Taxas e procedemento de pagamento

Canto custa estudar na EOI?  

As taxas das EOI de Galicia están reguladas polo Decreto 89/2013, do 13 de xuño (DOG do 17/06). ↩ 

A matrícula para un ano de estudos dun só idioma nas EOI de Galicia custa entre 0 e 127 €, dependendo do tipo de alumnado e das exencións ás que poida ter dereito:

• Alumnado ordinario novo: é o alumnado que se matricula por primeira vez nunha EOI de Galicia. 
• Alumnado ordinario antigo: é o alumnado que xa estivo algunha vez matriculado nunha EOI de Galicia. Débese achegar documento acreditativo. 
• Alumnado ordinario: é o alumnado matriculado no curso actual e quere facer matrícula nun idioma adicional. 
• Alumnado con exención:é o alumnado que se pode acoller ás exencións no pagamento estipuladas pola lexislación vixente.                                                

Trámites que requiren pagamento de taxas e información relacionada (prema na ligazón correspondente):

• Taxas para a Matrícula na proba de clasificación ↩
• Taxas para a Matrícula oficial ↩
• Taxas para a Matrícula Oficial con fraccionamento de pago↩
• Taxas para a Matrícula en cursos monográficos ↩
• Taxas para a Matricula libre ↩
• Taxas para a Solicitude de títulos académicos ↩
• Códigos de pagamento e tramitación de taxas ↩
• Bolseiros↩
• Exencións e descontos nos prezos públicos↩

Modelos oficiais para aboar as taxas

IMPORTANTE: Non se admiten fotos dos documentos, deben achegarse escaneados
 

Quedará xustificado o pagamento mediante a presentación dun dos seguintes modelos oficiais:

• a) Modelo E de autoliquidación (á disposición nos centros educativos en papel), validado pola entidade financeira.
• b) Modelo AI ou 731, (ligazón a Atriga para descargar estes impresos ↩) que debe presentarse impreso e cuberto na entidade bancaria.
• c) Modelo 730 co código seguro de verificación (CSV), xerado desde a Oficina Virtual Tributaria, no caso de pagamento telemático (https://ovt.atriga.gal/ ↩). Como pagar as taxas de xeito telemático.↩
  

IMPORTANTE:o recibo do pago con tarxeta ↩ que se pode obter realizando o pago telemático non é válido.  

O pagamento poderase realizar en calquera das entidades financeiras colaboradoras↩ na recadación de taxas e prezos que veñen relacionadas no anexo VII da Orde do 30 de xuño de 1992 (https://www.atriga.gal/es/tributos-da-comunidade-autonoma/taxas-eprezos/...).↩ 

O alumnado con anulación de matrícula por falta de pagamento nalgún curso anterior deberá aboar previamente as cantidades pendentes de pagamento para formalizar a nova matrícula.   

Procedemento para aboar as taxas

Pode efectuar o pagamento de dous xeitos diferentes:

NAS ENTIDADES BANCARIAS:

1. Pode xerar electrónicamente un impreso estándar Modelo AI ↩para o pagamento desde o  enderezo: http://www.atriga.gal/es/tributos-da-comunidade-autonoma/taxas-e-prezos/confeccion-on-line-impresos↩. Unha vez xerado, debese imprimir e completar cos seus datos persoais e os códigos de tramitación↩ pertinentes. Consigne tamén nos impresos o importe da matrícula que ten que pagar segundo o seu caso.

2. Efectúe presencialmente o ingreso do importe en calquera das entidades bancarias que figuran ao pé da folla de liquidación.   

3. Achegue escaneados os dous resgardos selados que lle devolva o banco xunto coa demais documentación  de matrícula.   

POR INTERNET:

1. Acceda á Oficina Virtual Tributaria da Consellería de Facenda da Xunta de Galicia nesta ligazón ↩, e siga a ruta: Cidadáns>Pago de taxas e prezos: Iniciar taxa>Premer no cadeado aberto>Inicia taxa (botón azul á dereita da pantalla). Consigne os seus datos persoais e os códigos de tramitación ↩ e dea a orde de pago. (Ver titorial de pagamento en liña ↩)

2. Para que este trámite teña validez, a aplicación deberalle xerar un xustificante de pago (modelo 730 ↩), no que conste un código seguro de verificación (CSV) composto de 16 caracteres alfanuméricos. Non é válido o recibo do pago con tarxeta ↩ que se pode obter realizando o pago telemático.    

3. Achegue unha copia escaneada deste modelo xunto coa demais documentación de matrícula. Posteriormente, a secretaría do centro contrastará os datos do pagamento a través da Consellería de Economía e Facenda.