Biblioteca

O venres día 8 de febreiro de 2019, tivos a sorte de contar no centro coa visita de Luis, membro de Radio Espora e gran coñecedor do mundo da radio escolar, para dar pautas e consellos aos alumnos de 6º, 5º, 4º e 3º de primaria e para formalos no funcionamento da nosa RADIO ROSIÑA. Esperando que veñas en vindeiras datas, dámosche as grazas por todo. Se queredes ver as fotos de ese día, picade nas imaxes.

Aquí está o noso CALENDARIO 2019, recén saído do forno. Esperamos que vos guste este traballo feito con moitas gañas e adicación, tanto polos alumnos, mestres e a encargada de todo isto, a nosa SUSI!!!! Si picades no calendario, poderedes ver mes a mes o traballo dos nenos nas aulas.

Para celebrar o DÍA CONTRA A VIOLENCIA DE XÉNERO, preparamos unhas "PROBETAS CONTRA A VIOLENCIA". A ver se con este remedio, deixa de haber tanta maldade. Estas puxéronse nun panel no pasillo do colexio, e cada neno leu a mensaxe que nela puxeran. Pica nas fotos.

Xa temos Proxecto Integrado de Centro para este curso 18-19, cartel e Lema. O Proxecto xirará entorno a "A CIENCIA", e o lema que se escolleu no centro por parte de nenos e mestres foi: "LE CON-CIENCIA". a TRABALLAR!!!!!! Tamén podedes visitar unha serie de sitios a través de GOOGLE SITES que están publicados no blogue da Biblioteca, que son moi interesantes.

Xa podemos presumir da nosa radio. É "RADIO ROSIÑA" e ata temos logo, que poderedes ver nos enlaces dos podcast, que levarano incluído. Eiquí vos queda unha mostra de como vai a cousa.

O xoves día 8 de marzo de 2018, celebramos o DÍA INTERNACIONAL DA MULLER 2018. Eiquí vos queda un video dunha cantautora colombiana chamada Marta Gómez. A canción "Manos de mujeres" é unha homenaxe a tódalas mulleres do mundo. Tamén temos o cartel da Xunta para esta conmemoración.

O martes día 13 de febreiro de 2018, celebramos o DÍA MUNDIAL DA RADIO 2018. A través da plataforma "ESPORA", fixemos unha actividade días antes (xa que o día 13 era Entroido e polo tanto festivo), que consistía en gravar un pequeno audio na nosa Radio sobre a temática das mulleres deportistas. O texto foi facilitado polo organizadores da actividade, que se faría na Radio de varios centros educativos, co fin de xuntar tódalas gravacións e facer un audio que quedou moi bonito. A alumna do noso centro que se encargou de facer a gravación foi PAULA MANEIRO BERGANTIÑOS (5º de Primaria), que leu un texto sobre RONDA ROUSEY, campiona de artes marciais mixtas na UFC. Para escoitar o audio, picade na 1ª foto ou no audio que se atopa debaixo das fotos.

O xoves día 1 de febreiro e continuando coa posta a punto da nosa RADIO, tivemos para o profesorado unha charla con JAVIER PRADO ESPIÑEIRA (Rede Espora), sobre "O TRABALLO COA RADIO NA ESCOLA. ORIENTACIÓNS DIDÁCTICAS". Ademáis puxo a funcionar todos os aparellos que mercamos para dotar á nosa Radio do instrumental imprescindible para comezar a funcionar (micros, mesa de mezclas, auriculares, ordenador, cableado, etc. E hasta comezamos a facer algunha grabación na nosa radio na escolar. Tamén tivemos algunha que outra experiencia cos nenos. Esto non fixo máis que comezar!!!!!!.

Dende que nos concederon o Proxecto da "RADIO NA BIBLIO", non paramos de darlle voltas á cabeza para ver que aula poderiamos destinar a tal fin. Finalmente e despois de moreas de postas en común, tomamos a decisión de levar a cabo unha transfromación completa dun pequeno recuncho que está no medio do corredor e que estaba destinado a gardar documentación de Secretaria (antigamente, tamén fora a Dirección do centro). Pois nos puxemos mans á obra e comezamos a facerlle un cambio radical a dita aula. Pintura, tarima, revestimento nas paredes con madeira, conexións de internet, eléctricas, dotación do material necesario para a posta en marcha dunha radio, etc...E a cousa vai quedando como veredes a continuación. Pica AQUÍ para ver tódalas fotos.

   Continuará...

A finais de decembro deste ano, e cando estabamos en plena faena para a confección do noso CALENDARIO 2018, este ano adicado ao TURISMO, tivemos a gran sorte de poder contar no noso centro coa inestimable axuda de PACO RODRÍGUEZ, fotógrafo de La Voz de Galicia e amigo de Óscar e Susi, que nos axudou pero que moito, na creación e montaxe das fotografías do noso calendario. Aquí podedes ver fotos do traballo de ese día e o noso calendiario rematado. Mil grazas e outras mil apertas de parte dos nenos, nenas, mestres e demáis membros da comunidade educativa para ti Paco. Picando nas fotos do calendario, poderedes ver o calendario ampliado.

A Consellería de Educación vén de publicar a lista de 20 Bibliotecas escollidas de toda Galicia para desenvolver o proxecto piloto “Radio na Biblio”. Entre elas atópase o noso centro xunto con outros 5 centros da Costa da Morte.

As Bibliotecas da Costa da Morte son: a do CEIP Canosa-RUS (Coristanco), CPI Plurilingüe Cabo da Area (Laxe), o CEIP Milladoiro (Malpica), o CEIP Víctor Sáenz (Mazaricos), o CEIP Plurilingüe Ricardo Tobío (Muros) e o CEIP Plurilingüe Pepe de Xan Baña (Santa Comba) que recibirán un total de 2.000€ para desenvolver este Proxecto.

Este é un Proxecto piloto, para a introducción da radio nas bibliotecas de centros públicos integrados no Plan de Mellora de Bibliotecas Escolares que matriculan alumnado de educación infantil, primaria e secundaria, para o curso 2017-2018. Se queredes máis información, picade nos enlaces. Tamén aparece esta noticia no Diario Dixital da Costa da Morte "Que pasa na Costa". Se queredes ver esta noticia picade na imaxe.

Para celebrar O DÍA DO LIBRO 2017, fixemos varias actividades o venres día 21 de abril pola tarde no patio do colexio, xa que o día era fantástico. Saimos todos ao patio e 1º Susi leeunos a todos o poema que cada ano edita a Consellería de Cultura, Educación e O.U.. Neste caso foi dun texto de Rosalía Fernández Rial. Despois cantamos e bailamos todos nun círculo a canción "O Libro Máxico" do grupo Migallas. E para rematar fixemos os apadriñamentos e amadriñamentos lectores, nos que os nenos maiores lenlle un conto aos máis pequenos en calquer lugar do centro elexido por eles, e rematan facendo entre os dous un debuxo sobre a temática do libro. Durante a vindeira semana, farase nas titorías unha actividade de creación de marcapáxinas. Para ver as fotos picada nas imaxes.

Recén sacado do forno, chega ás aulas e ás casas o CALENDARIO 2017, realizado polos nenos/as e mestres, este ano coa temática da MÚSICA, e co lema "BAILEMOS NA MUSITECA". Esperamos que vos guste e vos faga máis levadeiro este ano que comeza. Para velo enteiro e por meses, picade no calendario.

Esta e a carta que nos enviou dende a Biblioteca Escolar a Rosiña para dar comezo, un ano máis, ao noso Proxecto Integrado de Centro:

Ola, rapaciñas e rapaciños !!!!!!

E eu, durante estas semanas no Brasil, ademais de desfrutar dos acontecementos deportivos, tamén quixen coñecer a fondo esta cultura, así que aproveitei todo o que puiden: viaxes, espectáculos, xuntanzas con amizades, películas, encontros con persoas relacionadas co mundo da literatura, cociñeiros e cociñeiras, etc. Tantas cousas que non vou ter tempo para contárvolo todo!!! 

Pero o que si vos quero dicir é que houbo unha cousa que me sorprendeu moitísimo: a CAPOEIRA. Descoñecía por completo o que era isto, e a primeira vez que puiden ver un espectáculo de capoeira quedei marabillada. Introducida no Brasil por descendentes africanos sobre o século XVI, é unha arte marcial que combina danza, música e acrobacias. Caracterízase polos movementos de pernas e brazos e polos saltos. Tradicionalmente practicábase ao ritmo do "berimbau", que é un instrumento de corda percutida, pero na actualidade tamén se empregan outros instrumentos de percusión como acompañamento.

Bueno, non quero contarvos máis sobre a capoeira, pero si dicirvos que tanto me emocionei vendo aos brasileiros practicándoa que pensei: a capoeira ten algo de deporte e moito de música. Sobre o deporte xa investigamos, pero... sobre a MÚSICA non!!! Así que aquí vai a miña proposta: que tal se convertimos o 2016-2017 nun curso musical? Que banda/s sonora/s lle poñemos?