IES Xograr Afonso Gómez de Sarria

Recomendación do uso da máscara

Ven, 18/03/2022 - 11:20 — jomavalo

Comunicación conxunta das Consellerías de Sanidade e Educación sobre a recomendación do uso de máscaras nos patios dos centros educativos - 18/03/2022

O subcomité clínico que asesora á Xunta de Galicia na xestión da pandemia polacovid-19, vén de acordar na súa xuntanza de onte, deixar de recomendar o uso das máscaras nos espazos ao aire libre dos centros educativos da comunidade.
O grupo de expertos adoptou esta decisión tras avaliar a situación epidemiolóxica de Galicia así como a grande porcentaxe de poboación pediátrica e xuvenil vacinada. Neste senso, Galicia é a primeira comunidade en porcentaxe de poboación infantil vacinada cun 73,5% dos nenos con alomenos unha dose, o que significa 21 puntos por riba da media do Sistema Nacional de Saúde. Así mesmo, o 41,1% dos menores de 12 anos contan coa pauta completa, 13 puntos por riba da media de España.
Moitas grazas pola súa colaboración.

Cambio do horario dos venres

Ven, 18/03/2022 - 11:17 — jomavalo

Ante a mellora da situación pandémica e a relaxación das medidas no conxunto da sociedade, este centro, no uso das súas competencias, acordou un cambio no horario lectivo dos venres. Dito cambio, que consideramos que favorece notablemente ao alumnado, consiste na supresión do dobre recreo dos venres polo que os cursos pares: 2ºESO, 4ºESO e 2ºBAC volven a ter o recreo entre a terceira e a cuarta hora lectiva, á mesma hora que os cursos impares. Deste xeito evítase que teñan catro sesións lectivas consecutivas e reducíndose a tres. Polo demais, non se produce ningún cambio nas horas de entrada e saída do centro.

Caderno de exercicios, Inglés 3º e 4º da ESO

Lun, 13/09/2021 - 17:58 — jomavalo

Tal e como informabamos no documento onde se publicaron os libros de texto obrigatorios de 3º e 4º da ESO fixados para o curso 21/22, indicámoslles o procedemento de compra do caderno de exercicios de inglés.

A editorial Burlington Books habilitou un espazo específico para o noso centro do que lles deixamos o enlace. O caderno de exercicios é de formato dixital (non en papel) e con el, a editorial, regala a licenza dixital do libro de texto. O prezo é de 5,12€ e a súa compra pódese efectuar mediante o seguinte enlace:

Acceso a tenda online

Exames de setembro 2021

Mar, 06/07/2021 - 06:00 — jomavalo

Durante as probas extraordinarias de setembro, o alumnado só poderá acceder ao centro para a realización das mesmas sen poder permanecer nel máis tempo do necesario. Así mesmo, só poderá dirixirse á aula na que terá lugar a proba extraordinaria seguindo en todo momento as indicacións relativas aos espazos de entrada e saída.

Deberánse respectar as seguintes normas:

Uso obrigatorio da máscara de protección en todo o recinto escolar.
Hixiene de mans ao acceder ao centro e de xeito frecuente.
Manterase unha distancia de seguridade interpersoal (1.5ms.).
Empregar material de uso propio. O alumnado non compartirá material con ningún dos seus compañeiros/as.
Ventás, portas, persianas, dispositivos de funcionamento de iluminación serán unicamente empregados polo profesorado, coas medidas de seguridade e hixiene que proceda.
Uso de aseos da planta baixa e planta primeira (acceso individual).

EXAMES:

Días 1 e 2: exames extraordinarios de ESO e 1º BAC. (Pica no enlace para ver os horarios).
Día 3: Entrega de notas e consellos orientadores (ESO), recollida dos libros de texto ás 17.00hs.
Día 6: De 10.00 a 13.00hs. atención ao alumnado e ás familias.
Días 6 e 7: De 9.00 a 14.00hs reclamacións ás cualificacións na secretaría por parte dos/das responsables legais do alumnado.
Día 9: Resolución das reclamacións ás 10.00hs. De continuar a disconformidade poderase solicitar que os expedientes de reclamación se remitan á Xefatura Territorial ata as 14.00hs. do día 10.

