Actividades globais

Vídeo Nadal 2023

Aquí tedes o vídeo feito polos nosos alumnos en prácticas, Carlos e Martín, para desexar a toda a comunidade educativa do CEIP Sal Lence un moi Bo Nadal 2023!

Picade na imaxe para velo.

Nadal 2023

 

 

Horta Escolar

Este curso a nosa horta escolar cambiou moito.

Xa o curso pasado, grazas ao Concello de A Coruña, iníciamos os traballos nela. No anterior mes de xuño puidemos disfrutar dalgúns produtos.

A principios deste curso 22/23 visitounos Laura (HortaECOruña) que nos dou unha serie de propostas para levar a cabo na nosa horta, coa subvención do Concello de A Coruña e da Fundación Repsol puidemos levalas a cabo.
A empresa HortaECOruña adaptou moitas das xardineiras de pedra que tiñamos no patio para cultivo.

Esta semana comezamos a colleita dalgúns produtos (leitugas e rabañiños) e os degustaremos nas aulas durante a merenda. Van saír uns sándwichs deliciosos! por certo, os pequenos do cole xa probaron os amorodos e non houbo queixa.
Ah, moitas grazas a "Fidelio", o noso espantallo, que fixo moi boa labor.

Podedes picar na imaxe para ir á Galería de Fotos na que poderedes ver o moito que medrou a nosa horta, dende as primeiras fotos nas que se preparou o "terreo" ata as últimas nas que se ve moi ben o resultado. Agardamos que vos gusten.

Horta Escolar

8M - "Pintamos e moito"

Este ano polo Día Internacional das Mulleres (8 de maio) o alumnado de 5ºEP participou nunha actividade, promovida polo Concello de A Coruña, “Pintamos e moito”.

A actividade tiña os seguintes obxectivos :
 - Impulsar a igualdade de xénero dende a infancia e a adolescencia.
 - Facilitar a educación en igualdade, contribuíndo dende a administración local a desmontar roles e estereotipos de xénero.
 - Visualizar e dar valor á creación e produción artística e intelectual das mulleres en diferentes ámbitos (visual, literatura, xornalismo, cinema, ilustración...)

Aquí tedes unha foto do cartel coa montaxe de todo o proceso, se o queredes ver está colgado na parede dun dos descansos das escaleiras do centro.

 

 8M Pintamos e moito

II Mostra Postais de Nadal

A "ANPA Os Castros" do CEIP Sal Lence organizou a "II Mostra de Postais de Nadal". Picade na foto para acceder ao álbum. Lembrade que unha vez nel se picades na foto mediana poderedes vela a tamaño completo.

Moitas grazas a todo o alumnado que participou.

II Mostra Postais de Nadal

Xaque ao virus

 

Dende o luns 23 de marzo, lévase a cabo a proposta de ocio on-line «Xaque ao virus» que levan a cabo os educadores dos Programas de Lecer  da Federación Provincial de ANPAS.

É unha proposta en liña para o fomento da saúde tanto mental como física adaptada á situación do confinamento familiar no que a sociedade española está inmersa debido á pandemia provocada polo coronavirus. Dita proposta está orientada a todos os escolares rexistrados nos programas municipais “Deporte non Centro”, “Ocio Educativo” e “ Luditarde”, para así seguir mantendo a oferta de educativa a todas aquelas familias rexistradas nos devanditos programas.
 
Obxectivo do xogo
O Xogo consiste na superación de diferentes retos semanais para conseguir unha serie de puntos ou “antivirus” necesarios para derrotar ao coronavirus e avanzar postos na clasificación xeral.
 
Que son os Retos?
Son probas sinxelas que tes que superar para acumular puntos para o teu colexio. Cada reto constará de dúas probas:
- Proba CORPO EN FORMA: Serán tarefas que teñen que ver coa actividade física e o deporte e que poderás facer en casa.
- Proba MENTE EN FORMA: Serán tarefas que fomentarán o desenvolvemento da túa creatividade. Cun pouco de imaxinación, seguro que as feixes facilmente.
Os retos publicaranse no blogue do xogo creado para o teu colexio os luns, mércores e venres ás 12:00 h. DISPÓS DE 36 HORAS PARA REALIZAR CADA RETO.
 
Como supero os retos?
É moi sinxelo bastará con que envíes unha foto do reto ou un vídeo á dirección de correo electrónico deste blogue.
 
LEMBRA QUE A FOTO VALE 1 PUNTO E O VÍDEO 10 PUNTAZOS!!!
 
Podes animar a participar a algunha persoa da casa ou compañeiro/a do teu cole aínda que non sexa desta actividade. Neste caso terás puntuación extra para o teu cole.
 

1 punto se envías foto e 10 puntos se envías vídeo.

Fútbol sala feminino

Nos anos oitenta do pasado século, cando o novo edificio do CEIP Sal Lence levaba pouco tempo funcionando, nacía no seu pato,da man de Víctor Sieiro, un equipo feminino de futbol sala que chegaría a gañar o campionato de España.

Unha parte dese equipo, Sonia, Nieves, Jackie, María, Montse, Carmela e Silvia, visitounos o 20 de decembro de 2019 para ELAS recordar a súa mocidade e NÓS aprender e disfrutar da súa experiencia.

Agora veñen de publicar a experiencia da visita na revista deportiva "as nosas".

Gracias por facer grande o nome do noso colexio.

 

Día Internacional contra a Violencia de Xénero

O pasado luns, 25 de novembro, celebramos esta data destacada participando dunha pequena obra de teatro "Pepuca perdeu o sorriso" e un obradoiro sobre o tema adaptados aos distintos niveis educativos, para, finalmente, realizar entre todos un lazo xigante, que nos axude a non esquecer o que implica esta celebración.

Certame Literario Emilia García Barreiro

 

O CEIP Sal Lence foi invitado ao VII Certame Literario Emilia García Barreiro organizado polo CEIP Anxo da Garda.

O alumnado de 3º, 4º, 5º e 6º do CEIP Sal Lence participou nesta convocatoria resultando premiados :

 

Noa Liñares Rodríguez

Iván Villar Amado

 

Samaín 2018

Un curso máis chega o outono coas súas datas destacadas.

O Día de Tódolos Santos e o Día de Defuntos son das primeiras e, asociadas a elas, non podía faltar a exposición de cabazas, na que o alumnado e as familias amosan a súa creatividade  con traballos de todo tipo, dende as clásicas cabazas terroríficas ata as máis hippis ou galácticas, pasando polas que amosan a anatomía dos defuntos. Se queres ver unha mostra desa creatividade, pica na imaxe inferior, que te levará á "Galería multimedia".

Click to view full size image

Distribuir contido