Inicio

Información

Centros seleccionados en Voluntariado de lectura-A: disfrutando dos premios

Na convocatoria da acción VOLUNTARIADO DE LECTURA-a para o curso 2016/2017 resultaron seleccionados 8 centros que foron agasallados con obradoiros de distinto tipo, a elixir; fomento da lectura e xogos tradicionais, obradoiro de lectura expresiva e de narración oral e obradoiro audiovisual. Vannos chegando noticia da celebración das sesións acordadas nos centros, coa participación do alumnado que realizou durante todo o ano labores de colaboración coa biblioteca escolar ou que participaron directamente na xestión de actividades de lectura compartida dentro ou fóra do centro. Ben o merecen!
Velaquí o exemplo do acontecido nos centros:

  • CEIP DE LEIRADO (Salvaterra de Miño, Pontevedra) 

  • CEIP A SANGRIÑA (A Guarda, Pontevedra)

    • Máis informacións nos blogue da biblioteca

  • CEP ALTAMIRA (Salceda de Caselas, Pontevedra)

    • (ver entrada no blogue do centro)

    Resolución "Voluntariado de lectura-A" e Selo "Biblioteca Escolar Solidaria"

    O Portal Educativo publica hoxe, 22 de maio, a resolución da Dirección Xeral de Centros e Recursos Humanos pola que se resolve a convocatoria do programa Bibliotecas Escolares Solidarias en dúas das súas accións: Voluntariado de lectura-A (Primaria) e o Selo "Biblioteca Escolar Solidaria" 

    1. Voluntariado de lectura-A: Seleccionaráronse 8 centros, vistas as memorias de actividades presentadas por 52 dos 56 centros inscritos nesta iniciativa.
    • CEIP Francisco Vales Villamarín, de Betanzos (A Coruña)
    • CEIP Nicolás del Río, de Cedeira (A Coruña)
    • CEIP Ramón Falcón, de Castro de Rei (Lugo)
    • CEIP P. Virxe do Carme, de Sober (Lugo)
    • CEIP P. Manuel Bermúdez Couso, de Pobra de Trives (Ourense)
    • CEIP A Sangriña, de A Guarda (Pontevedra)
    • CEP Altamira, de Salceda de Caselas (Pontevedra)
    • CEIP Leirado, de Salvaterra do Miño (Pontevedra)

    2. Selo "Biblioteca Escolar Solidaria": Concédese o Selo ao CRA MESTRA CLARA TORRES, de Tui (Pontevedra).

    Programa "Bibliotecas Escolares Solidarias" para o curso 2016/2017

    O Portal Educativo publica a Resolución do 7 de novembro de 2016, da Dirección Xeral de Centros e Recursos Humanos pola que se publica a convocatoria do programa BIBLIOTECAS ESCOLARES SOLIDARIAS para o curso 2016/2017, integrado no PLAN LÍA (Lectura, Información, Aprendizaxe) da Consellería de Cultura, Educación e Ordenación Universitaria. As accións incluídas neste programa, en colaboración coa Dirección Xeral de Xuventude, Participación e Voluntariado, van destinadas aos centros públicos de nivel non universitario e de titularidade desta consellería. 
    Coas diferentes accións integradas en "Bibliotecas Escolares Solidarias" pre´tendese estimular o voluntariado cultural en relación coas bibliotecas e a lectura entre o alumnado dos niveis non universitarios e as súas familias, nos centros públicos de titulariade da consellería, e recoñecer os esforzos das comunidades educativas por conformar "bibliotecas escolares inclusivas", que axuden a paliar as desigualdades no acceso ao coñecemento e ao uso dos recursos culturais e de aprendizaxe, por calquera das causas posibles. No cadro que segue resúmense as diferentes accións do programa:

     

    Iniciativa

    Finalidade

    Características

    1

    Concesión do Selo “Biblioteca Escolar Solidaria”

    Recoñecer a bibliotecas que traballan de forma salientable a compensación de desigualdades e fomentan o voluntariado cultural entre os integrantes da comunidade escolar.

    • Convocatoria anual.
    • Presentación de memorias por parte dos centros interesados: 10 de maio de 2017.
    • Concesión dos selos (un máximo de 15 selos por curso escolar) 

    2

    Voluntariado na biblioteca escolar (Secundaria)

    		Recoñecemento de horas de voluntariado na biblioteca escolar, para o alumnado colaborador, mediante a emisión de diplomas de acción voluntaria correspondentes.

    Destinado a alumnado de ESO, BAC, FP ou ensinanzas de réxime especial.

