ÚNETE! - POR UN MUNDO MELLOR!
Hai unha campaña chamada ÚNETE que trata de 16 días de activismo para eliminar as desigualdades entre os homes e as mulleres.Comeza o 25 de novembro, que é o día Internacional contra a Violencia de Xénero e remata o 10 de decembro, día dos Dereitos Humanos.
As nenas e nenos de sexto, coa axuda dos profes, montamos un photocall que estaba cuberto de frases contra o machismo; e o 25N sacamos fotos cos accesorios que fixemos. Despois estivemos facendo unhas actividades para romper todos os estereotipos posibles e porque ninguén debe ser menosprezado, sexa home ou muller.
Como o lema da campaña é “♯pintaomundodelaranxa” decidimos facer un crebacabezas, onde cada peza era un cachiño de mundo. Fomos a todos os cursos a explicar de que trata a campaña, o que pasa no mundo, lémoslles contos e proxectamos anuncios para falar sobre o feminismo, o machismo e os dereitos humanos.
Cada día fomos engadindo unha peza do crebacabezas e un dereito, coloreada e escrito polo alumnado de cada clase. Unha peza e un dereito por aula. Finalmente, o día 10 de decembro, vimos o resultado, o mundo pintado de laranxa xuntando o mundo do home e o da muller.
A campaña ÚNETEé presidida polo secretario da ONU. Esta campaña quere cambiar o mundo e nós tamén queremos. Desde este colexio queremos chegar a todas as persoas do mundo para que nos axuden a cambialo.
Queremos un mundo con igualdades e sen violencia de xénero!
Os nenos/as debemos comprender estas cousas para non cometer todos estes erros no futuro.
(Texto do alumnado de 6º de Educación Primaria do CEIP Plurilingüe San Vicenzo)
