Os alumnos e alumnas de 2º de Primaria levan acabo varias sesións como mestres dos nenos e nenas de Educación Infantil que serán compañeiros o próximo curso escolar. Fixemos actividades de plástica, matemáticas da man da nosa máquina Manolita, xogos, grafomotricidade...

Os alumnos e alumnas expertos ensinan aos seus compañeiros e compañeiras como se debuxa no programa de Osmos, poder elixir os debuxos na galeria, volver das categorías...

Os nenos e nenas expertos esta semana estiveron practicando co xogo de Osmos Masterpiece que consiste en debuxar seguindo un modelo na pantalla do Ipad, en palabras dos propios nenos e nenas "era moi difícil".

O grupo de expertos iniciáronse nun novo xogo, Words, consiste en ir adiviñando as palabras a través de diferentes imáxenes.

Para repasar e afianzar os contidos dados en ciencias da natureza elaboramos unha nova plantilla para o Escornabot. Esta vez engadimos os códigos QR que coa axuda do Ipad e a app lectora de códigos nos leva de forma sinxela a vídeos explicativos da materia, o son, a luz, as disolucións...

Coa axuda dos Ipads os nenos e nenas de segundo de primaria aprenderon a facer mapas conceptuais cunha aplicación bastante sinxela, Poppet live. Cada equipo traballou un concepto: materia, luz, son e forza.  Creamos un equipo novo de expertos: Tics, escritura, mapas conceptuais e deseño e debuxo. Unha vez que o experto sabía o que tiña que facer volvía o equipo base para explicar o que aprendeu, a través de diferentes tarefas formuladas en forma de estrutura cooperativa.