CEIP Víctor Sáenz

O venres día 2 de marzo de 2018, fomos todo o colexio de excursión. Aproveitamos un intre no que a chuvia nos daba unha tregua para acercarnos ao FARO DE FISTERRA, onde sacamos unha chea de fotos cos nenos. Debido ás inclemencias meteorolóxicas non puidemos ver outros lugares que tiñamos previstos como a FERVENZA DO ÉZARO e o CASTELO DE SAN CARLOS. Despois fomos a CEE onde asistimos a un Concerto do grupo de percusión ODAIKO, cos que sacamos fotos ao remate da actuación. De ahí regresamos para xantar no colexio. Para ver todas as fotos de FISTERRA ou de CEE, pica nos seus nomes.

O martes día 27 de febreiro de 2018, celebramos o aniversario do nacemento de ROSALÍA DE CASTRO. Esa mañá adicámoslle a hora de ler a Rosalía. Léronse poemas e días antes os nenos nas súas aulas fixeron unha actividade específica para esta celebración "AS FIESTRAS ABERTAS". Así cada neno, nena ou mestre lemos os nosos poemas abrindo as fiestras e ensinando tamén os debuxos que ían dentro. Con todas estas fiestras fíxose unha exposición no pasillo do centro. Para ver as fotos de esa celebración, picade AQUÍ.

O martes día 13 de febreiro de 2018, celebramos o DÍA MUNDIAL DA RADIO 2018. A través da plataforma "ESPORA", fixemos unha actividade días antes (xa que o día 13 era Entroido e polo tanto festivo), que consistía en gravar un pequeno audio na nosa Radio sobre a temática das mulleres deportistas. O texto foi facilitado polo organizadores da actividade, que se faría na Radio de varios centros educativos, co fin de xuntar tódalas gravacións e facer un audio que quedou moi bonito. A alumna do noso centro que se encargou de facer a gravación foi PAULA MANEIRO BERGANTIÑOS (5º de Primaria), que leu un texto sobre RONDA ROUSEY, campiona de artes marciais mixtas na UFC. Para escoitar o audio, picade na 1ª foto ou no audio que se atopa debaixo das fotos.

O luns día 5 de febreiro, tivemos a visita no centro de Nina, Arqueóloga do Concello, para dar unha charla aos nenos sobre o Patrimonio material e inmaterial do Concello de Mazaricos, sobre o cal estamos a traballar no centro co noso Proxecto do Plan Proxecta sobre o Camiño de Santiago a Fisterra ao seu paso por Mazaricos.

Dende que nos concederon o Proxecto da "RADIO NA BIBLIO", non paramos de darlle voltas á cabeza para ver que aula poderiamos destinar a tal fin. Finalmente e despois de moreas de postas en común, tomamos a decisión de levar a cabo unha transfromación completa dun pequeno recuncho que está no medio do corredor e que estaba destinado a gardar documentación de Secretaria (antigamente, tamén fora a Dirección do centro). Pois nos puxemos mans á obra e comezamos a facerlle un cambio radical a dita aula. Pintura, tarima, revestimento nas paredes con madeira, conexións de internet, eléctricas, dotación do material necesario para a posta en marcha dunha radio, etc...E a cousa vai quedando como veredes a continuación. Pica AQUÍ para ver tódalas fotos.

   Continuará...

Celebramos o DÍA DA PAZ o martes día 30 de xaneiro de 2018. Os alumnos de 5º e 6º fixeron unhas lecturas para conmemorar este día, bailamos no pasillo do centro e para rematar fixemos unha vía Láctea como referencia ao noso proxecto sobre o Camiño, que nos levaba directamente á biblioteca do centro. Esto foi posible, recortando nas aulas símbolos da Paz en papel dourado e prateado e poñendoos na chan a modo de pegadas. Tódalas fotos de ese día podedes velas AQUÍ.

En relación co desenvolvemento da segunda fase do Proxecto E-LBE, denominado E-LBE.2., que pretende explorar as posibilidades de uso do libro electrónico nas bibliotecas escolares, fumos escollidos para participar nel. Conta este proxecto cunha dotación de 2.000 € que deberán destinarse á actualización dos medios da biblioteca para poder facilitar actividades relacionadas coa lectura dixital á comunidade educativa. Esta iniciativa desenvolve obxectivos do actual Plan LÍA 2016-2020.

O xoves día 21 de decembro de 2017 en horario de mañá e no comedor do colexio, levouse a cabo coma tódolos anos o FESTIVAL DE NADAL 2017, coas actuacións musicais dos alumnos e alumnas (gracias á colaboración conxunta de alumnos e mestres, pero sobre todo ao gran traballo de Susi e Óscar), todas elas con un claro referente ao Proxecto integrado de Centro que este  ano baseabase no Turismo, e que leva por título "O MUNDO É MÁIS LINDO LENDO". Ao remate do festival, coma outros anos, tivemos a sorte de contar no centro coa presencia das súas maxestades de Oriente "OS REIS MAGOS", que agasallaron aos nenos e nenas do centro con regalos e caramelos.Si queredes ver tódalas fotos de ese día picade AQUÍ. E para ver os vídeos das actuacións, picando AQUÍ, poderedes velos descargados no blogue da Biblioteca.

