Skip to Content

                              

Ciclos + 1º Ciclo + 2º Ciclo + 3º Ciclo

REUNIÓN DO CLUBE DE LECTURA DE 6º DE ED. PRIMARIA: MANGA

Mér, 18/05/2022 - 15:42 — Leo

Hoxe tivemos a penúltima reunión do clube de lectura para alumnado de 6º de ED. Primaria. 

(Cando lles propuxemos a idea de ter un clube de lectura, unha das súas "condicións"  foi que 1 dos libros fose MANGA) 

 

Para comezar, recordamos esta magnífica presentación que fixo hai un par de cursos a profe Arantxa, para iniciar ao mundo do manga:

COMO LEO MANGA? (premede no título para ver a presentación) 

 

 

 

Cada quen elexiu un libro, ou unha "saga", foron distintas lecturas, co único fío conductor do formato: MANGA. 

 

Despois cada un dos integrantes explicou  ante os demais, coa axuda  dun "Canva" (que cada quen elaborou individualmente) para expoñer aos compañeiros e compañeiras:

-De que ía a historia ( houbo algún que lle pareceu que facían demasiados "spoiler", para cando os fosen ler... )

-Falaron dos e das protagonistas, puxéronnos en contexto ( tamén nos explicaron as súas vestimentas, ou as cores, significados )

-Idade para a que eles e elas recomendarían a lectura. 

 

Foi unha exposición moi interesante, na que estiveron moi atentos e atentas ao que comentaban os seus compañeiros.

 

 

 

 

 

 

E despois de que todos e todas explicaran ( tamén houbo quenda de preguntas) as súas lecturas, tivemos unha merendola na biblioteca que lles encantou!! 

 

Por último, e para rematar o Clube de Lectura para o alumnado deste curso, compartímoslles a última lectura ( que en realidade son 2 libros)

- "As músicas viaxeiras" de Ramón Caride.

-"Maxia de pedra" de Alba De Evan e Xabier Domínguez. 

 

 

FOI UNHA TARDE MOI INTERESANTE!! 

RESEÑAS "BOOKFACE" DO ALUMNADO DE 6º DE ED. PRIMARIA

Mar, 03/05/2022 - 17:18 — Leo

Continuando con esta actividade proposta polo profe Rubén, para o alumnado de sexto de ED. Primaria, aquí quedan os 3 "bookface" deste mes.

 

Ademais da foto, cada un dos protagonistas elaborou un pequeno texto , sobre o libro en cuestión:

 

 

 

El gran libro de los vampiros (Jesús)

 

Autor: Denise Despeyroux

Sinopse: É un libro que recolle 13 historias sobre vampiros, cada unha

é diferente e hai desde Drácula a outros máis descoñecidos.

 

Idade recomendada: 11-12 anos.

 

A miña opinión: a min gustoume, pero ten moitas mortes provocadas

por vampiros.

 

 

 


CAMUÑAS ( MATÍAS)

 

 

Autor: Margarita del Mazo e Charlotte Pardi.

 

 

Sinopse: O libro é dun bruxo que pensaba que nunca se cortaban as uñas, este era o bruxo Camuñas e comía nenos, un día foi a comer unha nena pero explicoulle que era o bruxo Piruxo, Camuñas volveu a casa e viuse no espello e si era o bruxo Piruxo e non comía nenos e despois foi a onde a nena e lle fixo a manicura.

 

 

Idade recomendada: Para infantil e primeiros cursos de primaria.

 

A miña opinión: É bastante bo para nenos pequenos, doulle un 9.

 

 

 

 

 

Viaxeiros (Xabier)

 

Autor: Xulio Gutiérrez e Nicolás Fernández.

 

Sinopse  Este libro explícache como emigran e viaxan os animais: a

tartaruga, a andoriña, o cangrexo vermello...

 

Idade recomendada: 10 anos

 

A miña opinión: É curioso como medio de consulta para ver como

emigran os diferentes animais.

 

 

DÍA DO LIBRO 2022: ENCONTROS CON AUTORAS.

Mér, 27/04/2022 - 16:47 — Leo

 

 O luns 25 de abril,  ( e co gallo da conmemoración do día do libro)  o alumnado do 1º ciclo, tivemos un encontro coa escritora Isabel Bugallo y Sarria na biblioteca do cole, xa que estivemos lendo o seu  libro “La clase de 1º y el pirata Kiko” durante o segundo trimestre.

Isabel falounos dos seus protagonistas  (Breogán, María, Sofía,...) e trouxo ao loro Kiwi para que o coñeceran os rapaces.  Ademais tamén asinou o libro a todo o alumnado participante.

Foi unha xornada diferente e moi gratificante.

(Redacción do texto: Cruz, titora de 2º de ED. Primaria) 

 

 

 

 

REUNIÓN DO CLUBE DE LECTURA DE 6º PARA FALAR DE "PLAN DE RESCATE"

Mér, 30/03/2022 - 14:07 — Leo

Hoxe tivemos a segunda reunión do clube de lectura de 6º de ED. Primaria, para falar do libro "Plan de Rescate" de Antía Yáñez. 

