CURSO 2ºA 2ºB
A NOSA PRIMEIRA SAÍDA... AO FIC!
Enviado por Marta Valbuena o Mér, 21/09/2022 - 19:27Hoxe tivemos a primeira saída da nosa etapa en Primaria, e foi a un lugar moi especial para nós... Ao FIC Bueu!
Esta actividade encantounos, pois proxectaron unhas curtametraxes moi ben feitas que nos fixeron sentir emocións como alegría, lástima, morriña, amor, amizade... e unha boa dose de risas!!!
Portámonos súper ben, e ao chegar ao cole votamos cal foi a nosa curta favorita.
- En 1ºA saiu elixida URSA - A CANCIÓN DAS LUCES DO NORTE, que trataba dun osiño polar que buscaba a súa nai.
- En 1ºB elixiron BIG BOX, unha curta onde un carteiro transportaba unha caixa xigante.
Ademais, fixémonos unhas fotos no photocall. Mirade que guapos saímos!
BENVIDA A 1º DE PRIMARIA
Enviado por Blanco Rodrígue... o Xov, 08/09/2022 - 17:40Estimadas familias!
Deixamos aquí a presentación coa información que demos na 1º reunión deste curso. Se desexades aclarar calquera cousa non dubidedes en preguntar. Benvidos a todos e todas!
Premede na imaxe para ver a presentación.
CLASES DE EDUCACIÓN FÍSICA AO AIRE LIBRE
Enviado por Blanco Rodrígue... o Mér, 29/06/2022 - 22:34Neste mes de xuño todo o alumnado de 2º acompañado dos seus mestres/as realizamos diferentes actividades na natureza, para coñecer e gozar da nosa contorna.
- O venres 17 de xuño fomos de roteiro pola senda do río Bispo, chegando ata o lavadoiro da Portela onde tomamos folgos para continuar a nosa andaina pola beira do río. Era un día soleado e fresco, onde poidemos desfrutar da paisaxe, coñecendo o nome dalgunhas árbores, plantas e flores; ademais no lavadoiro da Portela descubrimos o uso que antigamente se lle daba.
- O derradeiro día deste curso tivemos unha xornada moi especial, FOMOS Á PRAIA DA BANDA DO RÍO!!!
Alí desfrutamos na area realizando numerosos xogos e facendo diversas construcións con area, pedras e cunchas.Premede na imaxe.
FIN DE CURSO!
Enviado por Ainhoa Suarez o Mér, 29/06/2022 - 11:55Despois de tantas actividades... por fin chega o fin de curso. Para celebralo, a ANPA da escola organizou unha FESTA DE DESPEDIDA para todo o alumnado.
Comezamos con algúns xogos de animación: bailamos, cantamos, berramos... E cando xa estabamos animados, repartímonos por grupos para xogar nos inchables, no toro mecánico, nos xogos cooperativos... e ata puidemos maquillarnos.
Rematamos a mañá cunha HOLY PARTY, onde nos divertimos manchándonos con pintura de tódalas cores posibles! Aquí podedes ver o ben que o pasamos. PREMEDE NA IMAXE.
Ademais, o día anterior, algunhas nenas amosáronnos un BAILE que levaban moito tempo preparando. Aquí podedes ver o ben que o fixeron. PREMEDE NA IMAXE.
Con isto, o alumnado de 2º deséxavos a todos e todas un FELIZ VERÁN!
ANTIGAS ALUMNAS CIENTÍFICAS
Enviado por Ainhoa Suarez o Mér, 29/06/2022 - 11:06Como sabedes, este ano celebramos o noso 50 aniversario. Con tal motivo, estivemos todo o curso recibindo visitas de antigxs alumnxs e mestrxs.
Neste caso, visitáronnos unhas rapazas que estiveron na clase das profes Rosa e Marta algúns anos atrás, acompañadas do seu profe, para ensinarnos un montón de cousas sobre CIENCIA, xa que elas ahora están a formarse para ser grandes CIENTÍFICAS.
Primeiro coñecemos quen foi a primeira muller en viaxar á lúa: VALENTINA TERESHKOVA, e xa que estábamos a falar de foguetes, saímos ao patio para facer despegar os nosos foguetes caseiros.
ALUMNADO DE INFANTIL CO OSO ATRAPABOLBORETAS!
Enviado por Ainhoa Suarez o Mér, 29/06/2022 - 10:32Remata o curso e chegan algún cambios… O alumnado de 5 anos de infantil faise maior, e o ano que ven xa estará no cole dos maiores. Por este motivo, levamos a cabo unha actividade para que coñeceran a escola e ás súas futuras mestras.
