O día 24 de febreiro celebramos o 180 aniversario do nacemento de Rosalía de Castro.
Organizamos un festival poético musical no salón de actos do centro, con diferentes actuacións de alumnado de varios cursos, tanto de ESO, como de Bacharelato (lectura sentida de poemas, interpretacións musicais e de danza etc.). Participamos e colaboramos nesta importante celebración diferentes departamentos. Deste xeito, homenaxeamos, a través da lectura, a música e a danza, á nosa gran poeta.
En días previos e/ou posteriores levarase a cabo a Ruada Rosaliana, con intención de acudir, cos nosos lectores e lectoras de poemas de Rosalía, a distintos lugares da vila (concello, colexios, mercado...). Procuramos a continuidade desta actividade, xa iniciada en cursos anteriores, de gran aceptación na comunidade educativa.
