En ficheiros adxuntos podedes atopar a comunicación sobre o manexo de positivos da COVID - 19.

O subcomité clínico que asesora á Xunta de Galicia na xestión da pandemia pola covid-19, vén de acordar, deixar de recomendar o uso das máscaras nos espazos ao aire libre dos centros educativos da comunidade. O grupo de expertos adoptou esta decisión tras avaliar a situación epidemiolóxica de Galicia así como a grande porcentaxe de poboación pediátrica e xuvenil vacinada.

A ORDE do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado para a admisión do alumnado en centros públicos, establece os seguintes prazos:

 - Presentación da solicitude de admisión: 1 - 21 marzo.

 - Publicación das listaxes provisionais de persoas admitidas e non admitidas: antes do 25 de abril.

 - Publicación das listaxes definitivas de persoas admitidas e non admitidas: antes do 15 de maio.

 - Formalización da matrícula: 20 - 30 de xuño.

Ademais da instancia que poden solicitar no centro educativo ou descargar no documento adxunto, deberán presentar unha fotocopia cotexada do libro de familia.

No caso de separación ou divorcio, a solicitude deberá estar asinada por ambos proxenitores, agás que aquel que presenta a instancia teña atribuída a patria potestade con carácter exclusivo mediante resolución xudicial. En ambos casos será necesario presentar, xunto coa solicitude de admisión, a resolución xudicial correspondente para o seu cotexo polo centro educativo.

Lémbrase que o alumnado que se atopa matriculado actualmente ten reserva de praza automática para o seguinte curso escolar.

Horario de atención:

 - De luns a venres: 9:15 - 10:30 horas.

 - Xoves: 13:10 - 14:00 horas.

No caso de que non sexa posible acudir ao centro neste horario, deben poñerse en contacto co centro no seguinte número: 881880647.

O protocolo está dirixido ao alumnado do ámbito da educación primaria pública e privada da Comunidade Autónoma de Galicia que voluntariamente desexe realizar a proba diagnóstica da COVID-19 tras a detección dun caso esporádico de COVID-19 entre a súa rede de contactos máis próximos (aula, comedor, etc) e que cumpra os seguintes requisitos:

• Non atoparse en situación de illamento por ser caso confirmado de COVID-19.

• Non atoparse en situación de corentena por ser contacto estreito dun caso confirmado.

• Non ter padecido COVID-19 nos 3 meses previos.

O test realizarase na casa, de xeito voluntario, unha vez que a Central de seguimento de contactos (CSC) notifique a través de EduCOVID esta circunstancia ao equipo COVID do centro.

NO ARQUIVO ADXUNTO PÓDESE DESCARGAR A AUTOENQUISA COVID PARA REALIZAR TÓDOLOS DÍAS Á MAÑÁ, NA CASA. NON HAI QUE CUBRILA E ENVIALA NIN ENVIALA AO COLEXIO.