Skip to Content

.

 Logo

 

Avaliacion e promocion

                      AVALIACIÓN E PROMOCIÓN        

                                  ADAPTACIÓN CONCRECIÓN CURRICULAR                                  

INICIO DO CURSO ESCOLAR 2022-2023

Mañá día 8 comezarán as clases no horario habitual dos xoves (08:20 a 14:50h.) 

Haberá servizo de bus. Por ser o primeiro día, recomendamos estar na parada sobre as 7:50. O alumnado debe traer máscara no bus e ter outra de reposto. Os buses farán a súa ruta habitual, agás a liña Cruz-Salgueirón que este xoves e venres, polo dispositivo de tráfico organizado co gaio das festas de Darbo, TRASLADA A PARADA DE O PIÑEIRO A CRUZ DE CASTRO.

Ademais das actividades de acollida nas que se explicarán as normas de funcionamento e organización do centro, o alumnado deberá traer un caderno e un bolígrafo xa que o profesorado iniciará a súa actividade lectiva.

Se ao final da xornada o alumnado usuario do transporte escolar vai marchar por outros medios, deberá traer unha autorización asinada pola familia que entregarán na Secretaría do centro ou á persoa titora.

POLOS CREATIVOS

polos creativos

 

O IES Monte Carrasco quere compartir a satisfacción de que  se nos concedera o proxecto de innovación educativa, Polos Creativos, co proxecto titulado Das raíces ás estrelas.

 

No proxecto que presentou o centro e que ven de ser seleccionado, nunha posición número 11 dos 138 concedidos, formulamos un proxecto no que participarán de maneira interdisciplinaria as materias de bioloxía e xeoloxía, educación plástica visual e audiovisual, física e química, ciencias aplicadas,  lingua castelá, lingua galega, lingua inglesa, matemáticas, música, tecnoloxía e dixitalización, educación dixital e obradoiro de iniciativas emprendedoras.

O que se pretende é desenvolver os principios da economía circular a través da competencia dixital dentro do currículo da educación secundaria obrigatoria das materias participantes, fomentando tanto a cultura científico-tecnolóxica como unha visión humanística e artística. Partindo das boas prácticas do centro e da cultura da contorna, o proxecto fomentará o estudo e posta en práctica das técnicas agrícolas tradicionais da nosa contorna, técnicas agrícolas ecolóxicas e técnicas agrícolas de explotación. Ao tempo que difundimos prácticas que reducen a pegada da nosa acción sobre a contorna, estudando o funcionamento dunha composteira e a produción de diferentes téxtiles e fibras naturais e materiais reciclados. 

A comunidade escolar e as comunidades locais son parte esencial neste proxecto. As familias, en particular os avós e as avoas, traerán ao centro a súa sabedoría sobre agricultura tradicional e a elaboración de abonos a partir dos restos orgánicos. O centro difundirá e promoverá o uso das composteiras como método de redución de residuos orgánicos, entre as familias e as comunidades locais e asociacións da contorna. Cunha metodoloxía de aprendizaxe-servizo, o alumnado aprenderá ao mesmo tempo que devolve o coñecemento producido á comunidade, vencellando o currículo coa acción solidaria.

Con este proxecto de innovación, o centro quere darlle continuidade a moitos dos proxectos que xa viña desenvolvendo, dende unha perspectiva da filosofía da Lei Educativa que se está implantando, a LOMLOE, un aprendizaxe competencia, no Deseño Universal de Aprendizaxe e no aprendizaxe servizo, no contexto na Estratexia de Educación Dixital 2030.

HORARIO DE VERÁN

O horario de atención ao público durante o mes de xullo é de luns a venres de 9.30 a 13.30 horas.

No mes de agosto o centro permanecerá pechado por vacacións.

Protocolo de adaptación ao contexto da Covid-19 nos centros de ensino non universitario de Galicia para o curso 2021-2022, versión 20/05/2022

A Consellería de Educación publicou o 23 de maio o novo Protocolo de adaptación ao contexto da Covid-19 nos centros de ensino non universitario de Galicia para o curso 2021-2022.

(Clicar para acceder ao texto)

FONDO SOLIDARIO DE LIBROS DE TEXTO E AXUDAS DE MATERIAL ESCOLAR PARA O CURSO 2022/2023

 

Publicada no DOG do 18 de maio a ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar.

O alumnado do IES Monte Carrasco ao participar en E-Dixgal soamente pode solicitar a axuda de material.

Prazo de presentación: do 19 de maio ao 22 de xuño.

Máis información na pestana Secretaría, apartado Fondo libros e axudas de material.

ENCONTROS FORMATIVOS COAS FAMILIAS

Encontros coas familias

CURTA CONTRA VIOLENCIA DE XÉNERO

Xa está gravada a curta "Reto equivocado" con guión das alumnas de 1º ESO  Elda Melón Rodríguez, Nadia Rial Prach e Erika Rodal Rodríguez, gañador do concurso de curtas contra a violencia de xénero organizado polo  Centro de Información á Muller do Concello de Cangas, en colaboración coa empresa Andamiaxe.

Esperamos que vos guste!

Reto equivocado

 

 

 

TÍTULOS ESO

Xa están no centro os Títulos da promoción do 2020.

(Máis información na pestana Secretaría)

-

Distribuir contido


by Dr. Radut