Conmemoramos conxuntamente o Día da lingua materna(21 de febreiro) e o Día de Rosalía(23 de febreiro). Promovendo deste xeito o plurilingüismo e a diversidade cultural e coñecendo máis de preto a Rosalía de Castro. O galego como lingua materna nosa e de Rosalía.
As palabras na lingua de Rosalía serán as protagonistas este ano, despois de escoitar algúns poemas musicados, da nosa galega universal. Escolleremos unha palabra e a partir de aí xurdirán novas propostas interesantes, xa veredes...
E con esta canción tradicional de Viveiro despediremos ao Entroido... O 15 de febreiro desfilaremos polas rúas de Viveiro cantando e bailando coa sardiña...
E xa nos imos preparando para o Entroido, unha das festas populares máis agardadas do ano... Nesta ocasión as emocións encherán de cor o noso cole e a nosa vila. Escoitade estas cancións, seguro que vos gustan...
Faremos un obradoiro de cabezudos, un obradoiro de disfraces para nais/pais, maquillaxe... Pasarémolo en grande!
Esta semana celebraremos O Magosto, a festa tradicional arredor da castaña. O venres gozaremos dun patio dinámico inclusivo especial con diferentes xogos e unha manualidade que terá como protagonista á castaña. Aprenderemos o xogo de pasar castañas e teremos xogos interactivos para aprender un pouco máis da estación do outono e desta festa popular.
Degustaremos tamén o venres 17 dunha merenda de outono que aportarán as familias... Castañas asadas, castañas cocidas, doce de castañas, biscoito ou torta de mazá o calquera outra sobremesa caseira propia desta época.
Aproveitaremos esta semana tamén e celebraremos o Día do peón, o mércores 15 convidamos aos avós e avoas a bailar os peóns e as buxainas. No cole tamén faremos os nosos peóns con material de refugallo...
No mes de maio, o mes das flores, o Maio percorrerá unha vez máis as rúas de Viveiro... Que bonito volver a encher as rúas da nosa vila co noso xa tradicional Maio! Os nenos/as do noso cole e doutros centros educativos da nosa localidade sairán de novo á rúa, unha proposta do Concello en colaboración coa asociación Centro Comercial Casco Histórico de Viveiro. Cantaremos a canción tradicional desta festa, para lembrala ou para aprendela mira o seguinte vídeo, tamén podes descargar o texto da canción no arquivo adxunto.
E aínda que as previsións meteorolóxicas non nos permitiron sair á rúa festexamos Os Maios no cole... Mirade, mirade...
O 17 de maio conmemórase o día das Letras Galegas, este ano o autor homenaxeado é un mariñao coma nós, veciño de Lourenzá, Francisco Fernández del Riego. Autor dunha extensa obra, a súa sinatura está presente en máis de 150 monografías. Traballou como prologuista, editor literario ou tradutor en case un cento de títulos e asinou máis de 4.000 colaboracións en publicacións periódicas. Creador da Editorial Galaxia, director da revista Santo Grial e presidente da Real Academia Galega.
A través destes enlaces do Seminario Galán adentrarémonos na vida e obra de Fernández del Riego:
Faremos unha pequena introdución aos xoguetes tradicionais a través das obras de José Manuel García Fernández e Xosé López González, prologadas dúas delas por Francisco Fernández del Riego. Con motivo das Letras, no museo O recuncho das argalladas, no mosteiro de Vilanova de Lourenzá, dos que estes dous estudosos son promotores, inauguraron no mes de abril unha exposición que leva por título Don Paco, o pícaroargalleiro e na que se recolle, previo estudio da obra do homenaxeado, os xogos e xoguetes da súa infancia.
Os avós e avoas tamén serán protagonistas ensinándonos xogos tradicionais ao longo destes días.
A través da asociación Bágoas da Terra coñeceremos as diferentes partes do traxe tradicional. Presentarán unha carpeta con recortables da indumentaria tradicional, ilustrado por Mariña Gueimunde.
E como non podía faltar a música, o grupo Illa Pancha amenizará unha pequena xuntanza cuns convidados moi especiais, os avós e as avoas. Os nenos/as desfrutarán do traxe galego, da música da nosa terra e da compaña dos máis maiores da familia.
E así aprendimos e así de ben nolo pasamos... Avós e avoas grazas por compartir o voso tempo con nós...
Conmemoramos conxuntamente, un ano máis, o Día da lingua materna(21 de febreiro) e o Día de Rosalía(23 de febreiro). Promovendo deste xeito o plurilingüismo e a diversidade cultural e coñecendo máis de preto á nosa galega universal, Rosalía de Castro. O galego como lingua materna nosa e de Rosalía.
Mirade que canción máis bonita cantada por Uxía Senlle, Rosalía pequeniña, na que nos retrata a unha grande muller, a verdadeira Rosalía...
Escoita tamén o rap Sempre Rosalía, do músico e mestre Iván Vale para esta conmemoración.
Mirade cantas palabras en galego xurdiron a partir de diferentes imaxes, non só enriquecimos o noso vocabulario senón tamén nos aproximamos un pouco máis a Rosalía...
