Cómpre:

•     Reducir e fragmentar as actividades.
•     Supervisar os exercicios e asegurarse de que entendeu o que ten que facer.
•     Utilizar reforzos e apoios visuais na instrución oral.
•     Non sobrecargar de tarefas para a casa, e seleccionar ben as que se consideren máis importantes.

•    Estratexias expositivas. A memoria de traballo do alumnado con TDAH pode presentar algunhas dificultades: capacidade limitada, pola cantidade de información que pode reter simultaneamente, e escasa duración temporal na que se pode manter. Para compensar esta carencia, á hora de explicar, o profesorado debe ter en conta as seguintes estratexias:

•     Antes de empezar, ha de asegurarse de que atende.
•     Utilizar frases curtas e claras.
•     Manter o contacto visual e permanecer cerca.
•     Focalizar a atención nos conceptos “clave”.
•     Utilizar estímulos visuais e modificar o ritmo da exposición, coas debidas pausas.
•     Presentar a idea principal explicitamente ao principio da explicación.
•     Utilizar estratexias de categorización e imaxes mentais de conceptos.
•     Implicar ao alumando con TDAH promovendo a súa participación con preguntas sinxelas.
•     Proporcionarlle un compañeiro/a  titor/ra que lle axude a revisar os puntos fundamentais da explicación, e promover que o alumnado con TDAH explique os conceptos a estudantes con máis dificultades ca el.

    Por outra parte, o profesorado debe asegurarase de que o alumnado o mira aos ollos, que entende o exposto e, de ser o caso, que copiou o sinalado. Con esta finalidade formularánselle algunhas preguntas, para que as poida responder correctamente.

    Estas pautas e estratexias ofrécense para beneficiar tanto ao alumnado con TDAH coma ao resto do grupo, e servir de guía de actuación para o profesorado.
    Entre as pautas e as estratexias que deben estar presentes na contorna da aula destacan:
•    Tipo de aula. O alumnado con TDAH debe estar nunha aula con bo clima de traballo e, a ser posible, na que non coincida con alumnado con problemáticas semellantes.
•    Perfil do profesorado. Funciona ben o profesorado que harmoniza as normas claras e coherentes coa empatía e co reforzo positivo. Os estilos permisivo ou autoritario son negativos nestes casos.
Localización da alumna/o na aula. Considérase que o alumnado con TDAH debe estar sentado cerca da mesa do profesorado e ao lado de compañeiras ou compañeiros que lle sirvan de modelo de tranquilidade, de orde e de axuda. Debe evitarse a proximidade a portas, fiestras, papeleiras e lugares de maior tránsito, así como a estímulos sonoros ou visuais. Cando se realicen traballos en grupo hai que ser coidadosos coa localización do grupo (próximo ao profesorado) e coa elección das compañeiras e dos compañeiros. En actividades individuais, este alumnado deberá ocupar unha mesa separada, orientada cara a mesa do profesorado.
•    Mesa da alumna/o. Enriba da mesa só estarán os materiais que necesite para realizar a tarefa, e, ao remate, deberá recollelos e gardalos, e hase de evitar que acabe xogando con eles e convertendo a mesa nun pequeno taller.
•    Normas de convivencia consensuadas na aula. Negociaranse co alumnado unhas poucas normas de funcionamento e as consecuencias do seu cumprimento e incumprimento. Estas normas debe escribilas o propio alumnado, han de estar visibles na aula, e deben ser repasadas, con frecuencia, polo conxunto da clase. O profesorado evitará os enfrontamentos verbais e retadores cando se esixe o cumprimento das normas. Aconséllase firmeza, sen implicarse emocionalmente, e non culpar diante das compañeiras/os (o alumnado con TDAH non actúa así porque quere, senón porque non pode evitar ese comportamento). Manter un ambiente estruturado, motivador e con rutinas predicibles axudaralle ao alumnado a sentirse seguro e a saber o que ten que facer en cada momento.

    O alumnado con TDAH adoita amosar pouca produtividade no traballo escolar e obtén, co tempo e de forma persistente, malos resultados académicos, que ocasionan un crecente fracaso escolar. O profesorado pode apreciar como características máis salientables no funcionamento escolar deste alumnado as seguintes:
•    Precisan supervisión individual para comezaren as tarefas e para mantérense traballando nelas. Non as inician de xeito autónomo.
•    Precisan instrucións individuais, porque non escoitan as instrucións xerais dadas ao grupo.
Teñen un ritmo de traballo moi lento e/ou con frecuentes interrupcións e non dan rematado as tarefas a tempo.
•    Producen un traballo escolar de pouca calidade (desordenado, con moitos erros, etc.).
•    Teñen mal rendemento nos exames e nos controis, peor do esperable polo seu nivel de dominio da materia.
•    En xeral, o seu rendemento escolar está por debaixo do que poderían ter.

    Así mesmo, con frecuencia e canto máis intensa é a impulsividade-hiperactividade, teñen problemas para cumprir as normas e as instrucións da aula, manéxanse ruidosamente e distorsionan a súa marcha xeral, ata o punto de que cando faltan á escola “a clase vai máis tranquila”. De aí que ese alumnado requira maior supervisión ca o resto para conseguir un comportamento aceptable.
   
    Por outra parte, o funcionamento escolar a medio e longo prazo do alumnado con TDAH caracterízase, frecuentemente, polo atraso escolar -incluídas as repeticións de curso-, o baixo nivel de rendemento e a existencia de dificultades relativas á convivencia escolar -sancións, medidas correctoras etc. Debido a todo o mencionado, este alumnado presenta un maior risco de absentismo e de abandono escolar temperán. 

Insolación e golpe de calor

Para casos leves que non requiren atención de servizos de urxencia ou cando non sexa posible contactar con eles:

- Apartar a vítima da fonte de calor, situándoa nunha habitación ou lugar fresco e con pouca luz.

- Afrouxar roupas.

- Aplicar panos de auga fría.

- Se está consciente, dar de beber líquidos frescos pouco a pouco.

- Remitir aos servizos sanitarios.

Queimaduras

- En grandes queimados, cubrilos con mantas. Remitir a atención sanitaria.

Conxelacións :

- Lavar as mans e poñer luvas.

- Quecer moderadamente con auga tibia a zona afectada. Afrouxar a roupa.

- Remitir a atención sanitaria.

Queimaduras eléctricas:

NUNCA TOCAR SEN ASEGURAR QUE A PERSOA FERIDA NON SEGUE EN CONTACTO COA FONTE DE ELECTRICIDADE.

- Lavar as mans e poñer luvas.

- Proceder segundo o protocolo de accidentes por electricidade.

Queimaduras químicas:

- Lavar as mans e poñer luvas.

- Lavar abundantemente con auga (ducha de corpo enteiro, ducha lavaollos, billa de lavabo, etc., segundo o caso), cando menos durante 20 ou 30 minutos.

- Remitir a atención sanitaria.