Orientación

NON OS OES PIAR?

Con fotos de Alvaro Martínez Leiro do movemento Arte K podemos disfrutar dunha exposición de corenta fotos onde os protagonistas son os  paxaros que nos espertan todas as mañás.

Alumnos e alumnas de 1º de bacharelato visitan a Universidade de Vigo

Máis de 50 alumnos e alumnas matriculados en 1º de bacharelato visitaron este mércores, vinte de abril, distintas facultades da Universidade de Vigo.

Celebración do día internacional do Síndrome de Asperger no IES VAL MIÑOR

    O alumno de 1º de bacharelato, Iago Aballe presentounos o documental titulado: Asperger: unha síndrome descoñecida. Con él pretendía informarnos e achegarnos as realidades e as vivencias de todos os que padecen esta síndrome e as estratexias que podemos realizar para facerlle unha vida máis agradable.

Escola de Pais e Nais

O mércores 17 de Febreiro da comezo a Escola de Nais e Pais do Val Miñor

Unha escola de nais e pais é un tempo e un lugar de reflexión sobre como educamos aos nosos fillos e fillas e como nos relacionamos coas persoas que os educan. Falamos, sobre todo, dos nosos éxitos educando e tamén de aquilo que se necesita mellorar.

Chamámoslle “escola” por que esta actividade transcorre durante varios meses a razón dunha reunión por semana e o sitio escollido é un centro escolar.

CLASES SEN FUME NO IES VAL MIÑOR.

CLASES SEN FUME PARA OS ALUMNOS E ALUMNAS DE 1º DE ESO. Estamos a desenvolver un programa de prevención do consumo do tabaco onde os alumnos e alumnas comprométense a non fumar alomenos seis meses. Este programa trata de reforzar a confianza nun mesmo e nos demais, ao tempo que utiliza o premio como incentivo.

AGRICULTURA RESPECTUOSA CO MEDIO AMBIENTE: VISITA DE RICARDO E BEGOÑA DE HORTA DO VAL

Ricardo e Begoña responsables da HORTA DO VAL explicáronlle aos alumnos e alumnas de 1º de Bacharelato como se traballa nunha agricultura respectuosa co medio ambiente-agricultura ecolóxica-. Despois de facer unha narrativa da posta en marcha do seu negocio déronnos unhas clases máis prácticas sobre os tipos de produtos de tempada  que se poden plantar nunha pequena horta escolar.

CHARLA SOBRE A CARREIRA DE ADMINISTRACIÓN E DIRECCIÓN DE EMPRESAS

2-02-2016. O profesor de Marketing dixital da Escola de Negocios de Afundación ABanca, Gonzalo Garre explicoulles ao alumnado de 1º de bacharelato da modalidade de ciencias sociais o plan de estudos desta carreira, as saídas laborais e todo o que ten que ver co mundo da empresa.

FÍSICA RECREATIVA NO IES VAL MIÑOR

O profesor do departamento de Física Aplicada da Universidade de Vigo D. José Benito  Vázquez Dorrío impartiu neste primeiro día de febreiro unha charla-conferencia ao alumnado de 1º e 2º de Bacharelato matriculados na área de física. A través de divertidos experimentos foi ensinándonos que a física pode ser unha ciencia divertida, amena e non tan complicada. 

CHARLA SOBRE A SELECTIVIDADE E A MATRICULA NA UNIVERSIDADE PARA O ALUMNADO DE 2º DE BCTO.

Hoxe, venres día 22 de xaneiro, Alejandro do SIOPE da Universidade de Vigo falou do proceso de matrícula unha vez teñamos superadas ás probas de acceso á universidade e tamén das distintas accións que poden levar a cabo se están en desacordo coas notas de selectividade.

ACTIVIDADE DE PREVENCIÓN DE DROGAS E REDUCIÓN DE DANOS PARA O ALUMNADO DE 1º BACHARELATO

 Hoxe, 13 de xaneiro de 2016, Deli e Sandra, traballadoras das Fundación Érguete, explicáronlle ao alumnado de 1º de Bacharelato os diversos labores que desenvolven nesta fundación e traballaron distintos tipos de contidos relacionado co mundo das drogas. A través de dinámicas como debates, xogos grupais... os rapaces e rapazas aprenderon estratexias e técnicas para evitar todo o relacionado con estas substancias.

Powered by Drupal - Design by artinet