Ola a tod@s!!!
Xa estamos en xuño e só queda pouco tempo para as vacacións. Ademais o sol estanos acompañando así que entendo que cada vez dea máis pereza o traballo.
Déixovos o de esta semana das 5 materias principais. En snappet tamén hai contido novo en "listas de traballo" pero recordade que tedes que rematar primeiro o das "leccións" para que volo deixe ver e facer.
Como despedida deste ano tan particular gustaríame que tod@s puideramos vernos nunha videoconferencia. Será o mércores ás 12.00 e espero que poidades asistir tod@s. Para facela enviareivos un email cun enlace no que tedes que clicar e xa vos conecta directamente.
Para que o mércores saia ben, decidín facer mañá unha proba, por iso tedes un email para mañá ( o que queira e poida que se conecte, será un momento para ver que tal funciona). Podedes usar móbil, tablet ou ordenador. Algúns/algunhas me escribístedes dende diferentes correos polo que asegurádevos de que o teñades porque pode ser que volo enviara a un que usades menos (nese caso avisádeme que volo volvo mandar ao que vos veña ben).
O tema do venres será "A despedida". Será unha actividade de expresión oral (ASAMBLEA) na que cada quen me contará que espera deste verán e como vos sentides despois destas semanas confinad@s.
Entón, espero vervos mañá e a ver que me contades o mércores.
Unha aperta moi grande.
| Adxunto | Tamaño |
|---|---|
| Soluciones lengua.pdf | 210.81 KB |
| Soluciones Mate.pdf | 79.25 KB |
| Solucións galego.pdf | 110.71 KB |
| Solucións naturais.pdf | 123.69 KB |
| SOLUCIÓNS SOCIAIS.pdf | 94.84 KB |
| galego.pdf | 679.86 KB |
| lengua.pdf | 849.05 KB |
| mate.pdf | 333.46 KB |
| naturais.pdf | 482.61 KB |
| sociais.pdf | 260.25 KB |
