O pasado mércores, 30 de Xaneiro, conmemoramos no cole o día Escolar da no Violencia e da Paz.
Para iso, coa colaboración de todas as familias fixemos varias actividades.
Por unha banda, construimos o noso "Camiño cara a Paz" cos bricks que os nenos e nenas trouxeron decorados da casa. O percorrido levounos ata un tablero, onde fumos colocando as pezas dun puzle que decoramos nas distintas aulas e no que recollemos a nosa mensaxe de Paz.
Rematamos a celebración bailando e cantando todos xuntos a "Polca da Paz", que preparamos coa profe Nuria.
Pola outra banda, colaboramos co banco de Alimentos Rías Altas cunha recolleita solidaria, que tivo un gran resultado!!
O pasado venres celebramos no cole a festa do Magosto.
Dende primeira hora todo o cole refendía a fume que ía abrindo as ganas de castañas asadas de todos os que o ulían!
Depois de comer as castañas que o "Equipo castañeiro" fixo con moito cariño, bailamos todos xuntos no patio a ritmo da "Muñeira de Lugo" que un grupo de alumnos do cole interpretaron e bailaron estupendamente!
Enchemos o centro de cabazas do máis orixinais xa que seguían coa temática do proxecto de centro de este ano: O SON
Así os nenos e nenas de infantil crearon instrumentos musicais, os de 1º e 2º inspiráronse nos sons da natureza, os de 3º e 4º nos sons da casa e os de 5º e 6º nos sons da rúa.
Como podedes ver quedounos unha exposición do máis chula!!
Moitas grazas a todas as familias pola vosa colaboración, participación e noraboa polos traballos tan orixinais cos que contamos este ano!!
Celebramos o Entroido entre cociñeiros, bombeiros, xardiñeiros, bailarinas, pricesas, cabaleiros, frades, animais varios, heroes de todo tipo... e algún que outro de difícil identificación.
MERCADILLO SOLIDARIO
Con motivo do Día da Paz (finais de xaneiro, primeiros de febreiro), organizaremos o SEGUNDO MERCADILLO SOLIDARIO, que tanto éxito tivo o ano pasado. Lembramos ás familias que, despois da chegada dos Reis Magos, non se desprendan dos xoguetes, libros e xogos que estean en bon estado. Á volta das vacacións daremos as indicación para recoller os xoguetes que queiran aportar.
