Saídas didácticas

Os alumnos e alumnas do Ciclo Superior Modular de Integración Social a ACEESCA, unha entidade de traballo con persoas con diversidade funcional de Porriño. Axudáronnos a ver a realidade dese colectivo así como a experimentar os diferentes materiais de comunicación que teñen para que o alumnado poida transmitir e expresar todas a vivencias que teñen.
Foi moi interesante e enriquecedor.

O xoves 11 de abril os alumnos e alumnas do CM de Farmacia de modular, horarios 1 e 2, visitaron o hospital Povisa. Alí ensináronlle as instalacións e explicáronlle o funcionamento do servizo de farmacia hospitalaria, o laboratorio de formulación e o servizo de dispensación farmacéutica. Queremos agradecer ao persoal de Povisa que nos atendeu a súa amabilidade, a visita resultou moi interesante!

O pasado mércores 10 de abril, o alumnado do Ciclo de Educación Infantil do réxime de persoas adultas visitamos a exposición da XX Edición do Salón do Libro Infantil e Xuvenil de Pontevedra, onde puidemos achegarnos a unha ampla variedade de propostas literarias para a infancia en lingua galega e portuguesa, presentadas arredor do fío condutor da revolución. E ao rematar, complementamos a nosa saída cun roteiro turístico para a infancia polo casco vello da cidade. Tivemos moita sorte de que nos acompañase o bo tempo!

O alumnado de primeiro curso do Ciclo Formativo de Grao Superior en Educación Infantil visitou, o pasado día 11 de marzo, o Espazo Educativo Foresta.

Trátase dun recurso de iniciativa social sen ánimo de lucro que aporta ás crianzas unha alternativa educativa diferenciada da oferta regrada.

O alumnado interactuou con todos os recursos do espazo, especialmente con aqueles naturais exteriores, que aportan significatividade e identidade a Foresta.

As persoas educadoras que desempeñan a súa labor profesional no centro resumiron a súa función e deron resposta ás múltiples cuestións do alumnado.

O pasado martes 9 de abril, os alumnos e alumnas do CM de Farmacia realizaron unha visita didáctica ás instalacions da Cooperativa Farmacéutica do Noroeste.

O pasado 26 de marzo os alumnos e alumnas do ciclo de APSD de horario modular, realizaron unha saída didáctica para visitar as instalacións da Asociación de familias de persoas con parálise cerebral e así escoitar de primeira man as  súas vivencias e inquietudes.

Voluntarias do IES Chapela dos ciclos de Atención a Persoas en Situación de Dependencia e Educación Infantil participan no campeonato de baloncesto coa Asociación San Francisco de Vigo (AGASFRA)

o xoves 21 de marzo os alumnos e alumnas do CM de Farmacia vistiaron a Cooperativa Farmacéutica do Noroeste e as instalacións da farmacia Pérez Otero de Vigo.