O pasado venres 16 de abril de 2010 os alumnos de 2ºESO Nuria Miguéns Romero , Steven Castro Nieto e Daniel Paradela Dosil acudiron á fase de zona da Olimpiada Matemática Galega. A proba celebrouse na Escola de Maxisterio da Universidade de Santiago de Compostela e constou de 5 problemas cunha duración total de 2 horas para a súa resolución.A Olimpiada Matemática Galega é unha competición entre estudantes de toda Galicia que ten por obxectivo fundamental estimular o estudo das matemáticas e desenvolver o gusto pola resolución de problemas.Esta competición consta de tres fases, unha primeira fase de zona, na que cada centro pode enviar como máximo 2 alumnos por cada grupo de 2ºESO. Desta fase clasifícanse 40 estudantes que participarán máis tarde na fase final. Este ano celebrouse en Vigo, o 14 de maio, nas instalacións do IES Manuel Antonio e do Centro Residencial Docente. Por último, os tres alumnos seleccionados na devandita fase poderán asistir á fase estatal que este ano se celebrará en Palma de Mallorca, do 24 ao 28 de xuño de 2010.Parabéns ao noso alumnado pola súa participación e polo seu entusiasmo .
Versión para impresora
