O pasado mes de xaneiro, o alumnado de 5º curso (4 anos) visitou o Eroski, situado no centro da nosa vila. Deste xeito, a responsable que nos atendeu, acompañounos e explicounos como funcionaban as diferentes seccións: froitería, peixería, panadería, carnicería, a zona de frío, e o departamento de coidado persoal e estética. Tamén tivemos a oportunidade de realizar xogos para adiviñar alimentos, etc. Esperamos que vos gusten as imaxes!!!
Nestes tempos de confinamento que estamos a vivir, nos que estamos desexando estar en contacto coa natureza, dende Aulas Galegas propóñennos poder visualizar animais a tamaño real, é dicir, en 3 dimensións, empregando o noso propio smartphone. Estes son os pasos:
Busca o nome dun animal en Google Chrome
Preme na opción Ver en 3D
Dálle a Ver no teu espazo.
Move o móbil para que apareza en pantalla.
Dende Aulas Galegas tamén nos lembran que o teu móbil debe ser compatible con AR CORE e coa tecnoloxía 3D. A continuación, tes un enlace para comprobar se o teu dispositivo dispón da mesma:
Como xa explicamos anteriormente, unha das actividades que levamos a cabo foi realizar unha curta animada partindo do conto "Buscando o norte".
Non nos deu tempo a rematalo, debido ao parón das clases lectivas, pero todo o alumnado estivo traballando con moita motivación e ilusión para poder realizalo: limos e escollimos o conto, preparamos os decorados e as personaxes, gravamos voces, e tamén aprendemos refráns! Aquí tedes algunhas imaxes!
O Knolling ou a arte de ver os obxectos dende outra perspectiva, tamén se traballa na nosa escola! Neste caso, durante o tempo anterior ó confinamento, empregamos material de refugallo, e creamos algunhas obras, que podes visualizar a continuación!
Con motivo do Día Internacional da Muller, o pasado 11 de marzo, tivemos unha visita da psicóloga do CIM (Centro de Información á Muller), mediante a cal o noso alumnado realizou unha serie de actividades que podedes visualizar a continuación. Amais, entregamos o libro e o caderno dos Bolechas "Pola igualdade" enviado pola Consellería de Educación. Bota unha ollada ás instantáneas!
Ola familias! desexamos que vos atopedes todos e todas ben!
Neste novo trimestre que comeza ímosvos propoñer quincenalmente unha serie de recursos para repasar e reforzar contidos xa traballados durante este curso.
Poderedes atopar, nos enlaces que vos proporcionamos máis abaixo, distintos tipos de actividades e recursos como contos, cancións, manualidades, xogos...habendo ademáis a maiores unha actividade en concreto que, unha vez realizada, nos gustaría que nos mandasedes, no formato que prefirades (word, pdf, jpg...) ós nosos correos electrónicos:
Esta actividade quincenal deberá ser enviada antes da data límite especificada na mesma.
Dicirvos por último que imos facer un seguimento de ditasactividades durante este trimestre e de igual modo seguímosvos invitando a que participedes nas actividades xerais do colexio como ata o de agora.
Unha aperta moi grande das vosas profes que vos botan moito de menos!
1. O LIBRO DOS RECORDOS. (Actividade para enviar por correo electrónico antes do 22 de maio)
Como ben sabedes, Librín é un amante dos libros e como, por mor do coronavirus , tivo que pechar a biblioteca e non podemos compartilos con vos, Librín proponnos que fagamos un, pero non un calquera, será o LIBRO DOS RECORDOS, onde os protagonistas seredes cada un de vós:
- Primeiramente, xuntos coas vosas nais e/ou vosos pais, ou de maneira independente, podedes elaborar unha lista, escribindo os nomes das nenas e nenos da vosa clase e as vosas mestras/es. Os integrantes dese lista serán os protagonistas.
- Cada día realizaredes unha páxina do libro: nun folio poñeredes de título un nome dun membro da vosa clase ( compañeiro/a, mestre/a ou ti mesma/o), faredes un debuxo del ou dela e escribiredes unha palabra ou frase en positivo que o/a caracterice ( exemplo: a profe Candi é moi simpática). Poderedes escribir a frase ou palabra de maneira autónoma ou ben solicitando axuda doutra persoa.