O primeiro que fixemos foi falar do libro, contar un pouco a historia e os momentos que máis lles chamaron a atención. 

Despois desta pequena reflexión fixeron 3 equipos e redactaron un texto breve centrándose en 3 bloques: breve resumo da historia, falar un pouco dos protagonistas principais e por último unha brevísima biografía da autora.

 

Despois de practicar , subimos a Radio Xuve e coa axuda do profe Javi fixeron a gravación en 3 roldas. 

 

 

 

 

 

Posteriormente voltamos á biblioteca para facer unha dinámica de cohexión e reflexionar de como podemos sentirnos cando traballamos en equipo, e cando sentimos que estamos sos. 

 

E para finalizar unha pequena "merendola" que había que repoñer forzas!!!

 

 

 

 

E aquí o resultado da gravación... que organizaron e levaron á práctica en tempo record...

TRABALLO DE INVESTIGACIÓN - PROXECTO AS PLANTAS . 5º ED. PRIMARIA

Sáb, 26/03/2022 - 12:35 — Leo

 

 

Durante o mes de febreiro os nenos e nenas de 5º de ED. Primaria estiveron realizando un traballo de investigación e desenvolvemento, coincidindo co "tema" de Ciencias Naturais sobre as plantas.

 

Este traballo constou de varias partes: sementeira, observación de campo, investigación e posterior exposición ( mediante todas as canles de información posibles) 

Durante o proceso , o alumnado foi capaz de traballar "in situ" mediante a manipulación e posta en práctica de todo o proceso: dende que se realizou a sementeira ,ata convertirse nunha planta.

Os nenos e nenas, diariamente, apuntaron nun caderno todo o proceso, ilustrando tamén as sensacións que lles producía o que estaban a ver. 

 

Posteriormente, cada un dos grupos de traballo establecidos, elaborou murais e tamén unhas presentacións en formato dixital que expuxeron ao resto dos seus compañeiros.

Finalmente , e coincidindo co día internacional da Árbore, o grupo decidiu facer unha pequena exposición para mostrar o seu proxecto a todo o centro educativo.

 

( Redacción do texto: profe Jose, co-titor de 5º de ED. Primaria) 

 

Aquí vos queda un vídeo recompilatorio do proceso, e das exposicións do alumnado. ( Que foi o que estivo reproducíndose no recuncho onde colocaron a súa exposición)

 

 

 

 

LIP DUB POLO 8-M

Mér, 16/03/2022 - 15:26 — Leo

Outra das actividades desenvolvidas no 8M  foi este LIP DUB realizado polo alumnado de quinto e sexto de primaria, en colaboración coas titoras e os profes Jose e  Rubén.

 

O primeiro foi traballar a letra da canción , que deu moito que falar, e un debate sobre se aínda hai cousas nas que non somos iguais homes e mulleres, e reflexións sobre a concepción do corpo masculino e feminino socialmente.

 

Posteriormente pediuse a colaboración das familias para que aportasen ( quen quixese) unha fotografía das súas nais, xa que eran o obxecto de homenaxe neste proxecto e despois de todo este traballo previo, na semana do 8M fíxose a gravación do mesmo. 

 

E aquí tedes o resultado!!! 

 

 

 

OBRADOIRO DE RADIO CON IAGO GORDILLO

Mar, 15/03/2022 - 17:15 — Leo

O pasado martes comezamos a formación en radio deste curso, impartida por Iago Gordillo, creador de contido en galego. Con unha videoconferencia  na que nos explicou as bases teóricas,  dun xeito moi lúdico  e fixo unha proposta para o alumnado: guionizar o seu propio programa de radio para hoxe, levalo á práctica.

 

Foi un pracer contar con Iago no centro, e foi unha actividade moi completa e interesante para o noso alumnado .

 

Hoxe puxeron en práctica os guións elaborados durante a semana ( como tarefa proposta na primeira sesión), deulles unhas nocións básicas de como "locutar" correctamente.

Despois veu a parte máis técnica de probar o funcionamento dos micros e un pouco de "linguaxe xestual" para comunicarse na radio.

Tamén fixeron uns "mini anuncios", e "recomendacións"

Xuntaron todo o que fixeron en "pequeno grupo" para así dar lugar a un programa de radio ( un por cada aula) como resultado de todo o proceso... que verá a luz o próximo  martes na derradeira sesión formativa deste obradoiro de radio tan completo!!

Moitas grazas a Iago, pola súa colaboración.

E aquí vos quedan unhas poucas fotos do momento das gravacións, e un pequeno vídeo do alumnado de quinto en acción.

 

BOOKFACE por parte do alumnado de 6º.

