|
|
|
|
|
O pasado venres 22 de marzo os alumnos e alumnas do CS de Dietética de modular visitaron as instalacións do hospital Álvaro Cunqueiro de Vigo. Alí puderon ver a organización e funcionamento do seu departamento de dietética e da súa cociña. |
|
|
|
|
|
|
|
|
|
|
|
O martes 12 de febreiro, o alumnado do ciclo de Integración Social fixo unha visita á Comunidade Terapéutica Alborada en Tomiño, un centro residencial para o tratamento de persoas con problemas de drogodependencia e outras condutas adictivas. Moitas grazas ao persoal do centro e, en especial, a Manuel Lloves, psicólogo de Alborada, pola súa hospitalidade e atención. |
|
|
|
|
|
|
|
|
|
|
|
|
|
|
|
Para conmemorar o Día Internacional da Muller e da Nena na Ciencia, que se celebra hoxe 11 de febreiro, as alumnas de 3º ESO asistiron aos obradoiros Elas fan CienTec 2019 e Exxperimenta en feminino, que se celebraron na Universidade de Vigo.
A xornada comezou coa recepción por parte do reitor da UVigo, Manuel Reigosa, que lles lembrou a importancia da presenza das mulleres na ciencia e animounas a realizar carreiras de ciencias e enxeñarías, xa que son de sobra capaces, e insistiu en que a universidade precisa do seu talento.
Os talleres programados realizáronse nas distintas escolas e facultades, en concreto as nosas alumnas realizaron os talleres de ámbito tecnolóxico que tiveron lugar na Escola de Enxeñaría de Telecomunicación. Dirixidas por un grupo de alumnas de 3º de carreira programaron o robot Lego Mindstorm e realizaron un pequeno videoxogo en Scratch.
Picando na ligazón podes visitar a web das xornadas, e nela ler as biografías de sete mulleres científicas e investigadoras que fixeron grandes descubrimentos e seguramente non coñeces: Lynn Petra Alexander, primeira doutora honoris causa da Universidade de Vigo; Ángela Ruiz Robles, profesora ferrolá e deseñadora do primeiro prototipo de libro electrónico; Ada Lovelace, inventora da linguaxe de programación; Jane Goodall, primatóloga que revolucionou esta disciplina grazas ás súas observacións e análises; Hedy Lamarr, inventora da wifi; Jocelyn Bell, descubridora dos pulsares ou Rosalind Franklin, clave no descubrimento do ADN.
|
|
|
|
|
|
|
|
|
|
|
|
|
|
|
|
|
|
|
|
|
O alumnado de Física e Química de 4º ESO acompañado das profesoras Mª Carmen Domínguez e Olga rey, visitou o 16 de xaneiro a factoría de Pescanova para coñecer o funcionamento do seu laboratorio. A experiencia, que contou ademais cun pincho de despedida, resultou do máis grata e aproveitable. Moitas grazas a Pescanova polas atencións recibidas!
|
|
|
|
|
|
|
|
|
|
|
|
|
Co gallo da conmemoración do 150 aniversario da chegada do Nautilus á Enseada de San Simón, as Bibliotecas de Redondela e a Radio Municipal, organizaron unha lectura radiofónica da obra de Jules Verne, Vinte mil leguas baixo dos mares, á que convidaron a participar a toda a cidadanía. Ademais de colexios e institutos, toda a veciñanza do concello de Redondela sumouse á iniciativa reunindo máis de 15 horas de radio que se emitiron en antena os días 24 e 31 de decembro do pasado ano. Trátase, segundo a organización do proxecto, da lectura radiofónica máis longa feita dunha obra destas características.
O alumnado, persoal non docente e profesorado do IES Chapela, sumouse a este esforzo colectivo. Agora xa podemos desfrutar do resultado. As nosas voces aparecen nos capítulos 15, 17, 18, 19, 20, 21. ... Picando na imaxe do libro accedes ao espazo onde poderás escoitar e mesmo descargar os audios. Moitos parabéns.
|
|
|
|
|
|
|
|
|
|
|
|
|
Co gallo da conmemoración do 150 aniversario da chegada do Nautilus á Enseada de San Simón, as Bibliotecas de Redondela e a Radio Municipal, organizan unha lectura radiofónica da obra de Jules Verne, Vinte mil légoas baixo dos mares, á que convidan a participar a toda a cidadanía.
O alumnado de 2º de Educación Infantil do IES Chapela, acompañado da profesora Olga Rey, participou do proxecto nunha xornada moi proveitosa. Aí os vedes, orgullosos e orgullosas logo de sumar o seu grao de area, as súas voces, á lectura conxunta da obra do escritor francés.
Moitos parabéns pola iniciativa.
|
|
|
|
|
|
|
|
|
|
|
O alumnado de 2º do CS de Dietética, da modalidade de ordinario, visitou hoxe a Feira de Conxemar en Vigo:
Ademáis de visitar os distintos stands e pormos ao día acerca das novidades relacionadas cos produtos conxelados, disfrutamos dunha fantástica xornada distendida!
|
|
|
|
|
|
|
|
|
|
|
|
|
|
|
|
|
|
Cincuenta alumnas e alumnos de 2º e 3º ESO, acompañadas das profesoras de Educación Física Lucía e Nuria, inícianse no surf na Praia de Patos (Nigrán) coa Escola de Surf "Patos". |
|
|
|
|
|
|
|