CEIP Víctor Sáenz

O venres día 13 de marzo de 2015 celebramos no centro o DÍA INTERNACIONAL DA MULLER. Cada curso fixo un traballo sobre a vida dunha muller, neste caso, relacionada co mundo do cine (Proxecto Integrado de Centro 2014-2015). Elaboráronse murais que logo se expuxeron no corredor do colexio. Algunhas das mulleres sobre as que se traballou foron como persoaxes de películas Mulán (EI) e Pipi Calzaslargas (3º). Como actrices galegas A Bela Otero (4º) e Mabel Rivera (1º e 2º). Como actriz americana Lois Weber (6º). Tamén se traballou sobre mulleres cuia vida inspirou a cineastas, Anna Sullivan e Hellen Keller ou Verónica Guerin (5º).

O venres día 27 de febreiro fixemos unha visita guiada e talleres relacionados co cine no MUNCYT da Coruña (Museo Nacional de Ciencia y Tecnología), con tódolos alumnos de Primaria, en horario de 11:30 a 14 horas. A visita guiada comezou ás 12:30 horas e tivo unha duración aproximada de 45 minutos, e os talleres sobre o cine tamén duraron sobre 45 minutos. No tempo sobrante vimos outras salas que non ian incluidas na visita guiada. Sobre as 14 horas comimos nun parque público na zona dos Rosales. Saimos para o colexio sobre as 15 horas. Tedes máis información do Museo e das súas salas, pinchando nas imaxes correspondentes. E máis fotos de ese día picando nas fotos de grupo.

O venres día 20 de febreiro de 2015, levamos a cabo outra charla de Habilidades Sociais (Grupo Neria), para o alumnado de 5º e 6º de educación primaria, en horario de 10 a 12 horas. A charla tratou sobre A ASERTIVIDADE.

O venres día 13 de febreiro de 2015 celebramos o ENTROIDO 2015. Debido ás inclemencias meteorolóxicas quedamos no centro. Os nenos e mestres disfrazáronse na primeira hora e despois fixemos un desfile polo comedor do colexio subindo ao escenario para sacar fotos e os demáis tiñan que adiviñar de que iban disfrazados os diferentes cursos. Logo cantamos todos, alumnado e mestres, xunto cos pais/nais asistentes ao festival unha canción a modo de "chirigota" creada pola mestra de música Susi, para quentar motores. Rematamos o día facendo o xogo das piñatas e comendo as lambetadas típicas do Entroido que trouxeron as familias das casas para ese día (chulas, filloas, rosquillas, orellas, etc...). Si queredes ver unha gran cantidade de fotos de ese día, pinchade en calqueira das fotos que se atopan na parte inferior.

O sábado día 21 de febreiro de 2015, celebrarase na EGAP en Santiago de Compostela a XIII XORNADA DE NAIS E PAIS: EDUCANDO EN IGUALDADE: Estratexias lúdicas en igualdade: Uso sen abuso de Videoxogos e smartphones, convocado pola Xunta de Galicia. Pincha na imaxe para ver o Programa, e tamén poderás cubrir a solicitude que se adxunta.

O luns día 9 de febreiro de 2015 visitou o noso centro o Director de Cine XOÁN ESCUDERO, para facer con tódolos nenos e nenas do colexio un TALLER DE CINE que durou toda a mañá. Falounos polo miúdo do documental no que está a traballar "O TEMPO FUTURO" unha viaxe polo bobsleigh español coa inestimable colaboración da pionera BÁRBARA IGLESIAS, e a través da súa productora "Y LA NAVE VA". Xoán pretendía facer deste documental unha "película cun look cinematográfico" e non un simple reportaxe deportivo. Tanto alumnado coma profesorado, pasámolo en grande oindo a este fantástico director. Si é posible nos dixo que repetiría a visita. E como non!!!! Asinou no noso Libro de Visitas. Se queredes ver máis fotos de ese taller pica nas fotos.

Celebramos o DÍA DA PAZ o venres día 30 de xaneiro de 2015 de 12:30 a 13:30 horas no pasillo do centro. Cada curso fixo carteis de actores de cine con frases que tivesen que ver coa Paz. Explicaron eses traballos e logo expuxéronse nun panel no pasillo do centro. Rematamos bailando e cantando (outros alumnos tocaban instrumentos) a canción "CAMPÁS POLA PAZ". Pola tarde tivemos unha "TARDE DE CINE" coa proxección de fragmentos de películas. Cada neno tiña que traer a súa entrada e dábaselle uns flocos de millo. Os fragmentos visionados foron: en E.I. "El Rey León", no 1º e 2º ciclo "Rebelión en la granja" e no 3º ciclo "Persépolis". Foi un día de Paz completiño!!!!! Para ver máis fotos de ese día, pica en calqueira das que están debaixo.

O venres día 23 de xaneiro de 2015 realizamos no centro un Obradoiro de reciclaxe: "SEPAREMOS BEN, RECICLEMOS MELLOR" de 10 a 10:55 horas para o alumnado do 3º ciclo de primaria e de 10:55 a 11:50 horas para o alumnado do 2º ciclo de primaria.