Celebramos coma tódolos anos o CONCURSO DE POSTAIS DE NADAL 2017. A participación foi total e os deseños maravillosos e con motivos relacionados co noso proxecto do turismo. As postais gañadoras foron as seguintes:

• Educación Infantil: LUCÍA MOURELLE TORRADO
• 1º e 2º de educación primaria: ÁNGEL GRILLE CALVELO
• 3º e 4º de educación primaria: SAMUEL AROSA ANTELO
• 4º e 5º de educación primaria: AINHOA CAL CURRAIS
• Premio Especial: MIGUEL BARRUL IGLESIAS

Ademáis houbo unha postal gañadora total e que é a que representará ao colexio para enviar felicitacións destas festas fora do centro, que foi a de ÁNGEL GRILLE CALVELO (1º E.P.). Esta postal gañadora levará un poema de Manuel María titulado "Panxoliña de neve". Podesdes ver o resto das postais AQUÍ.

O luns día 11 de decembro de 2017, celebramos en horario de tarde e no pasillo do centro, O DÍA DOS DEREITOS DO NENO E HUMANOS e levamos a cabo a Celebración da XIV Carreira Quilómetros de Solidariedade SAVE THE CHILDREN, este ano para axudar ós/ás nenos/as de SUDÁN DO SUR. Primeiro os nenos e nenas de 5º e 6º de primaria faláronos da problemática que sofre este país, a súa localización nun mapa de África e unha comparativa moi curiosa con Galicia. O alumnado de educación infantil fixo uns bonitos debuxos, inspirándose nas cinco cores da bandeira de Sudán do Sur. Despois cantamos a canción "Frère Jacques", coa compaña dos ukeleles dos nenos e nenas de 1º e 2º. Logo mentras sonaba esta mesma canción pero en africano os nenos colgaron na nosa árbore de nadal cunchas de cores (o proxecto de centro deste curso é sobre o Turismo) con desexos que leron mentras iban colgando as cunchas. Xa para rematar cada clase recadou algúns cartos para enviarlle á ONG Save The Chldren para enviar axuda a este país de Sudán do Sur para paliar os problemas derivados da desnutrición infantil. Para ver as fotos pica AQUÍ.

A Consellería de Educación vén de publicar a lista de 20 Bibliotecas escollidas de toda Galicia para desenvolver o proxecto piloto “Radio na Biblio”. Entre elas atópase o noso centro xunto con outros 5 centros da Costa da Morte.

As Bibliotecas da Costa da Morte son: a do CEIP Canosa-RUS (Coristanco), CPI Plurilingüe Cabo da Area (Laxe), o CEIP Milladoiro (Malpica), o CEIP Víctor Sáenz (Mazaricos), o CEIP Plurilingüe Ricardo Tobío (Muros) e o CEIP Plurilingüe Pepe de Xan Baña (Santa Comba) que recibirán un total de 2.000€ para desenvolver este Proxecto.

Este é un Proxecto piloto, para a introducción da radio nas bibliotecas de centros públicos integrados no Plan de Mellora de Bibliotecas Escolares que matriculan alumnado de educación infantil, primaria e secundaria, para o curso 2017-2018. Se queredes máis información, picade nos enlaces. Tamén aparece esta noticia no Diario Dixital da Costa da Morte "Que pasa na Costa". Se queredes ver esta noticia picade na imaxe.

O Xoves día 16 de  novembro na Aula de Cultura de Mazaricos vimos o conto “A nena que quería navegar” da compañía Redrum teatro, sobre o acoso escolar. Picando no subraiado poderedes ver máis información sobre a compañía de teatro e sobre a obra.

Picando na 1ª imaxe poderedes ver o conto, e picando na 2ª imaxe veredes a Unidade Didáctica.

Para ver o resto das fotos de ese día pica AQUÍ.

Celebramos o Samaín no cole o martes día 31 de outubro en horario de mañá con diversas actividades. En primeiro lugar fixemos tres obradoiros. O 1º de Música onde cantamos dúas cancións sobre o esta celebración, "O Samaín" e "Zombie Jamboree"; o 2º de Petiscos onde nos convertemos en terroríficos cociñeiros para crear petiscos que comemos antes de sair ao recreo; e o 3º de Maquillaxe ao regresar do recreo e coa axuda de algunha mama, todos eles no comedor do centro. Para ver as fotos de cada obradoiro, picade en cada foto:

Despois entregamos os premios ás cabazas gañadoras no CONCURSO DE CABAZAS, que celebramos tódolos anos, e como é costume quedamos sorprendidos dos grandes traballos realizados. E os gañadores foron: O 1º premio foi para PAULA LÓPEZ SANCHIÑO (3º E.P.), o 2º premio foi para MARTINA PEREIRA TUÑAS (2º E.P.) e o 3º premio foi compartido  empatando dous irmáns ZAIRA NÚÑEZ TUÑAS (Ed. Infantil) e JOEL NÚÑEZ TUÑAS (4º E.P.). Estas son as súas creacións:

E o resto das cabazas participantes neste concurso podédelas ver picando na seguinte imaxe.

Tamén tivo lugar o VIII CONCURSO DE RELATOS DE MEDO, sendo gañadores por ciclos os seguintes: ED. INFANTIL co seu relato titulado "Os vampiros de París"; gañadora do 2º curso E.P. SARA LABANDEIRA GERPE co seu relato "A nena que soñaba con monstros"; no 4º curso JORGE LEMA ZAMORA co seu relato "As viaxes do terror"; no 6º curso E.P. IRIA BLANCO DEL RÍO co seu relato "O trasno da ponte de Brandomil"; e o premio especial do xurado para ANDREA CARBALLO POMBO (6º e.p.) co seu relato "O Bosque". Aquí queda a foto dos gañadores. Para ver os relatos premiados picade AQUÍ.

Para ver tódalas historias PRESENTADAS (aínda que non premiadas) picade AQUÍ.

E para ver o resto de fotos de ese día picade AQUÍ.