educadores Infantís (AMEI-WEACE) convoca o Concurso Internacional de Contos Curtos para promover a creación de hábitos de autonomía nos nenos e nenas de 2 a 6 anos.
Os textos poden estar escritos en español ou en inglés, e os seus autores deben ser maiores de idade.
O prazo para presentar os traballos finaliza o 30 de setembro de 2012.

A quinta edición do ITworldEdu celebrarase no CosmoCaixa de Barcelona os días 23, 24 e 25 de outubro de 2012.
ITworldEdu é un punto de encontro de profesionais do sector da Educación e das TIC para aprender, intercambiar ideas, coñecer casos e experiencias reais, fomentar contactos, establecer acordos comerciais e presentar as últimas novedades.

A sede do Consello Escolar de Galicia foi o escenario da entrega dos nove premios correspondentes á II edición do concurso “Un mundo de cor”.
O acto  foi presidido polo subdirector xeral de Inmigración e Retorno, da Secretaría Xeral de Emigración, Antonio Aguarón, acompañado do subdirector xeral de Ordenación e Innovación Educativa e Formación do Profesorado, da Consellería de Cultura, Educación e Ordenación Universitaria, Manuel Vila López.

As gañadoras foron:

Primeira Categoría (alumnado de 1º a 3º de Primaria):

• 1º premio: Shital González, do CEIP Ramón Cabanillas de Santiago.
• 2º premio: Lucía Fernández, do CEIP Ramón Cabanillas de Santiago.
• 3º premio: Alicia Mialache, do Colexio Cardenal Cisneros de Ourense.

Segunda Categoría (alumnado de 4º a 6º de Primaria):

• 1º premio: Paula Noya Mourullo, do CEIP Ramón Cabanillas de Santiago.
• 2º premio: Helena Fajín Riveiro, do CEIP Ramón Cabanillas de Santiago.
• 3º premio: Yiling Liu do CEIP Ramón Cabanillas de Santiago.

Terceira Categoría (alumnado da ESO):

• 1º premio: Nuria Gómez Pérez, do CPI Covaterreña de Baiona.
• 2º premio: Mariya Ilieva Palikarska, do IES Carlos Casares de Vigo.
• 3º premio: Laura Vidales Fernández, do CPI Covaterreña de Baiona.

A Organización de Estados Iberoamericanos para a Educación, a Ciencia e a Cultura (OEI) e o Ministerio de Educación, Cultura e Deportes no marco dos seus respectivos programas para o fortalecemento das Linguas de Iberoamérica na Educación e Leer.es convocan o Congreso Iberoamericano das Linguas na Educación e na Cultura/IV Congreso Leer.es que se celebrará na cidade de Salamanca do 5 ao 7 de setembro de 2012.

O congreso terá como obxectivos:

• Impulsar o proxecto das linguas na educación.
• Reflexionar sobre a ensinanza das linguas.
• Afondar na importancia das linguas como eixo da transmisión cultural.
• Analizar as relacións entre as diferentes linguas e as novas tecnoloxías da información.