Dom, 13/03/2022 - 17:00 — Leo

O alumnado de sexto de ED. Primaria, coa colaboración do profe Rubén , está desenvolvendo esta actividade denominada "bookface"  ou o que é o mesmo: a arte de fundirse coa portada dun libro.

 

Aquí temos as 5 primeiras creacións, acompañadas dunha breve reseña de cada un dos libros:

 

 As estrambóticas viaxes de Gulliver (Adrián)

Autor: Pinto y Chinto.

Sinopse:  O que Jonathan Swift, o mordaz escritor anglo-irlandés, presenta na súa novela satírica As viaxes de Gulliver, é o colmo do absurdo para a literatura da época. Gulliver viaxa catro veces como médico dun barco, rematando catro veces entre estrañas civilizacións que non só teñen nomes que parecen trabalinguas, senón que non poderían ser máis singulares.

Idade recomendada: 3º e 4º de primaria.

A miña opinión. A min gustoume, pero pareceume un pouco longo.

 

 

 

 

 Arrodeos e desvios do camiño de Santiago e outras rotas (Alfonso)

Autor: Uxío Novoneyra

Sinopse: Libro de poemas de Uxio Novoneyra entorno o camiño de Santiago e as suas rutas. Idade recomendada: libro para adultos

A miña opinión: Ten un vocabulario moi complicado.

 

 

 

 El chubasquero de Aurora (Christian)

Autor: Paco Ortega. 

Sinopse: O libro trata dunha nena que cre nuns monstros que a atacaban todo o tempo entón a súa mama regaloulle un chuvasqueiro branco con botóns moi grandes e de distintas cores para que perda o medo aos monstros.

Idade recomendada: 10 anos

A miña opinión: Non me gustou moito, pero si que me encantaron os monstros.

 

 

 

 

 A escalada vermella (Diego)

Autor: Fernando Pérez Hernando

Sinopse O libro trátase dun paxaro que usa unha escaleira para subir a lugares, e un día o paxaro perdeu a escaleira pero o seu amigo o coello dille que pode voar e o problema solucionouse e aquí terminan os problemas.

Idade recomendada: nenos e nenas de ED. Infantil

A Miña opinión: a miña opinión sobre o libro é que e un bó libro para o publico que esta dirixido.

 

 

 

 

 

 Insólitos dinosaurios (Gabriel)

Autor: María Mañeru

Sinopse O libro trata de dinosaurios e pon varios dinosaurios e as súas características.

Idade recomendada: de 6 a 10 anos.

A Miña opinión o libro está regular porque as imaxes son pouco cribles e di algunha información incorrecta por exemplo: Pon aos pterosaurios como un dinosauro e non é verdade xa que é unha familia de réptiles voadores.

 

PRIMEIRA REUNIÓN DO CLUBE DE LECTURA DE 6º DE ED. PRIMARIA

Lun, 27/12/2021 - 13:29 — Leo

 O pasado luns día 20 de decembro tivo lugar a primeira reunión do CLUBE DE LECTURA do alumnado de 6º de ED. Primaria.

 

Autodenomináronse os “Enanos come libros” e deseñaron o seu propio carné do clube.

 

 

A primeira lectura foi banda deseñada en galego, unha lectura sinxela para comezar con ánimo: “Baroña ou Morte” o primeiro da serie “Os Barbanzons” de Pepe Carreiro.

 

Ademais da lectura, investigaron sobre os Castros e aprenderon sobre a súa cultura e costumes. ( xa que o libro está inspirado no Castro de Baroña).

 

 

 Para esta primeira reunión pareceunos interesante ir visitar o Castro de Cameixa ( que está preto do cole  na parroquia de Cameixa, no Concello de Boborás)

 

A idea era ir ata o Castro, velo e facer alí a reflexión sobre o libro e “merendar” pero o tempo non axudou moito, co que decidiuse ir camiñando dende o cole, visitar o Castro e voltar ao centro para facer a reflexión na biblioteca e merendar alí ( por se a chuvia facía acto de presenza)

 

 

A titora de sexto curso e mais a coordinadora do equipo de biblioteca acompañaron á clase, na andaina, visita e na posterior reflexión sobre o libro.

 

E despois de todo isto, unha merecidísima merendola.

 

Deixámosovos unhas poucas fotos do proceso!!

 

 

ENTREVISTAS FICTICIAS

Xov, 24/06/2021 - 09:21 — Leo

O alumnado de 5º de primaria realizou unha serie de  “entrevistas ficticias “ a personaxes famosas coma : Camilo, membros de ACDC,  Cristiano Ronaldo,  Maluma ou Tom Holland. ( Que supuxo un traballo de guionización e busca de información moi interesante, ademais de divertido

Foron entrevistadores  e entrevistadoras, e tamén un pouco “actores e actrices”  fixeron de guionistas e tamén de protagonistas. 

Se queredes pasar un momento divertido, coa orixinalidade coma protagonista, non deixedes de escoitalos.

 

 

 

 

Distribuir contido


by Dr. Radut