Na procura do fomento da lectura de prensa, a Bibliotegra está levando a cabo unha iniciativa que ten a finalidade de achegar a toda a comunidade educativa as fontes de información máis clásicas: prensa, revistas e publicidade á comunidade educativa do IES A Sangriña para formar lectoras e lectores críticos no uso e manexo da información escrita.
Esta semana, que é xustamente a Semana da Prensa, a Bibliotegra proponnos unha selección de revistas, escolleitas polos correspondentes Departamentos, e nós, alumnado, profesorado, nais e pais, e persoal non docente debemos votar cubrindo de xeito anónimo unha papeleta que pediremos na conserxería, e neste mesmo lugar entregarémola cuberta.
Recollidas as enquisas, a Biblioteca adquirirá aquelas que sexan as máis votadas por toda a comunidade educativa.
A selección de revistas proposta está exposta no vestíbulo do centro no taboleiro que vedes na imaxe.