Durante o período desta pandemia, estanse a realizar intervencións previstas a conta dos orzamentos recibidos do contrato programa. Esperemos que cando se retome a nova normalidade o centro continúe ofrecendo novas posibilidades de interacción social e mellorando a súa contorna.

Vaise a poñer un novo valado nas pistas, que estaba moi deteriorado. Fíxose unha nova zona de actividade física, o parque de calistenia. E realizouse resembrado de zonas que estaban bastante deterioradas para mellorar a paisaxe.

Na resolución definitiva pola que se fai pública a relación de centros con programas seleccionados, conforme o disposto no artigo 13 da Resolución do 7 de outubro de 2019, da Dirección Xeral de Educación, Formación Profesional e Innovación Educativa, pola que se regulan os contratos-programa e se establecen as bases para a convocatoria e selección de plans dirixidos á mellora do éxito escolar nos centros docentes públicos de educación infantil, primaria e secundaria dependentes da Consellería de Educación, Universidade e Formación Profesional para o curso 2019/20. O IES Val Miñor foi seleccionado.

Se queres ver máis fotos clica na imaxe

 A biblioteca, como centro creativo das aprendizaxes, amplía a súa oferta coa actividade do xadrez.

Este luns, 2 de marzo, comezamos o obradoiro de RAP. Temos como obxectivos finais: ser capaces de gravar e producir unha canción propia, gravar un videoclip entre varios dos compoñentes do obradoiro e realización dun evento en directo ao finalizar o programa.

Se queres ver máis fotos do acto, clica nas imaxes

A prensa tamén se fixo eco do evento.

https://www.farodevigo.es/comarcas/2020/03/03/ies-val-minor-reconoce-mujer/2256431.html

O alumnado de 1º de bacharelato visitou as distintas facultades da Universidade de Vigo.

(ENLACE para ver a retransmisión en directo do evento. https://youtu.be/i1j-5zi6DGw Clica)

Ao alumnado de 2º de ESO falouselle hoxe do trastorno de espectro autista (TEA). A nosa intención coa charla era informalos, formalos e concienzalos/as sobre como deben actuar con estes rapaces, como entender os seus comportamentos e como poñerse no seu lugar. Ana Moure, da Fundación Menela, mostroulle  estes aspectos e deulle unha serie de orientacións para actuar. Só nos queda que todos os poñan en práctica.

 Os alumnos e alumnas de 1º de bacharelato matriculados na materia de Bioloxía e Xeoloxía sumáronse ao programa Apadriña unha rocha do Instituto Xeolóxico e Mineiro de España, que promove a conservación e seguimento do patrimonio natural.