Skip to Content

Xeografía e Historia

Departamento de Xeografía e Historia

Debuxando ao alén

“Debuxando ao alén” é o título da exposición da ilustradora Ana Juan que visitou en Pontevedra o pasado martes 19 de febreiro de 2019 o noso alumnado de 1º e 2º de Bacharelato que cursa as materias de Debuxo artístico ou Historia da arte. Completouse a xornada no Museo de Pontevedra coa visita á colección de Castelao.

Exposición de Ana Juan, no Pazo da Cultura de Pontevedra.

No Museo de Pontevedra.

15 pesetas por frete

19/12/2016 16:00
19/12/2016 17:40
Etc/GMT+1

salón de actos cheo na proxección

Esta tarde proxectouse no salón de actos do noso centro para o alumnado de Bacharelato e Ciclos superiores o documental 15 pesetas por frete, traballo de Estefanía Alonso. O filme trata o contrabando e o estraperlo na posguerra na nosa zona de fonteira, concretamente en Camposancos, unha práctica de comercio ilegal en tempos de miseria, malia que nas gamelas pasaban mercadorías legais e de primeira necesidade, como poden ser aceite, azucre, ovos ou penicilina.

Contaron co asesoramento histórico dos profesores Antonio Cernadas e Xavier Crespo, quen tamén aparecen como colaboradores directos.

Visita ás escavacións do Poboado de Mergelina

23/10/2015 10:00
Etc/GMT+1
O pasado venres 23 de outubro, o alumnado de 1º de ESO, acompañado polos profesores Teresa Callís, Víctor Gómez e Isabel Rodríguez, participou na visita aos traballos da nova escavación arqueolóxica no Poboado de Mergelina, no monte Trega.
O noso alumnado tivo a sorte de presenciar un importante achado durante a visita: os arqueólogos localizaban ante os ollos dos rapaces e rapazas unha cabeza antropomorfa labrada en pedra, probablemente parte dunha escultura maior. Foi un momento de grande emoción que abofé non esquecerán.
Deste importante achado, así como a presenza do noso alumnado, faise eco a prensa do país. Podedes ler as noticias premendo nos enlaces ao Faro de Vigo e a Voz de Galicia.

Excursión do IES A Sangriña a Compostela

01/12/2014 08:20
Etc/GMT+1
O pasado 1 de decembro un grupo de alumas e alumnos do IES A Sangriña, de diversos cursos, realizaron unha excursión a Compostela acompañados dos profesores Carlos Alonso, Antonio Cernadas e Alejo Diz. Visitaron, entre outras cousas, o convento de San Francisco, o Mosteiro de San Paio de Antealtares e a Catedral, onde - por grupos - puideron admirar e entender o Pórtico da Gloria, a Portada de Praterías, o Panteón Real e o Claustro.
Distribuir contido


by Dr. Radut