Informática

Onte tivo lugar no noso centro o concurso anual de Montaxe de Ordenadores. Neste concurso, o alumnado dos ciclos da familia de Informática clasificado nas roldas preliminares compite para demostrar que é quen de montar un equipo informático no menor tempo e da mellor maneira posible.

O campión da quenda de réxime ordinario Juan Fernando Veiga Costas do CM de Sistemas Microinformáticos e Redes enfrontouse na fase final ao campión da quenda de réxime de persoas adultas José Manuel González Rosende, do CS de Administración de Sistemas en Rede, quedando campión absoluto o primeiro. Noraboa!

Hoxe luns 27 de xaneiro recibimos de novo no noso instituto a Jairo Chapela Martínez, que nesta ocasión impartiu un obradoiro ao alumnado de 2º do CS de Despregamento de Aplicacións Web do réxime ordinario.

Neste obradoiro coñecemos as vantaxes de desenvolver aplicacións con tecnoloxías web facendo uso da nube cunha arquitectura serverless. Falamos da evolución dende as aplicacións monolíticas aos servizos baseados en funcións, pasando polos microservizos.

Mañán luns 27 de xaneiro recibimos de novo no noso instituto a Jairo Chapela Martínez, que nesta ocasión impartirá un obradoiro ao alumnado de 2º do CS de Despregamento de Aplicacións Web do réxime ordinario, aínda que antes de que remate o curso volverá para repetir o obradoiro para o alumnado do mesmo curso do réxime de persoas adultas.

Neste obradoiro coñeceremos as vantaxes de desenvolver aplicacións con tecnoloxías web facendo uso da nube cunha arquitectura serverless. Falaremos da evolución dende as aplicacións monolíticas aos servizos baseados en funcións, pasando polos microservizos.

O alumnado de 2º do CM Sistemas Microinformáticos e Redes e de 2º do CS Administración de Sistemas Informáticos en Rede da quenda de Ordinario, acompañados polos docentes do centro Cristina Castiñeira, Antonio de Andrés e Agustín Sobral, viaxou o pasado martes 10 de decembro a Santiago para visitar o Centro de Procesamento de datos da AMTEGA e así poder comprobar in situ as medidas de seguridade empregadas e que estudaran nos módulos de Seguridade dos seus ciclos.

Aproveitaron a hora da comida para pasear polo casco vello e asistiron pola tarde ás xornadas de Automatización de tarefas de administración en dispositivos de rede Cisco mediante Python, organizadas polo Centro de Novas Tecnoloxías de Galicia e a Dirección Xeral de Orientación e Promoción Laboral.