    • As bibliotecas escolares deberán adherirse ao programa, no momento que se estipule e levar rexistro das actividades do alumnado (data límite: 20/12/2016).
    • Remitir datos alumnado  (data límite: 31/05/2017)

    3

    Voluntariado de lectura – A

    (Primaria)

    		Estimular o voluntariado cultural relacionado coa biblioteca e a lectura, entre o alumnado de 5º e 6º de primaria.
    • Inscrición con data límite 20/12/2016
    • Os centros inscritos presentarán memoria de actividades (data límite 25/04/2017).
    • Seleccionaranse  un mínimo de 4 experiencias. Concreción en convocatoria complementaria (febreiro-marzo de 2017).

    Centros adscritos a accións de voluntariado na biblioteca escolar. Bibliotecas Escolares Solidarias 2015/2016

    O Portal Educativo publicaba o venres 29 de xaneiro a listaxe de centros adscritos a dúas das accións contempladas na convocatoria do programa BIBLIOTECAS ESCOLARES SOLIDARIAS para o curso 2015/2016:

    Este programa é o resultado dunha colaboración entre a Dirección Xeral de Centros e Recursos Humanos (Consellería de Cultura, Educación e O.U.) e a Dirección Xeral de Xuventude, Participación e Voluntariado (Consellería de Política Social).

    Bibliotecas Escolares Solidarias. Curso 2015/2016

     

    O Portal Educativo publica a Resolución da Dirección Xeral de Centros e Recursos Humanos, de 10 de decembro de 2015, pola que se convoca o programa BIBLIOTECAS ESCOLARES SOLIDARIAS para o curso 2015/2016. Este programa, destinado a centros de titularidade da Consellería de Cultura, Educación e Ordenación Universitaria, conta coa colaboración da Dirección Xeral de Xuventude, Participación e Voluntariado (Consellería de Política Social) e inclúe varias accións:

    • Selo "Biblioteca Escolar Solidaria"
    • Voluntariado na biblioteca escolar (Secundaria)
    • Voluntariado de Lectura-A (Primaria)
    Bibliotecas Escolares Solidarias ten como obxectivo estimular o voluntariado cultural en relación coas bibliotecas e a lectura entre o alumnado dos niveis non universitarios e as súas familias nos centros públicos galegos, e recoñecer os esforzos das comunidades educativas por conformar bibliotecas escolares que axuden a paliar as desigualdades no acceso ao coñecemento e ao uso dos recursos culturais e de aprendizaxe. Este programa intégrase como inicativa de voluntariado nos programas da D. X. de Xuventude, Participación e Voluntariado. 

     

    Novo programa: Bibliotecas Escolares Solidarias

    A Consellería de Cultura, Educación e Ordenación Universitaria bota a andar unha nova iniciativa no ámbito das bibliotecas escolares (Plan LÍA), o denominado "Bibliotecas Escolares Solidarias", que acolle varias accións de voluntariado cultural relacionado coas bibliotecas e a lectura, tendo como referencia o papel da biblioteca como espazo de convivencia e de compensación de desigualdades. 

    O Portal Educativo publica hoxe, coincidindo co Día Internacional dos Voluntarios, a Resolución de 5 de decembro de 2014, da Dirección Xeal de Centros e Recursos Humanos, pola que se inicia este programa. Trátase dunha colaboración entre esta dirección xeral e a D. X. de Xuventude e Voluntariado (Consellería de TRaballo e Benestar). Os centros poden participar en diferentes iniciativas: 

    • Selo "Biblioteca Escolar Solidaria", ao que poden optar os centros interesados, que reúnan determinados requisitos e presenten candidatura antes do 15 de maio de 2015. Concederase un máximo de 15 selos por curso escolar.
    • Voluntariado na biblioteca escolar, que ten como finalidade recoñecer o tempo de colaboración na biblioteca escolar ao alumnado de ensino secundario, bacharelato, formación profesional ou ensinanzas de réxime especial (conservatorios, escolas oficiais de idiomas ou centros de ensinanzas de persoas adultas). Os centros interesados poderán adherirse a este programa antes do 31 de decembro de 2014. Rematado o curso, cumpridos os requisitos e previo envío da documentación que se recolle no apartado 3 da resolución,  a Dirección Xeral de Xuventude e Voluntariado emitirá o correspondente diploma (no caso do alumnado menor de 18 anos) ou certificado de horas de voluntariado.

    Inclúese neste programa a iniciativa posta en marcha en 2013/2014, Voluntariado de lectura-A. O prazo de presentación de solicitudes para participar, segundo Resolución de convocatoria do 24 de novembro de 2014, remata o vindeiro 15 de decembro.

    « primeira‹ anterior12