NOVAS:

No mes de setembro realizáronse as probas para optar o Premio Extraordinario da ESO ao Rendemento Académico.

Premio dirixido ao alumnado que cursou, durante o ano académico 2022/23, 4º da ESO en calquera dos centros da Comunidade Autónoma de Galicia, proposto polo equipo docente para a expedición do título de graduado en educación secundaria e que obtivese no conxunto dos catro cursos da ESO unha nota media igual ou superior a 9,00 puntos.

Transmitimos os nosos parabéns a Álvaro Velázquez Refoxos de 1º BAC A por conseguir un dos vinte premios extraordinarios otorgados e ao alumnado que se presentou polo seu esforzo e dedicación.

Parabéns as súas familias e aos equipos docentes que tiveron ao longo da súa traxectoria educativa.

O curso académico 2023-24 comezará o vindeiro luns 11 de setembro, co horario habitual de mañá de  8:45 a 14:25 e pola tarde de 16:20 a 18:00, con servizo normal de transporte escolar. A primeira hora, o alumnado será recibido polas/os titoras/es dos grupos na pista de terra á dereita do pavillón, se o tempo o permite, e dende alí se dirixirán a súa aula de referencia.

En caso contrario, a benvida será no pavillón. Tras esta primeira sesión coa titor/a seguirase o horario normal o resto do día.

Para saber a qué grupo foi asignado cada alumna/o, as familias deberán consultar a aplicación móbil ABALAR ou as listas que están expostas na entrada do centro.

Recordamos as familias algunhas datas importantes neste inicio de curso:

- Data límite para inscribirse na ANPA:  venres 15 de setembro.

- Data límite para solicitar a validación entre as ensinanzas profesionais de música e danza e as materias de ESO e Bacharelato: venres 30 de setembro na secretaría do centro.

Bo inicio de curso 2023-24!