Actividades, Novas, Ligazóns de interese, Repensa a túa despensa

No equipo de Repensa a túa despensa cremos que un Nadal sostible e responsable é posible, por iso vos queremos deixar uns consuconsellos extraídos da páxina de Consumópolis, na que podedes afondar no significado da expresión "consumo responsable":

1.- Reflexiona sobre o que realmente necesitas

2.- Compara antes de mercar

3.- Fai valer os dereitos e deberes dos consumidores

No noso centro puxemos o noso particular graniño de area adornando a entrada con materiais reciclados.

 Bo Nadal responsable a todas e todos!

Damos por iniciada a 1ª fase da nosa participación no programa Consumópolis. A rapazada integrante do noso proxecto, "Repensa a túa despensa", xa comezou o seu percorrido pola cidade virtual. Toca poñer a proba a concentración, a rapidez, o enxeño e o que imos aprendendo sobre consumo responsable. As imaxes falan por si soas!

Sorte a todas e todos!

Deixámosvos a ligazón a un interesante vídeo que mostra como o etiquetado de moitos produtos da industria alimentaria pode levar a engano. Así o explica Gemma del Caño, doutora en Farmacia e especialista en Biotecnoloxía, Innovación e Seguridade Alimentaria, ao equipo de "Maldita Ciencia", unha das ramas das que se ocupa o proxecto periodístico independente "Maldita.es".

De agora en adiante... atentos e atentas ás etiquetas!