Hoxe foi un día moi especial.Fixemos taaaaantas cousas e todas divertidas. Primeiro decoramos o vestíbulo con murais e globos terráqueos e na bibliotea escoitamos un manifesto pola Paz. A continuación os nenos e nenas de E.Infantil, primeiro e segundo de E.P participamos en xogos cooperativos e os nenos e nenas de terceiro a sexto fixemos unha divertida xincana. Para rematar, estivemos en diferentes prazas de Fene lendo e repartindo poemas sobre a Paz e como peche cantamos todos "O mundo é grande" e "Folerpas de Paz" no concello.Pasámolo xenial!!!

Neste vídeo podemos escoitar algúns dos poemas recitados polos alumnos e alumnas nalgunhas prazas de Fene.

Os alumnos e alumnas de 6º de E.P para celebrar o Día da Paz bailaron ao ritmo de Mamá Cabra.

Hoxe viñeron ao cole un grupo de avós do programa de recuperación da memoria histórica de Fene "Construíndo pontes".Contáronlle ao alumnado de quinto e sexto como era a vida antes de que chegara tanto a luz como os aparellos eléctricos e como foi cambiando co paso do tempo.A charla foi moi interesante e temos que darlle as grazas aos avós por visitarnos e por explicarnos tan ben e con tanto cariño retallos da súa infancia.

Un ano máis en Centieiras celébrase o festival de Nadal e este ano cunha novidade, estreamos telón gracias á colaboración das nais e pais do noso alumnado.Graciñas.

.

O alumnado de quinto e sexto coa axuda de Mackenzie, a auxiliar de conversa, e Carmen dedicáronse nas últimas semanas na sesión de Arts a decorar as portas de todas as titorías do cole… Mirade o resultado!

It was a fantastic job!

Congratulations!

Mirade o duro que traballamos… ata de xeonllos pintamos, pero mereceu a pena.

Vai ser verdade aquilo de que TODO ESFORZO TEN A SÚA RECOMPENSA.

Inaugurado oficialmente o Atelier de Convivencia do Cole. María foi a encargada en nome das familias de cortar a cinta de acceso.

Pensamos facer botes da calma, caixas do agradecemento,mostros matemáticos,casiñas dos números....pero ante todo un Telón vermello para o noso escenario.Todo co compromiso de potenciar unha convivencia harmónica e un ensino igualitario e de calidade.

Hoxe tivemos unha visita moi especial :o Apalpador. Os nenos e nenas de 6º de E.I e 1º e 3º de E.P poideron coñecelo en persoa. Que sorte!!!!

A concelleira Mary Carmen Martínez inaugurou o día 5 de decembro a exposición de E.I de Centieiras "Caixiñas de Outono" na entrada do Concello de Fene.Alí podedes ver traballos feitos con caixas de zapatos e todo tipo de elementos do Outono:follas,millo,ourizos,noces....Previamente coñecimos tamén os froitos,as froitas,as cores,o clima.....e contamos,clasificamos,seriamos,cantamos,nomeamos......Buf!!!.Canto aprendimos co Outono!!!. Ä inauguración nos acompañaron as familias e ademáis estivemos na radio cantando e recitando sobre o Outono. Tamén saímos na prensa con foto e todo. Polo camiño atopamos algún dos carteis anunciadores.Todo un acontecemento artístico en fene.(Non deixedes de vela, está ata o día 20 de decembro)

      O venres, día 2 de decembro, visitamos as instalacións da Confraría de Barallobre. Explicáronnos o funcionamento da depuradora de mariscos e tamén nos falaron das distintas formas de vida que aparecen na nosa ría: desde as algas e as esponxas,  ata os polbos ou os arroaces... Despois, fomos dar un paseo pola ribeira e, como era marea baixa, vimos como mariscaban (entre os mariscadores estaban algunhas das nosas nais) e  deixáronnos coller con elas berberechos e ameixas,  e ostras tamén, para axudarlles. Fomos a pé todas as nenas e os nenos de quinto  e sexto, e pasámolo xenial!

 O venres 25 de novembro para conmemorar o Día Internacional da Eliminación da Violencia conta a Muller toda a comunidade educativa participou na gravación dun lipdub .Aquí tedes o resultado.

Agradecerlle a Bea e a Xesús a súa colaboración na gravación e montaxe do vídeo.

O luns 28 de novembro todo o colexio foi decorar os pasos de peóns con diferentes slogans contra a violencia de xénero

.

Hoxe no colexio fixemos unha viaxe ao pasado.

Hoxe explicáronnos quen eran os indianos e a continuación vimos unha película sobre os indianos de Fene.Foi moi interesante.         

O 11 de novembro no colexio fixemos realidade o dito "Polo San Martiño peóns ó camiño".Fixemos os nosos peóns e mostramos as nosas habilidades á hora de bailalos. Como remate da festa degustamos unhas gorentosas castañas.Pasámolo xenial!!.