Compartímosvos as recomendacións lectoras para este Nadal , por se non tedes claro que agasallar.
Damos ás grazas ás titorías que nos aportaron as ideas, e tamén ao Departamento de Orientación.
Este ano engadimos tamén algún "xogo" e como o lema deste ano das Bibliotecas Escolares, é "Unha biblioteca escolar en viñetas" tamén engadimos recomendacións de B.D.
Achegamos as recomendacións en formato "vídeo" pero tamén en formato PDF ( onde se premedes nas imaxes dos libros podedes acceder á súa ficha técnica)
O pasado luns día 20 de decembro tivo lugar a primeira reunión do CLUBE DE LECTURA do alumnado de 6º de ED. Primaria.
Autodenomináronse os “Enanos come libros” e deseñaron o seu propio carné do clube.
A primeira lectura foi banda deseñada en galego, unha lectura sinxela para comezar con ánimo: “Baroña ou Morte” o primeiro da serie “Os Barbanzons” de Pepe Carreiro.
Ademais da lectura, investigaron sobre os Castros e aprenderon sobre a súa cultura e costumes. ( xa que o libro está inspirado no Castro de Baroña).
Para esta primeira reunión pareceunos interesante ir visitar o Castro de Cameixa ( que está preto do cole na parroquia de Cameixa, no Concello de Boborás)
A idea era ir ata o Castro, velo e facer alí a reflexión sobre o libro e “merendar” pero o tempo non axudou moito, co que decidiuse ir camiñando dende o cole, visitar o Castro e voltar ao centro para facer a reflexión na biblioteca e merendar alí ( por se a chuvia facía acto de presenza)
A titora de sexto curso e mais a coordinadora do equipo de biblioteca acompañaron á clase, na andaina, visita e na posterior reflexión sobre o libro.
E despois de todo isto, unha merecidísima merendola.
O contido desta maleta vai estar un mes na biblioteca do cole, pódese disfrutar destes cómics/ manga e banda deseñada/ album ilustrado na hora do recreo ou na hora de biblioteca asignada para cada aula.
A MALETA que nós temos é a de BANDA DESEÑADA, PRIMARIA E ( se premedes no nome poderedes ver os libros que a compoñen)
Os libros son para ED. Infantil e Primaria
Fixemos dúas clasificacións dos mesmos:
-Para ED. Infantil e 1º e 2º de primaria ( Album ilustrado, Super Pataca, etc etc) con maiúsculas ou menos texto
-E os que teñen máis texto, ou complexidade temática, ou profundidade, ou manga para 3º , 4º 5º e 6º.
Agardamos que o noso alumnado disfrute coa lectura... Os máis pequenos xa deron boa conta das novidades na biblioteca...