MATRÍCULA:

Días 6 e 7: de 8.30 a 14.30hs.

Día 9: Mercadiño libros bacharelato; deposito no centro dos libros para vender, ata o martes 7 de setembro; compra de libros, o xoves 9 de setembro entre as 9.30 e as 12.30hs.
Día 10 e seguintes: Entrega de vales das axudas para compra de material.

INICIO DAS CLASES:

15 de setembro, horario pendente de publicación.

Entrega de ordenadores (Edixgal 1º e 4º da ESO, e novo alumnado no centro) e libros do fondo, unha vez comezadas as clases.

Admisión a Ciclos de Formación Profesional

Ven, 25/06/2021 - 05:08 — jomavalo

Prazo de presentación de solicitudes de admisión: do 25 de xuño ata o 5 de xullo ás 13.00hs.

Toda a información sobre solicitudes, prazos e listaxes se publica no portal de FP.

Estuda no noso centro o Ciclo Medio de Atención a Persoas en Situación de Dependencia. TRÍPTICO.

Fondo solidario de libros de texto / Axudas de material

Ven, 21/05/2021 - 07:01 — jomavalo

Aberto o prazo para a solicitude de axudas para a compra de material escolar para o curso 2021/2022

Prazo de presentación de solicitudes: 21/05/2021 - 22/06/2021

O alumnado matriculado nos centros e cursos incluídos no proxecto educación dixital (EDIXGAL) no curso 2021/22 está excluído da participación no fondo solidario de libros de texto e das axudas para adquirir libros de texto. Non obstante, poderán solicitar a axuda para adquirir material escolar cando reúnan os requisitos establecidos na orde. O noso centro participa no proxecto EDIXGAL en todos os cursos da ESO.

Este centro facilitará ordenadores a todo o alumnado da ESO e o seu fondo propio de libros de texto a aqueles que o soliciten no impreso de matrícula.

Información sobre o procedemento e solicitude na sede electrónica

Descarga do modelo de solicitude (Anexo I) e Comprobación de datos dos membros computables da unidade familiar (Anexo II - Obrigatorio: debe conter todas as sinaturas dos membros computables).

Información básica sobre as axudas e a súa tramitación

Orde fondo solidario (DOG) e Extracto

ABAU e acceso á universidade para o curso 2021-2022

Xov, 20/05/2021 - 03:55 — jomavalo

Información importante sobre a ABAU e o proceso de acceso á universidade

Recoméndase a lectura do seguinte documento con información importante sobre as probas da ABAU (normas e instrucións) e sobre o proceso de preinscrición e formalización da matrícula na universidade.

Documento importante sobre a ABAU e o proceso de acceso á Universidade

Na páxina web da CIUG (Comisión interuniversitaria de Galicia) podedes atopar toda a información referente ao acceso ao Sistema Universitario Galego:

Premios extraordinarios de bacharelato

Mar, 18/05/2021 - 07:22 — jomavalo

Convócanse na Comunidade Autónoma de Galicia os premios extraordinarios de bacharelato (código de procedemento ED311A) para o alumnado que finalizase os estudos de bacharelato no curso 2020/21 nun centro docente da Comunidade Autónoma de Galicia e cumpra os requisitos establecidos nesta orde.

Solicitude de participación

Reserva de opcións de matrícula curso 2021-2022

Mér, 28/04/2021 - 08:08 — jomavalo

Ata o 18 de maio, o alumnado xa matriculado no centro, e aquel que solicitou a admisión, poderá entregar a súa reserva de opcións de matrícula na secretaría do centro (de 8.30 a 14.30hs) ou no correo secretaria.xograr@gmail.com

Reservas para: