NOVAS:

A CIUG vén de publicar os días e horarios das probas para o alumnado que acuda á convocatoria ordinaria das ABAU, así como os diferentes prazos de chamamentos de matrícula nas universidades galegas.

Podedes consultalos premendo sobre as seguintes ligazóns:

• Días e horarios das probas ABAU (ordinaria)
• Prazos de chamamento de matrícula nas univesidades do SUG

Mediante a publicación dunhas novas Instrucións, a Consellería vén de habilitar un novo prazo de solicitudes de validación para alumnado de 1º de Bacharelato que curse tamén ensinanzas profesionais de música e/ou danza.

Así, ata o 7 de febreiro de 2023, o alumnado de 1º Bacharelato que cumpra os requisitos das táboas de validación recollidas no anexo de ditas instrucións (imaxe), poderá presentar solicitude de validación. A solicitude entregarase na Secretaría do centro, dispoñendo a dirección de 5 días de prazo máximo para resolvela.

Comeza o proceso de admisión de alumnado en centros escolares sostidos con fondos autonómicos para o curso 2023/24, regulado pola Orde de 21 de outubro de 2022 e co seguinte calendario:

• Do 15 de xaneiro ao 4 de febreiro de 2023: prazo de reserva para o alumnado que finaliza etapa nun centro e pasa a outro.
• 22 de febreiro de 2023: publicación da listaxe de alumnado con posto reservado.
• Antes do 1 de marzo: sorteo público para os efectos de desempate.
• Do 1 ao 20 de marzo de 2023: prazo de solicitude de reserva para o alumnado que se incorpora por vez primeira ao sistema educativo galego ou para os que cambian de centro de maneira voluntaria.
• 25 de abril de 2023: publicación da listaxe provisional de admitidos. Cinco días hábiles para formular reclamacións a partir do día seguinte da súa publicación. 
• 15 de maio de 2023: publicación da listaxe definitiva de admitidos.
• 23 de xuño a 7 de xullo de 2023: unha vez admitido, prazo de formalización de matrícula.

Podes acceder a TODA A INFORMACIÓN DO PROCEDEMENTO na nosa web premendo AQUÍ, no taboleiro da Secretaría do centro ou a través da aplicacion admisiónalumnado.

Benvidos á nova páxina web do noso IES. Nova estrutura, formato e contidos para adaptala aos novos tempos e necesidades, e cos que agardamos se convirta en orgulloso lugar de encontro e de servizo para toda a comunidade educativa do noso centro. Nestes primeiros días, como é lóxico, estaremos aínda facendo axustes, pero desde xa mesmo convidámosvos a navegar por ela segundo os vosos intereses e roles. Desexamos que vos resulte atractiva, intuitiva e útil, e que vos ilusione tanto como a nós.

Na Benvida, contámosvos un pouco máis.

Hoxe comeza o primeiro período de reparto de froita fresca e leite deste curso. Dende hoxe e ata o venres 2 de decembro repartirase froita fresca nos recreos, que estará dispoñible na entrada do centro. No caso do leite, período de reparto estenderase ata o mércores 21 de decembro.