Skip to main content

Igualdade

Maleta de igualdade

Enviado por admin o Lun, 04/11/2019 - 10:40

A maleta de igualdade

Xa temos no instituto a maleta de igualdade que nos prestou o CFR de Vigo. Nela podemos atopar novelas, ensaios, libros de texto e outro material para traballarmos a igualdade.

A maleta está a disposición dos departamentos para o seu uso nas aulas, parte do seu material estará a disposición da comunidade educativa na biblioteca e servirá para traballar no proxecto de igualdade do centro presentado ao premio Carmen López-Cortón.

 

Actividade "Mozas e mozos cambiando estereotipos"

Enviado por admin o Mér, 30/10/2019 - 12:27

Alumnado do IES de Teis na actividade Mozas e mozos cambiando estereotipos

O pasado luns do 28 de outubro de 2019 o alumnado de FP Básica e Ciclos Medios das familias de Informática e Imaxe persoal estiveron no auditorio do concello no obradoiro "Mozas e mozos cambiando estereotipos".

Nesta actividade traballáronse diferentes contidos entre os que figuran os estereotipos e roles de xénero, a violencia simbólica, o ciberacoso, control e ciberviolencia en redes, as violencias sexuais e o empoderamento.

Podedes atopar máis información da actividade neste enlace.

O IES de Teis participa no Premio pola Igualdade Carmen López-Cortón 2019

Enviado por admin o Lun, 28/10/2019 - 18:33

Premio Carmen López Cortón

O noso instituto acaba de presentar o seu proxecto sobre os estereotipos de xénero para participar no Premio Carmen López-Cortón 2019.

Neste proxecto participarán oito docentes, así como o alumnado de 3º e 4º da ESO e 1º de FP Básica e o seu obxectivo é que o alumnado asimile coñecementos e actitudes, así como unha distancia crítica necesaria para analizar o tratamento dos estereotipos de xénero no século XXI, especialmente nos medios de comunicación, a publicidade, a moda, as redes sociais e as novas tecnoloxías da información e da comunicación.

Inauguración do Espazo de Igualdade da biblio

Enviado por admin o Lun, 24/06/2019 - 17:41

Inaguración do espazo de igualdade
Inaguración do espazo de igualdade

O venres 21 de xuño, derradeiro día do curso, reunímonos para inaugurar o Espazo de Igualdade que se habilitou na biblioteca.

O acto inaugural estivo dirixido polo profesor e membro do Grupo de Igualdade, Gabriel Sánchez, cuxas palabras se alternaron coa lectura de microrrelatos en galego por parte de alumnos e alumnas de diferentes cursos.

Estes textos foron seleccionados entre os gañadores e finalistas do concurso de microrrelatos pola igualdade Mujer, ni más ni menos, organizado pola “Oficina de Información del Parlamento Europeo en España” para conmemorar o Día Internacional de las Mujeres 2015, e que contou coa colaboración do “Instituto de la Mujer”. Trátase de textos orixinariamente en castelán, pero que puidemos desfrutar na nosa lingua grazas á tradución que deles fixo a profesora e compañeira do Grupo de Igualdade Naír García.

Exposición "As mulleres no mundo das TIC"

Enviado por admin o Lun, 24/06/2019 - 17:22

Mulleres nas TIC

No mes de abril o Departamento de Tecnoloxía celebraba o “Día das rapazas nas TIC”. Dous meses despois o IES de Teis volve acoller unha iniciativa que busca poñer de relevo o ata de agora silenciado papel das mulleres no ámbito das Tecnoloxías da Información e da Comunicación, e promover así as vocacións neste terreo entre as nosas alumnas.

Nesta ocasión, trátase dunha exposición na que podemos contemplar unha serie de paneis adicados ás biografías de nove mulleres destacadas ou pioneiras neste ámbito. Entre elas atopamos, por exemplo, a Ángela Ruiz Robles (precursora do e-book), a Ada Lovelace (primeira programadora da Historia) ou a Ana María Prieto López (pioneira da programación no noso país).

Esta mostra, que estará dispoñible ao público no recibidor do último andar ata o vindeiro 30 de xuño, é obra do CiTIUS (Centro Singular de Investigación en Tecnoloxías Intelixentes) da USC e foi concebida para conmemorar o Día Internacional das Rapazas nas Tecnoloxías da Información e Comunicacións (TIC).