NOVAS:

HORARIO CENTRO ● ADMISIÓN ALUMNADO 2024/25 ● CALENDARIO ESCOLAR

LIÑA	ITINERARIO	HORA DE INICIO
XG85900701	FRINXO, CIRCOS, EIRADO, SEIXAL, VIRXE DO CAMIÑO, TUI (MAGNOLIA), MERCADO DE ABASTOS, IES SAN PAIO	07.55 H
XG85900901	RANDUFE CRUZ, RANDUFE COLEXIO, CRUCEIRO DO MONTE, CEIP DE RANDUFE, IES SAN PAIO	08.25 H
XG85901601	VILAPOUCA, SAÍDES, ANTA ARRIBA, ANTA ABAIXO, CRUCE SOBRADA, TOXEIRA, REGUEIRO (AREAS), GAIOS, SAN MARTIÑO (GADIS), IES SAN PAIO	08.05 H
XG85902201	ROTONDA GUILLAREI, SOUTO III, SAMBADE, CRUZ, DEVESA ARRIBA, DEVESA ABAIXO, IGREXA MALVAS, PADERNE, VILANOVA, IGREXA PEXEGUEIRO, FONTESECA, PARADOR, MARCO, IES SAN PAIO	07.48 H

Desde o pasado 8 de xaneiro de 2021, o IES San Paio é un dos centros que pasou a ser atendido a través do servizo de transporte integrado (compartido por escolares e viaxeiros) e xestionado polo Servizo de Mobilidade da Xefatura Territorial.
A Instrución conxunta 1/2022 establece as liñas xerais de organización e funcionamento do transporte, tanto o escolar como o integrado. Entre outras establécese que o alumnado de estudos post-obrigatorios, como o Bacharelato, e menor de 21 anos, terá a condición de viaxeiro, e non a de usuario con dereito a transporte escolar. Xa non pode polo tanto solicitar ou reservar praza no transporte integrado, pero si pode usalo sempre que estea dispoñible e empregue as paradas establecidas.
Para que o acceso ao servizo integrado non teña custo económico para as persoas usuarias, deberán facer uso da tarxeta de transporte Xente Nova, unha tarxeta monedeiro coa que os importes inicialmente abonados seranlles reintegrados pola Xunta de Galicia nos termos previstos para esta tarifa. Sen esta tarxeta o usuario deberá abonar o billete de autobús ordinario, perdendo o dereito á devolución posterior por parte da administración.
Máis información en www.bus.gal