Skip to Content

Xeografía e Historia

Proxectoterra 2012-2013

Os alumnos e alumnas de Ciencias Sociais de 3º da ESO do curso 2012-2013 traballaron en grupos para elaborar diferentes propostas de turismo sostible na súa contorna máis próxima que logo presentaron ao resto dos compañeiros mediante un formato de postos de información nunha feira. Todo o alumnado se implicou nesta actividade, con propostas moi creativas, orixinais e respectousas co patrimonio histórico e ambiental.

 

Tras facer o traballo de investigación sobre a contorna e traballar na aula coa unidade didáctica de Arquitectura Popular, a banda deseñada A mansión dos Pampín, realizamos unha visita de dous días a Allariz.

O primeiro día realizamos un roteiro pola Serra de San Mamede durante o cal disfrutamos da espectacular paisaxe e reflexionamos sobre o impacto humano sobre a mesma. Tras a camiñata visitamos o lugar de Rebordechao e a través da realiación dunha actividade de descuberta tivermos a oportunidade de coñecer a interesante arquitectura e historia da vila e mesmo de facer amizade cos habitantes.

O segundo día percorremos o centro historico de Allariz, vila que recibiu o Premio Europeo de Urbanismo en 1994 pola rehabilitación integral do seu centro histórico e a recuperación medioambiental das marxes do río Arnoia. Visitamos o Museo do Coiro, o Muiño do Burato e o Museo do Xoguete, disfrutamos dun precioso paseo pola beira do río e divertímonos identificando os diferentes recunchos da vila que serviron como escenario da película A lingua das bolboretas.

 

Proxectoterra 2011-2012

Un ano máis os alumnos e alumnas de 3º e 4º de ESO aprenderon e divertíronse participando no Proxectoterra. Desta volta traballamos a unidade didáctica Identidade territorial e a banda deseñada A casa dos Pampín, e logo do traballo na aula disfrutamos de dous días en Guimaraes, no seu ano como capital europea.

Durante eses dous días visitamos a citânia de Briteiros e realizamos un percorrido no teleférico de Guimaraes ata a Montanha de Penha, realizamos unha visita guiada a area rehabilitada de Couros, realizamos unha actividade de descoberta do centro histórico de Guimaraes e fomos a coñecer o Paço dos duques de Bragança. 

Todo o grupo na montanha de Penha con Guimaraes ao fondo.

 

Dous momentos da visita á citânia de Briteiros.

 

Os gañadores da actividade de descuberta do centro histórico de Guimaraes. 

Proxectotera 2010-2011

Preme aquí se queres ver a actividade interactiva O desenvolvemento sostible tradicional realizada polos alumnos e alumnas de 3º de ESO do curso 2011-2012 dentro do certame Xentes, espazos e lugares do ProxectoTerra.

 

Despois do duro traballo de investigación na contorna, disfrutamos dunha visita de dous días no camiño de Santiago, onde percorremos o traxecto entre Cebreiro e o mosteiro de Samos e puidemos coñecer diferentes elementos do seu patrimonio histórico, artístico e ambiental da man do noso guía Juan Fernández. Visitamos as pallozas e a igrexa do Cebreiro e desde alí camiñamos ata Triacastela onde pasamos a noite e ao día seguinte continuamos coa ruta, primeiro intentando tecer no obradoiro de tecido Artelar, logo vendo funcionar o muíño do Pino en Renche e finalmente cunha visita guiada ao mosteiro de Samos.

 

 

 

 

Distribuir contido


by Dr. Radut