O vindeiro luns 15 de abril terá lugar no noso centro educativo unha actividade encamiñada a favorecer o uso responsable de internet e as RRSS, dirixida tanto para o alumnado como para as familias dentro do programa NAVEGA CON RUMBO froito do convenio da Consellería de Cultura, Educación, Formación Profesional e Universidades co Colexio Profesional de Enxeñaría en Informática de Galicia  (CPEIG), iniciativa encamiñada a que o alumnado dos centros escolares de Galicia navegue con seguridade pola rede, evitando o ciberacoso e outros riscos de Internet.

O noso alumnado de 1º BACH que cursa Economía, o pasado xoves día 4 de abril, tivo a oportunidade de coñecer as instalacións que o Banco de España ten na cidade de A Coruña, así como as funcións que desempeña esta institución dentro das actividades complementarias organizadas polo Dpto. de Economía. 

Unha vez confirmado que o IES Fernando Blanco segue formando parte da Rede de Capacitación Dixital para persoas adultas, zoas rurais e colectivos vulnerables damos comezo a un novo curso.

O martes 2 de abril ás 16:00h dará comezo o primeiro curso de Capacitación dixital do 2024.

Agardemos que aprendan moito e sobre todo disfruten da súa estancia no centro.

O pasado 21 de marzo tivo lugar a I Feira das Universidades e Centros Superiores organizada pola Universidad Intercontinental de la Empresa en colaboración co noso centro IES Fernando Blanco e o Concello de Cee, e a que a maiores do alumnado de Bacharelato e Ciclos Superiores do noso centro, estiveron convidados o IES Agra de Raíces, o IES Terra de Soneira e o IES Maximino Romero de Lema

Durante esta xornada celebrada nas instalacións deportivas do IES Ara de Raíces e que tivo unha gran acollida entre o publico asistente,  o alumnado tivo a oportunidade de contar con asesoramento e orientación entre unha variedade de oferta formativa á súa disposición nos stands das diferentes universidades galegas así como de outras institucións educativas.

Moitas grazas a todos/as pola vosa colaboración.

A mañá do martes 19 de marzo os clubs de lectura do IES Agra de Raíces, Libros coma area, e o do IES Fernando Blanco, Nautilus pasaron a mañá xuntos disfrutando dunha visita ao Museo Fernando Blanco, aos xardíns e as principais estancias do centro como foron a capela, a sala do reloxo, os laboratorios e finalmente a biblioteca. Unha vez rematada a visita no Fernando Blanco subiron ao IES Agra de Raíces onde foron recibidos na biblioteca. 

Dende aquí queremos agradecer ás persoas coordinadoras dos clubs de lectura e biblioteca dos dous centros o seu traballo diario e sobre todo mostrar a nosa felicitación por esta actividade conxunta.