Dende o colexio queremos facer unha actividade para a que precisamos a vosa colaboración. Poderá participar algún familiar do alumnado ou ben calquera outra persoa disposta a colaborar coa comunidade educativa.
Trataríase de facer un relatorio sobre “Antigos costumes”, hoxe en desuso, utilizando a lingua galega. Podedes contar lendas, contos ou simplemente historias ou anécdotas, autobiográficas ou non, que reflictan a vida no noso barrio, na nosa cidade ou nas aldeas no século XX, xogos aos que xogábades de pequenos/as... Tódalas vosas propostas serán benvidas!
O obxectivo é poñer en contacto ao alumnado coa lingua e cultura galega, a través da narración oral.
Agradeceriamos que nos mandásedes un vídeo ou un audio ao correo electrónico wencescogalego@gmail.com antes do 30 de abril porque queremos colgalo na páxina web durante a semana das Letras Galegas.
ANIMÁDEVOS PARA NON PERDER A NOSA CULTURA!!
MOITAS GRAZAS!!
Equipo de Dinamización da Lingua Galega do CEIP PLurilingüe Wenceslao Fdez. Flórez.
Concerto didáctico do Grupo de música tradicional daAGADIC
O mércores 12 de xaneirode 2022 veu tocar ao Salón de actos do noso colexio o Grupo de música tradicionalda Agadic, pertencente ao Centro Coreográfico Galego.
Realizaron un pase para 6º B e outro para 6º A.
O grupo está formado por catro músicos:
Xoán Carlos Rilo, Daniel Romero, Xosé Ramón Bugliot e Carloa Taboada.
Comezaron tocandoa Alborada de Ourense co cuarteto tradicional galego: dúas gaitas, tamboril e bombo.
Explicáronnosa orixe, as partes e a forma de tocar de varios intrumentos tradicionais galegos: a gaita, o tamboril, o bombo, o pandeiro, a pandeireta, a requinta, a ocarina, a zanfona e a gaita EVO. Ademais tocaron varios idiófonos: peitoque, culleres, tarrañolas, castañola de cana...
O repertorio que tocaron despois da Alborada de Ourense foi o seguinte:
- Marcha de Breixo e Muiñeira da Ponte (Tradicional-A. Anta Seoane)
- Polca dos Campaneiros (A Farruquiña) (Tradicional)
- Foliada de Tenorio (Tradicional)
- Marcha procesional e Muiñeira do Areal (Tradicional-Tradicional)
- Foliada de Santiso (Tradicional)
- Marcha de Chirimias (Recollida no cancioneiro Casto-Sampedro)
Estivo xenial e aprendimos moito sobre o noso folclore musical, que é amplísimo e que debemos coñecer e conservar.