O alumnado de 3º de ESO rematou este venres 24 de novembro o seu obradoiro de Educación Mediática no Auditorio do Concello de Nigrán. O acto serviu tamén para  manifestarse en contra da violencia contra as mulleres. Dende aquí queremos dar as grazas ao CIM e a produtora CRU  polo seu traballo e dedicación.

Deron comezo, despois desta tempada de diluvios, os torneos de distintos deportes nos recreos. Nestes momentos estase a xogar unha liga de fútbol e un torneo de tenis de mesa.

Como en anos anteriores, e continuando coa adhesión ao contrato programa innova, na súa liña EduSaúde realízase esta actividade que forma parte dun compendio de propostas, dirixidas a favorecer o incremento do tempo de actividade física do alumnado, que terá repercusións directas na súa saúde, entre outros beneficios.

CLICA

Hoxe, 25 de outubro de 2023, recibimos a Eva Méndez Santos, do centro de apoio educativo APREHENDO de Gondomar.

A súa charla abordou o tema do acoso escolar co alumnado de 1ºC-ESO.

Queremos agradecer a relatora o seu bo facer e a sintonía que acadou cos alumnos e alumnas. Por sorte, pronto volverá para tratar deste mesmo asunto cos grupos de 3º de ESO.

Vane, Yago e David, alumnos do centro de Educación Especial, faláronlle ao noso alumnado de 1º de bacharelato do voluntariado. Agradecemos o seu gran labor e as súas ensinanzas. Grazas por todo.

Parabéns ao noso alumnado de Matemáticas de 1ºA, 2ºA, 2ºB, 3ºA e 3ºB polo gran esforzo e os bos resultados que tiveron ao longo de todo o curso na competición organizada pola plataforma  https://matematico.es/

Finalmente, estes grupos quedaron entre os primeiros postos na Clasificación Xeral por Grupos dos participantes de toda España.

A puntuación de cada grupo calcúlase coa media aritmética dos puntos logrados polo alumnado de grupo.

Mención especial merecen os mozos que máis puntos lograron en cada grupo, algúns deles aparecen na Clasificación Xeral Individual:

Presentámosvos a selección de fotos finalistas do concurso de “Fotografía Matemática 2023” do IES Val Miñor nas CATEGORÍAS de 1º-2ºESO e 3º-4ºESO-Bach. Estas 24 fotos seleccionadas optan a ser as gañadoras do Primeiro e Segundo premio en cada categoría, que recibirán un vale por material escolar de 20€ e 10€, respectivamente. O xurado do concurso fará público nos próximos días o seu veredicto. Sorte para todos/as.

O sábado 3 de xuño, os nosos alumnos Alba, Anxo, Hugo, Lara, Vera e Xoana de 1º de ESO, participaron na proba de selección de ESTALMAT-Galicia que se desenvolveu no IES Caslelao de Vigo.

Este proxecto organizado desde a Facultade de Matemáticas da USC ten como finalidade a detección e o EStímulo do TALento MATemático dos estudantes que cursan cada ano 6º de Primaria e 1º de ESO.

Queremos agradecer aos nosos valentes estudantes que aceptasen o reto de presentarse á proba. Independentemente do resultado que teñan, para nós xa son gañadores por gozar da experiencia e polo entusiasmo mostrado na materia de matemáticas.

Para máis información sobre este proxecto: ESTALMAT-Galicia (estalmatgalicia.com)