- Cando rematedes de realizar todas as páxinas do libro tan só vos quedará facer unha portada que o represente e grapala ou pegala.
2. COMPRENDEMOS OS SISTEMAS DE ESCRITURA NO DESENVOLVEMENTO DO/A NENO/A.
Para traballar cos nenos e nenas a lectoescritura é interesante que botedes un vistazo ós sistemas de escritura no desenvolvemento dos nenos e nenas que propoñen Emilia Ferreiro e Ana Taberosky.
É moi importante contar e contar elementos dispostos de forma diferente. Podemos contar figuras, pinzas, macarróns, pedras, lentellas, tapóns, rotuladores...
Os pais, nais, avós, avoas, irmáns maiores...poñerán os elementos a contar en disposicións diferentes: en liña recta, en círculo, en cruz e de forma desordeada, poderemos comezar con poucas cantidades e ir engadindo segundo vaiamos observando que o neno ou nena controla.
Outra actividade a realizar pode ser a seguinte:
Podemos escribir os números nuns paus de madeira ou noutros soportes que poidades ter pola casa( rolos de papel, palliñas...) e logo colocar tantas gomas como manda o número.
Tamén podedes xogar á inversa: o adulto dálle a volta ós paus ( de forma que non se vexa o número)pon as gomas e o/a neno/a terá que contalas. Cando remate, o/a neno/a xirará o pau para comprobar si as gomas contadas se corresponden co número.
7. LEMOS OS CONTOS DAS PROFES E DO PROFE DO COLE!
Por se algún de vós ainda non veu os contos que elaboramos as profes e o profe do cole, quedades invitados a velos no seguinte enlace:
A partir de agora as titoras de sexto propoñemos una serie de actividades quincenais para os nosos nenos e nenas. A finalidade é a de que repasen os contidos propios do noso nivel educativo, reforzando todo o aprendido.
As tarefas propostas dividiranse en dous grupos:
1ºActividades a realizar todas as semanas:
Ler un pouquiño todos os días.
Contarlles algún conto e logo realizarlles preguntas sobre o mesmo, para traballar a comprensión.
Rodear nun calendario o día no que están, nomeando o mes, a estación do ano e o tempo atmosférico (podedes utilizar o calendario de Voz Natura que entregamos ás familias no Nadal)
Copiar unha oración aleatoria, tanto en minúscula coma en maiúscula (nunha libreta de pauta ancha ou nun folio realizando as liñas cunha regra, non é necesario imprimir).
Palabras cruzadas: escribir palabras a partir dunha primeira elexida polos nenos e nenas.
Exemplo:
PELOTA
AMIGO
TOMATE
OSO
Realizar nun folio unha suma e unha resta sinxelas (non é necesario imprimir).
Debuxar.
Identificación das diferentes formas xeométricas (a través de imaxes, xogos, cousas que atopamos na casa…).
2ºActividades para unha quincena concreta:
Serán actividades específicas para esa quincena (ademáis das anteriores que son máis xerais e para realizar todas as semanas).
O noso obxectivo é o de realizar un pequeno seguimento dos nosos alumn@s durante este trimestre e estar en contacto coas familias.
Estas actividades son específicas para o noso nivel, polo tanto non debedes envialas ao correo electrónico do colexio, xa que nese correo soamente se enviarán as actividades propostas polo centro: día do libro, da poesía, deporte na casa, letras galegas…
Esta actividade do noso nivel será enviada aos nosos correos persoais a través de fotografías, para poder realizar un seguimento máis individualizado:
Realización dunha actividade plástica sobre as profesións na rúa e que tanto están a traballar neste confinamento (bombeiros, policía, garda civil, recolledores de lixo, persoal de ambulancias...), utilizando todo tipo de material que teñades na casa.
A actividade pode ser un mural con debuxos e recortes, unha maqueta, bonecos con material de refugallo… Deixamos libre a vosa imaxinación e creatividade.
