Skip to Content

Actividades, Ligazóns de interese, Novas

Proxecto de Dinamización lingüística (2019-2020)

Proxecto Dinamización lingüística

O Día das Letras Galegas adícase a R. Carvalho Calero

A RAG adiou a celebración das Letras Galegas ata o 31 de outubro pola alerta sanitaria da Covid 19. Porén, queremos adiantar aquí unha pequena referencia a esta destacada figura da nosa lingua.

Ricardo Carvalho Calero (Ferrol, 1910 – Compostela, 1990) foi un dos maiores intelectuais galegos do século XX, tanto como ensaísta e creador como por ser un incansábel galeguista. Estudou dereito na Universidade de Santiago e interesáronlle desde cedo a literatura e a política. A Guerra Civil frustra a súa traxectoria e despois de loitar no bando republicano é represaliado pola ditadura franquista. En 1965 tórnase o primeiro profesor de galego da Universidade. A partir de 1975 comeza a defender as posicións reintegracionistas para o galego, o que provocaría que fose marxinado polas institucións. 

Bótalle unha ollada a esta breve animación sobre Carvalho Calero que resume a súa vida e traxectoria literaria.

Cartas de amor

http://www.edu.xunta.gal/centros/iespedraaguia/system/files/afectoscartas_1.pngPara celebrar a Semana dos afectos, do 10 ao 14 de febreiro, e en relación co Plan Proxecta Por 365 días de respecto e iguadade, o alumnado de 2º de ESO traballou na elaboración dunha serie de cartas. A actividade implicou, ademais da Biblioteca, todos os departamentos de linguas, porque en cada idioma tratouse un tipo de afecto. En galego escribiron unha carta de amor propio; en castelán, unha de afecto a unha persoa da súa familia; en inglés, a unha amizade; e en francés, a unha posible parella ideal.

Como parte final da actividade organizamos unha exposición cunha selección de cartas, de xeito que toda a comunidade educativa puidese apreciar o traballo realizado polo alumnado de segundo.

Día de Rosalía

   O venres 23 de febreiro véspera do Día de Rosalía xuntámonos un grupo de doce recitadores/as no vestíbulo do noso centro coa nobre intención de homenaxear a Rosalía de Castro lendo máis de quince poemas seus. Fomos acompañados ás gaitas por Álex e Carla de 4º A coa música de Adiós rios, adiós fontes, famoso poema que cantamos todo o grupo ao final do recitado.
Distribuir contido


by Dr. Radut