DÍA DA PAZ E A NON VIOLENCIA

Hoxe 30 de xaneiro celébrase o Día da Paz. No Virxe do Mar conmemorouse a data cun panel alusivo aos países que están a vivir guerras ou conflitos e cunha fermosa danza no patio na que participou unha gran parte do alumnado do centro. Parabéns ás coordinadoras/es Pilar Melcón, Fernando Vigo, Salvia Martínez e Eva Núñez e ao alumnado participante, polo fantástico resultado do esforzo.



BOLSEIRA NO VIRXE DO MAR

A alumna de 4º da ESO do noso centro Laura Martínez foi unha das selecionadas nas prestixiosas Bolsas “High School” para o curso 2012-13. Esto supón que Laura vai realizar o próximo curso académico nun centro de estudos público dos EEUU. As bolsas son promovidas pola Fundación Barrié e a Fundación Amancio Ortega e con elas queren contribuír a mellorar a calidade educativa do alumnado do noso país. Parabéns a Laura por ser unha das 75 afortunadas/os estudantes galegas que foron escollidas


 


 

 

 

 

 

CHARLA DA USC

Hoxe tivo lugar no IES Virxe do Mar unha charla para o alumnado de 2º de Bach arredor do mundo da universidade. A actividade foi organizado polo Departamento de Orientación e forma parte do programa deseñado para formar aos futuros universitarios. A ponente nesta ocasión foi a profesora universitaria Margarita Salas.




CLUBE DE LECTURA

A Biblioteca María Mariño do IES Virxe do Mar convida ás nais e pais do alumnado do centro a participar no seu Clube de Lectura, creado en 2009.



  • Reunímonos unha vez ó mes (día: mércores, hora: de 20,15 a 21,30 hs)

  • Debatemos a obra lida (da literatura universal, actual ou clásica)

  • Organizamos encontros con escritores/as. Asistimos a obras de teatro e sesións de cine. Tamén facemos algunha viaxe.

Se vos interesa podedes poñervos en contacto coas responsables do Clube chamando ao teléfono do centro (981 82 01 19) ou acudindo á próxima reunión o mércores 18 de xaneiro na Biblioteca




ALUMNA PREMIADA

O día 28 de decembro foron entregados en Portosín os premios da Fundación Otilia Millares Vázquez. De novo, como xa sucedera o pasado ano, un alumno, neste caso alumna, do noso centro recibiu o Premio ao Mellor Expediente Académico do curso 2010/11 acadado no Concello de Noia. Inés Vázquez, actualmente estudante da Universidade de Santiago de Compostela, foi a que recibiu a bolsa  coa que esta fundación pretende premiar o esforzo e axudar aos mellores estudantes noieses a completar a súa formación. Parabéns a Inés polo recoñecemento.

 

 


OLIMPIADA MATEMÁTICA 2019

Foi convocada a Olimpíada Matemática Galega 2019 (Fase autonómica da LV Olimpiada Matemática Española).

As probas celebraranse o venres 18 de xaneiro na Facultade de Matemáticas, en sesións de mañá e tarde. Este ano faremos o acto de entrega de premios ao rematarmos a segunda sesión, ás 20:30 horas.

O alumnado interesado en participar débese inscribir on line na páxina web da Olimpiada Matemática Galega

www.usc.es/olympia<http://www.usc.es/olympia/news.htm>,

onde tamén figuran as bases desta convocatoria e outros detalles de interese.

Nese mesmo enderezo pódese enlazar co sitio web da Olimpiada Matemática Española<http://www.olimpiadamatematica.es/>  onde, entre outro material, están os problemas (con solucións) das distintas fases de anos pasados.

Este ano é especial para Galicia, xa que a Fase Nacional da LV Olimpíada Matemática Española terá lugar en Ourense, do 21 ao 24 de marzo de 2019.

Distribuir contido