CEIP Víctor Sáenz

Celebramos o ENTROIDO 2017 o venres día 24 de febreiro en horario de mañá. A temática foi sobre a música e en concreto sobre as TRIBUS URBANAS. En educación infantil foron de RAPEIROS, en 1º e 2º de primaria foron de PUNKIS, en 3º e 4º de primaria foron de GÓTICOS e en 5º e 6º de primaria foron de ROCKABILLIES. Todos xuntos saímos a dar unha volta polo pobo de San Cosme, acompañados pola música de Marcos á gaita e Josefa que se arrancou a tocar a pandeireta. Despois subimos ao escenario no comedor para lucir os nosos traxes e bailar as diferentes músicasdas tribus. Sacamos fotos e para rematar xantamos todo aquilo que trouxeron as familias para conmemorar ese día de Entroido: orellas, filloas, rosquillas, etc... Picando AQUÍ poderedes ver as fotos de ese día.

O martes día 21 de febreiro fomos de excursión todo o colexio a Coruña. Os nenos de Ed. Infantil viron o AQUARIUM, e os alumnos de Primaria asistiron ao PALACIO DA ÓPERA DE CORUÑA, para ver "HISTORIAS DO MAR" representado pola ORQUESTA SINFÓNICA DE GALICIA e coa narración de KIKO CADAVAL. Logo fomos xantar ao Monte de San Pedro (pica para ver máis fotos), para despois de xogar un rato voltar para o centro. Para ver vídeos poca AQUÍ. E para ter máis información visita o nosoi blogue da Biblioteca ou pica AQUÍ.

PROCEDEMENTO ADMISIÓN ALUMNADO CURSO 2017-18

O venres día 27 de xaneiro de 2017 celebrouse na Serra de Outes a Fase Intercomarcal de Campo a Través, para a que se clasificaron do noso centro, PAULA BARCIA (3º), JORGE OTERO (3º) E MIGUEL BARRUL (3º). Fixérono fantástico a pesar da gran cantidade de choiva que caeu durante a carreira. Noraboa aos tres!!!!!! Picade AQUÍ para ver as fotos e AQUÍ para ver os vídeos da entrada en meta dos tres alumnos.

O xoves día 12 de xaneiro de 2017, participamos con 13 alumnos/as na Fase Comarcal de Campo a Través no circuito de A Baña. Conseguimos un 2º posto na categhoría alevín masculino con Miguel Barrul, e un 3º posto na categoría benxamín masculino con Jorge Otero. Dende aquí a nosa noraboa a todos/as os/as participantes e á organización da carreira. Para ver tódalas imaxes de ese día picade AQUÍ.

O noso alumno de 6º de Primaria RUBÉN BLANCO PEREIRA, visitou con outros rapaces e rapazas do Concello a RADIO NORDÉS CADENA SER en Cee para felicitarnos o Nadal. Para escoitar o video pica AQUÍ.

Para rematar decembro, e coma tódolos anos, levamos a cabo o Concurso de Postais de Nadal 2016. Participaron tódolos nenos do centro con postais fermosísimas, que se puderon visualizar no pasillo do centro. Cando chegou a hora de escoller as gañadoras por ciclos, votamos tanto nenos coma mestres e este foi o resultado:

• Postal gañadora en Ed. Infantil para ANXO CARREIRA ANTELO (E.I. 4)
• Postal gañadora para o 1º e 2º cursos de Ed. Primaria para XOEL SANTABAYA ESPERANTE (2º)
• Postal gañadora para o 3º e 4º cursos de Ed. Primaria para NEREA OZÓN OTERO (3º)
• Postal gañadora para o 5º e 6º cursos de Ed. Primaria para RUBÉN BLANCO PEREIRA (6º)
• Postal gañadora e que representou ao noso centro IRIA LÓPEZ CARREIRA (5º) 

E a postal gañadora enviada representando ao noso centro para este ano 2016 foi a da alumna Iria López Carreira (5º). No reverso vai acompañando á postal un fragmento dunha canción de NARF. Picando AQUÍ veredes o resto de postais participantes.

O venres día 9 de decembro celebramos, coma tódolos anos, o DÍA INTERNACIONAL DOS DEREITOS DOS NENOS, e facémolo coincidir coa XIII Carreira Kilómetros de Solidariedade SAVE THE CHILDREN que este ano é a favor dos nenos e nenas de Etiopía. Os maiores prepararon uns textos para lerlle ao resto sobre os dereitos e a pobreza en este país, e despois tódolos nenos colgaron na nosa árbore de Nadal unhas notas musicais con desexos. Rematamos o día facendo entrega dos cartos recadados poara esta ONG, que se ingresarán nos vindeiros días. Nas aulas traballáronse unhas unidades didácticas enviadas pola ONG.

O DÍA INTERNACIONAL CONTRA A VIOLENCIA DE XÉNERO, celebrámolo no noso centro o venres día 25 de novembro, levando a cabo na hora de ler e no pasillo do centro unha actividade en todalas clases do centro. A nosa actividade para conmemorar ese día chamouse "AS CLAVES CONTRA A VIOLENCIA Á MULLER". Así cada clase elaborou unha clave musical que cousas que queremos que se cumplan. Para máis información, visitar o noso blog da Biblioteca. Para ver todas as fotos de ese día pica AQUÍ.

Para celebrar este día 22 de novembro Día de Santa Cecilia, patroa dos músicos, poetas e cegos, e dada a temática do noso proxecto integrado de centro de este ano sobre a música, tivemos a sorte de poder contar no centro coa actuación de LUIS SOTO AMIL, frautista, membro fundador do Taller Atántico Contemporáneo e parte da plantilla da REAL FILHARMONÍA DE GALICIA, que nos deleitou coa súa presenza e algunha que outra actuación. Para ver todas as fotos pica AQUÍ.

O mércores día 9 de novembro fixemos unha saída didáctica con todos os alumnos de educación primaria á Coruña para asistir ás 11 horas, ao TEATRO COLÓN para ver "AS CATRO ESTACIÓNS" de Vivaldi a través de Danza Contemporánea da man dos coreógrafos Iker Gómez e Kenneth Tindall, a través do Centro Coreográfico Galego. Primavera, verán, outono e inverno, reflectidas sobre o escenario nas distintas variacións interpretadas por un elenco de 8 bailaríns e bailarinas. De 12:15 ás 13 horas demos un paseo pola cidade herculina ata o Palacio da Ópera e de 13 a 14 horas fixemos unha visita guiada ao Palacio da Ópera sede da Orquestra Sinfónica de Galicia. Vimos diferentes salas e estivemos no escenario do Auditorio Principal, dotado de extraordinarias condicións acústicas e técnicas, polo que pasaron grandes nomes do mundo do espectáculo.

Celebramos o SAMAÍN o venres día 28 de outubro durante toda a xornada. Ao chegar ao colexio, reunímonos na Biblioteca, para anunciar os gañadores do Concurso de Cabazas, que foron escollidos polo alumnado e o profesorado. As cabazas gañadoras foron as de: UXÍA GRILLE SUÁREZ (Ed. Infantil), ANDREA ALVELA RODRÍGUEZ (2º Ed. Primaria) e PAULA MANEIRO BERGANTIÑOS (4º Ed. Primaria).

Seguro que queredes ver todas as cabazas presentadas, que estaban todas moi ben! Ademais, participastes case todas e todos vós, polo que queremos tamén mandar as nosas felicitacións para todas as familias, xa que son parte tamén deste concurso decorativo. NORABOA A TODAS!!!! Picando nestas dúas imaxes da exposición veredes todas as cabazas presentadas a concurso.

Depois entregáronse os premios aos Relatos de Medo. Para ver os relatos de Medo gañadores podedes picar no seguinte enlace:

http://bibliovictorsaenz.blogspot.com.es/2016/10/samain-2016-concurso-de-cabazas-e.html

E os gañadores foron:

AULA DE EDUCACIÓN INFANTIL polo seu conto "Cabeza Tola".

ALBA LAGO GARCÍA (2º Ed. Primaria) pola historia "O Vampiro".

DANIELA MATO BERMÚDEZ (4º Ed. Primaria) co seu conto "A casa encantada".

AINHOA CAL CURRAIS (5º Ed. Primaria) coa historia titulada "A desaparición de Susi".

MIGUEL BARRUL IGLESIAS (3º Ed. Primaria) co conto "O vampiro Beethoven".

As fotos da entrega de premios podedes velas premendo no seguinte enlace:

https://photos.google.com/share/AF1QipOp2_FeAPMuV9B3DAbUqtmQ_9foFPOSHw6HIjx9DNd_lMbP0YUHoZuKQ0gCHDIuPw?key=VG1QeTBLeEYtM2xkREpCajg0bU1GaGxiaW9ET2Nn

Despois, elaboramos no comedor do colexio os PETISCOS TERRORÍFICOS DE SAMAÍN, que os nenos comerían ao salir ao recreo. Picando nas imaxes podedes ver todas as fotos de ese obradoiro.

Ao regresar do recreo, na HORA DE LER, tamén fixemos actividades sobre o samaín e a música. O profesorado organizou un conto para quitarnos todos os medos que temos, cada un de nós. Baseado na historia de "FIZ, O COLECCIONISTA DE MEDOS", a banda sonora estivo a cargo de Rubén, Andrea e Óscar. E rematamos todos cantando e bailando: primeiro os grupos de 1º e 2º de primaria, que nos interpretaron unha fermosa canción co seu mestre öscar á guitarra titulada "BUAJAJAJAJÁ". Despois todos xuntos cantamos a canción "XA CHEGOU O SAMAÍN", acompañados polas turutas de os nenos de 5º e 6º de primaria e o ukelele de Jorge e Aroa que tocou o mestre Óscar. Picade nas imaxes para ver o que pasou!!!!!

Xa, pola tarde, pasámolo de medo austando a todas as persoas que andaban polo colexio, para a cal nos pintamos coma vampiros, monstros, zombies, etc. E xogamos no patio aproveitando a fermosa xornada de sol!!!

O luns día 24 de outubro, en horario de 10 a 12 horas na Biblioteca do centro, fixemos 2 Obradoiros de Percusión con Material de Refugallo a cargo de José Troncoso Barros, celebrando así o "Día da Biblioteca". Un obradoiro para os pequenos de infantil e 1º e 2º de primaria, e outro para os maiores de 3º, 4º, 5º e 6º de primaria. Estes obradoiros estaban baseados en ritmos interpretados con instrumentos musicais feitos con obxectos de refugallo do tipo de botellas de plástico, latas de conservas, globos, ou mesmo botes de pintura. Picando na imaxe veredes as fotos que fixemos esa mañá.

Tamén podedes ver un vídeo gravado noutra escola, pero onde se pode ver o tipo de actividade que fixemos esa mañá. Pica no enlace.

https://youtu.be/MOA4iG4HRoY

O venres día 13 de outubro visitounos Emilio, acompañado de Irene, que é a presidenta da Asociación de Amas de casa de San Cosme. Emilio é músico e presentounos varios instrumentos musicais, para animarnos a asistir ás clases que a Asociación oferta para este curso: acordeón, frauta, pandeireta, tambor, gaita,...Picando nas imaxes, veredes algunhas das fotos de ese día.

Esta e a carta que nos enviou dende a Biblioteca Escolar a Rosiña para dar comezo, un ano máis, ao noso Proxecto Integrado de Centro:

Ola, rapaciñas e rapaciños !!!!!!

E eu, durante estas semanas no Brasil, ademais de desfrutar dos acontecementos deportivos, tamén quixen coñecer a fondo esta cultura, así que aproveitei todo o que puiden: viaxes, espectáculos, xuntanzas con amizades, películas, encontros con persoas relacionadas co mundo da literatura, cociñeiros e cociñeiras, etc. Tantas cousas que non vou ter tempo para contárvolo todo!!! 

Pero o que si vos quero dicir é que houbo unha cousa que me sorprendeu moitísimo: a CAPOEIRA. Descoñecía por completo o que era isto, e a primeira vez que puiden ver un espectáculo de capoeira quedei marabillada. Introducida no Brasil por descendentes africanos sobre o século XVI, é unha arte marcial que combina danza, música e acrobacias. Caracterízase polos movementos de pernas e brazos e polos saltos. Tradicionalmente practicábase ao ritmo do "berimbau", que é un instrumento de corda percutida, pero na actualidade tamén se empregan outros instrumentos de percusión como acompañamento.

Bueno, non quero contarvos máis sobre a capoeira, pero si dicirvos que tanto me emocionei vendo aos brasileiros practicándoa que pensei: a capoeira ten algo de deporte e moito de música. Sobre o deporte xa investigamos, pero... sobre a MÚSICA non!!! Así que aquí vai a miña proposta: que tal se convertimos o 2016-2017 nun curso musical? Que banda/s sonora/s lle poñemos?