Skip to Content

                              

Dinamización Lingüística

O MAGOSTO NO CEIP XUVENCOS

 

Un ano máis, grazas á organización do Equipo de Actividades Complementarias en coordinación co Equipo de Dinamización da Lingua Galega e co noso mestre de Educación Física Rubén, festexamos o Magosto no CEIP Xuvencos.

Foi unha semana moi especial.

 

Decoramos o cole con murais e cunha exposición de figuriñas feitas con castañas, na que participaron as familias. 

 

 

 

O propio día do San Martiño celebramos a festa da castaña. Foi un día inesquecible no que, primeiro, tivemos a nosa tradicional “Carreira do San Martiño”, que xa vimos facendo dende fai uns anos. Un éxito.

 

A continuación deixamos os enlaces a uns pequenos vídeos de cada unha das carreiras:

CARREIRA DE 4º DE ED. INFANTIL

CARREIRA DE 5º DE ED. INFANTIL.

CARREIRA DE 6º DE ED. INFANTIL.

CARREIRA DE 1º e 2º DE ED. PRIMARIA

CARREIRA DE 3º e 4º DE ED. PRIMARIA.

CARREIRA DE 5º e 6º DE ED. PRIMARIA

 

 

Seguidamente, demos paso ás actividades musicais.

Cantamos xuntos as cancións de “O caneco de Xuvencos”, “Sra. María e Sr. Manuel” acompañados por uns e unhas grandes percusionistas e, ata gaiteiro tivemos! Despois tocou bailar a canción de “Vive o magosto”, tan divertida.

 

Continuamos coa entrega de medallas para os gañadores da carreira. Moi emocionante!

 

Para finalizar, despois de xogar un pouco no patio, fomos comer e rematamos o día cunha sobremesa de castañas asadas que estaban deliciosas!

 

(Texto da autoría da Profe Carmela) 

 

 

25N: MANIFESTACIÓN

Os equipos de Dinamización da Lingua Galega e Biblioteca ( coa colaboración inestimable do equipo de Actividades Complementarias e Extraescolares) decidiron convocar unha manifestación/camiñada ata o Concello de Boborás no 25N.

Aquí tedes o cartaz que se difundiu con motivo da mesma:

 

 

Cada unha das aulas preparou a cartelería, escribiu cartaces, consignas, frases, e mostrou a súa arte e creatividade para ir ben equipados e equipadas.

 

Nas aulas de 4º e 6º de ED. Primaria, ademais, coa axuda do profe Michel prepararon os materiais para deleitarnos cunha "batucada" que foi a banda sonora da nosa saída. Con materiais de refugallo e eles mesmos decoraron os seus instrumentos.

 

Queremos agradecer tamén ao Concello de Boborás por cedernos as súas instalacións para que o alumnado do terceiro ciclo saíse ao " balcón" a compartir os seus pensamentos e consignas.

Agradecer tamén ás familias que se achegaron e nos acompañaron na nosa andaina. 

E con todo, que o tempo acompañou acó vos quedan unhas poucas imaxes do evento:

 

 

Por outra banda, o profe Óscar, ademais de facer a reportaxe gráfica do evento, tamén recompilou os cartaces elaborados polo alumnado para que se puidesen apreciar con maior claridade.

 

 

Queremos agradecer á toda a Comunidade Educativa, e a todas as persoas que se uniron, ou colaboraron con nós nesta data. GRAZAS 

SAMAÍN 2022

Para celebrar este curso o SAMAÍN organizamos dous concursos, un de relatos terroríficos e outro de decoración de cabazas.

Ademais tamén se prepararon dous bailes. "Monstros e demais" e "Cazapantasmas".

No seguinte video podedes ver o ben que o pasamos.

CONCURSO DE RELATO TERRORÍFICO

Dende o equipo de Biblioteca en coordinación co de Dinamización da Lingua Galega, convocamos un concurso de relato terrorífico...

 

 

Bases concurso Samaín

 

 

 

 

 

 

LETRAS GALEGAS 2022

CANTACONTOS MUSICADO ”DE AQUÍ PARA ALÁ”

O mércores 25 de maio tivemos unha proposta musical e teatral para o alumnado de infantil, primeiro e segundo de primaria; agasallo de Dinamización Lingüística.

O concerto está coordinado por Lydia Botana, autora  e directora do espectáculo, e o libro-disco coas cancións e a historia pola que xira este concerto foi editado por Edicións do Cumio.

DE AQUÍ PARA ALÁ é un proxecto de música infantil no que viaxamos arredor do mundo aprendendo, escoitando, bailando e cantando as músicas de cada lugar facendo partícipe ao alumnado na procura de novos sons.

A través da música contáronnos a historia dunha bolboreta que remata a súa metamorfose co son dos instrumentos musicais. Embarcámonos nunha viaxe musical arredor do mundo pasando por Brasil, Cuba, Xamaica, os Balcáns, Estados Unidos, Galicia e lugares máxicos por descubrir.

O formato do concerto consta dunha posta en escea musical formada por unha instrumentación variada: dende o piano, a batería, o acordeón, os bongoes, campás, … Había instrumentos típicos de cada lugar polo que iamos pasando coma a kalimba, o didgeridoo, as cunchas… xunto cun variado set de pequena percusión que abranguía dende pandeiretas, pao de choiva… e un sinfín de cacharradas que espertaron a curiosidade do  alumnado.

Fixeron partícipes ao alumnado co retrouso que nos levaba ao  seguinte lugar transportando unha mesma melodía por xéneros musicais coma a bossa-nova, o rap, o son cubano, o reggae, o ska…

Unha divertida aventura na que descubrimos paisaxes sonoras distintas desfrutando e aprendendo ó mesmo tempo.

https://soundcloud.com/lydiabotana/sets/de-aqu-para-al-m-sica-infantil

ENTROIDO 2022

Distribuir contido