O venres día 19 de decembro de 2014 celebramos, coma tódolos anos, o FESTIVAL DE NADAL no comedor do colexio. Houbo actuacións de todo tipo, eso si, todas con unha temática moi remarcada, "O CINE" que é o Proxecto Integrado que desenrolamos este curso. Ao remate do mesmo tivemos a visita dos REIS MAGOS, que trouxeron agasallos para tódolos nenos e nenas do centro.

O CALENDARIO 2015 que elaboramos neste 1º trimestre, ten como eixe principal "O CINE", que neste curso 14-15 é o noso Proxecto Integrado de Centro. Esperamos que vos gusten os traballos dos alumnos realizados nas diferentes aulas, coa axuda dos mestres.

O venres día 12 de decembro de 2014, fomos todo o centro de excursión a Noia para ver a XV MOSTRA DE CURTAS VILA DE NOIA no Teatro Coliseo NOELA, como actividade relacionadaco noso Proxecto Integrado de Centro; "O CINE". Estivemos de 11:30 a 12:45 horas vendo unha sesión de curtas de animación. Ao remate da actividade, pudemos facerlle preguntas ao Director de "GRETA Y LOS VEGEFANTÁSTICOS", JORGE BELLVER, que se fixo unha foto cos nenos do noso centro á saída do teatro.

O vindeiro xoves, día 27 de novembro de 2014, faremos unha excursión a Santiago. Pola mañá en horario de 11 a 12 horas todo o alumnado do colexio verá no Auditorio de Galicia un Concerto da Real Filharmonía de Galicia que leva por título "EN DANZA COA ORQUESTRA", a cal achegará aos máis cativos un mundo musical que transcorre dende o Barroco ata os nosos días, dende Bach, pasando polo francés Ravel e chegando a autores do século pasado como o andaluz Falla ou o ruso Stravinski. Rematado o concerto, os alumnos de Ed. Infantil virán xantar ao colexio, e os alumnos de Ed. Primaria visitarán de 12:30 a 14:30 horas a Cidade da Cultura, no Monte Gaiás, para realizar unha visita didáctica e levar a cabo un taller sobre cine, coa mostra CINEGALICIA25. O Museo Centro do Gaiás converterase dende novembro e ata febreiro de 2015 nun auténtico estudo de gravación de cinema a través da mostra Cinegalicia25. Ademáis realizaremos un taller sobre "Os xéneros", para por en práctica a diferenciación dos xéneros audiovisuais (enmarcado como unha das actividades do noso Proxecto Integrado sobre "O Cine"). Despois de xantar, voltaremos ao colexio sobre as 16:15 horas para coller os buses que nos levarán para casa. Esperamos sexa un día de cine!!!!!!

Debido ao mal tempo que nos acompaña, non poidemos celebrar o MAGOSTO cando tiñamos previsto e o 1º día que fixo algo de melloría (o mércores día 12 de novembro), saimos ao patio para celebralo. Saimos pola tarde e cantamos e bailamos unha canción que preparaou a mestra Susi chamada "Arao" de Pelo Gato 24. E despois a xantar as castañas ata fartar.

O día 30 de outubro de 2014, celebramos o SAMAÍN. Fixemos unha serie de actividades ao longo de todo o día. Antes do recreo levamos a cabo no comedor do centro un Obradoiro de comidas de Samaín que, unha vez finalizado os rapaces degustaron antes de sair ao recreo. Tamén antes de sair ao recreo entregáronse os premios aos gañadores dos Concursos de Cabazas e Relatos de medo. Eiquí vos quedan os pratos elaborados polos nenos.

 Xa pola tarde en cada ciclo visualizaron unha película, coa súa respectiva entrada e o pertinente vasiño de flocos de millo. As películas a proxectar foron as seguintes: en infantil viron dous cortos de Disney: "Danza dos esqueletos" e "A casa encantada"; no 1º ciclo viron "O alucinante mundo de Norman"; no 2º ciclo viron "Frankenweenie" e no 3º ciclo viron " O Apóstolo". Pasaron unha verdadeira tarde de CINE¡¡¡¡¡¡¡

 Houbo como noutros anos dous concursos: O Concurso de Cabazas e o V Concurso de Relatos de Medo. Este curso o Proxecto Integrado de Centro é "O CINE", e o título do proxecto é "BIBLIOTECA, CÁMARA, ACCIÓN". Durante toda a semana levan expostas no pasillo do centro as cabazas participantes no concurso. Serán os propios alumnos os que escollan as cabazas gañadoras. Tamén levan toda a semana elaborando nas diferentes titorías os seus Relatos de Medo, dos cales haberá un/unha gañador/a por ciclo. Eiquí vos quedan os gañadores de ambos concursos.

CONCURSO DE CABAZAS 2014: 1º Premio JULIA PEREIRA FACAL (6º)(Minion); 2º Premio IRIA LÓPEZ CARREIRA (3º) (Spiderman); 3º Premio PAULA BARCIA BLANCO (1º)(MINIE MOUSE).

V CONCURSO DE RELATOS DE MEDO: En Ed. Infantil gañou todo o ciclo co relato "O Monstruo Papanenas"; no 1º ciclo gañou PAULA MANEIRO BERGANTIÑOS (2º) co relato "O medo e o terror"; no 2º ciclo gañou ANDREA LABANDEIRA OTERO (4º) co relato "A resurrección imposible"; e no 3º ciclo o gañador foi FROILÁN MÚÑIZ PONTE co seu relato "Os tres directores: o bo, o vello e o malo".