Para isto, contaron coa axuda dos seus “padriños e madriñas”, que foron os nenos e nenas de 2º. Primeiro fixéronlles un agasallo: un debuxo recomendAndo o seu libro favorito, e despois ensináronlles o traballo que fixemos durante o terceiro trimestre… a curtametraxe de stop motion OSO ATRAPABOLBORETAS!
A continuación podedes ver o vídeo da curta e tamén o resumo de como fixemos este traballo entre os tres grupos de 2º. Agardamos que vos guste!
HISTORIA DAS ESCOLAS DE BUEU
Enviado por Blanco Rodrígue... o Mar, 28/06/2022 - 21:32O día 8 de xuño visitounos o profe Arturo, un mestre que coñece moi ben a nosa escola pois nela ensinou a moitas xeracións de rapaces e rapazas de Bueu, para contarnos moitas cosas da escolas que había en Bueu antes de que fixeran o noso cole.
Reunímonos os tres grupos de 2º na aula polivalente e durante unha hora escoitamos con atención as historias, curiosidades e anécdotas que o Profe Arturo compartiu con todos nós, acompañando o seu relato con imaxes e fotos.
Contounos que había moitas escoliñas pequenas repartidas por Beluso, Cela e Bueu, que non tiñan cuarto de baño, nin calefacción, nin sequera libros, nin cousiñas para xogar... Había escolas de nenos e de nenas, mesmo aprendían cousas diferentes e o peor era que moitos nenos e nenas non podían ir a escola porque tiñan que traballar, pois os seus pais non eran ricos.
Tamén nos ensinou algún libro (enciclopedia Álvarez) e materiais como a pizarra e o pizarrín, a pluma e a tinta... Todo moi interesante!
Outra cousa que dixo Arturo foi que a sorte dos nenos e nenas de Bueu empezou a cambiar fai 50 anos condo se construíu e empezou a funcionar o colexio A Pedra pois todos os nenos e nenas de Bueu podían aprender,xogar e medrar xuntos.
Para terminar, invitounos a que gozaramos desta escola chea de recursos e espazos de saberes como o BIBLIOCASTELO
GRAZAS PROFE ARTURO, VEN A TÚA ESCOLA
SEMPRE QUE QUEIRAS!
OBRADOIROS DE IGUALDADE E EDUCACIÓN VIAL
Enviado por Ainhoa Suarez o Mar, 28/06/2022 - 16:43Nestas últimas semanas de curso levamos a cabo moitas actividades... Entre elas, dous obradoiros de IGUALDADE e EDUCACIÓN VIAL.
Comezamos a mañá aprendendo A CIENCIA DO TRABALLO DOMÉSTICO. Primeiro falamos sobre que todos e todas temos que colaborar nas tarefas do fogar, e despois vimos que calquer persoa pode ser científico/a: cando estamos cociñando, limpando... a ciencia está por todas partes!
Por último, puxemos en práctica o que aprendimos facendo algúns experimentos coma os que podedes ver nas fotografías.
Por outra banda, percorrimos un circuito de EDUCACIÓN VIAL. Despois de estar todo o trimestre traballando as normas e sinais de tráfico, fomos quen realizalo cos nosos patíns.
Así de cansos acabamos!
14 de xuño: DÍA NACIONAL DAS LINGUAS DE SIGNOS
Enviado por Marta Valbuena o Mar, 14/06/2022 - 09:49xe na escola conmemoramos o DÍA NACIONAL DAS LINGUAS DE SIGNOS.
A intérprete de signos Rosa Louro, coordinou a gravación dun vídeo no que participa todo o colexio A Pedra: Primaria e Infantil.
Se queredes ver o vídeo, premede nesta imaxe.
Encántanos a lingua de signos!
Neste día, en representación de todo o colexio, o alumnado de 2º A acompañados das profes asistimos a entrega de premios "Xogando coas manciñas" en Pontevedra. O mellor foi que conseguimos o 1º premio na categoria de centros co vídeo da canción signada "50 aniversario"
DÍAS DE CLASE
Enviado por Marta Valbuena o Lun, 06/06/2022 - 20:46Durante este curso no que estamos de aniversario no colexio, aproveitamos para ler un libro de Daniel Nesquens escrito en lingua castelá chamado DÍAS DE CLASE. Neste libro, o alumnado dunha aula de primaria conta anécdotas, historias divertidas á vez que realiza descrición de cada un deles.
Ao alumnado da nosa escola gustoulle este libro que lle fixo sorprenderse, rir, e pasar ratos divertidos á vez que aprenderon a narrar as súas anécdotas e descricións.
Para rematar debuxaron as portadas dos libros ao seu xeito. Quedáronlle moi chulas!
Despois de ler o libro, recibimos a visita dos exmestres e mestras: Elena, Mabel e Ginés. Podedes atopar máis información premendo neste ENLACE.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »